Airtel Recharge Plans: ಅಧಿಕ ಡೇಟಾ ಬಳಸುವವರಿಗೆ ಏರ್​​ಟೆಲ್​ನಿಂದ ಗುಡ್​ನ್ಯೂಸ್​! ಈ 2 ಯೋಜನೆಯಲ್ಲಿ 60 ಜಿಬಿ ಇಂಟರ್ನೆಟ್​ ಫ್ರೀ

ಅಗ್ಗದ ಯೋಜನೆಗಳಿಗಾಗಿ ಟೆಲಿಕಾಂ ಕಂಪನಿಗಳ ನಡುವೆ ನಿರಂತರ ಪೈಪೋಟಿ ನಡೆಯುತ್ತಲೇ ಇದೆ. ಈ ಹಿನ್ನಲೆಯಲ್ಲಿ ಪ್ರಮುಖ ಟೆಲಿಕಾಂ ಕಂಪನಿ ಏರ್ ಟೆಲ್ ಇತ್ತೀಚೆಗೆ ಎರಡು ಹೊಸ ಪ್ಲ್ಯಾನ್​ ತಂದಿದೆ. ಈ ಯೋಜನೆಗಳ ಬೆಲೆ ರೂ.489 ಮತ್ತು ರೂ.509. ಈ ಯೋಜನೆಗಳಲ್ಲಿ ಗ್ರಾಹಕರು ಉತ್ತಮ ಡೇಟಾ ಪ್ರಯೋಜನವನ್ನೂ ಪಡೆಯುತ್ತಾರೆ. ಹೆಚ್ಚಿನ ಡೇಟಾವನ್ನು ಬಳಸುವ ಗ್ರಾಹಕರನ್ನು ಗಮನದಲ್ಲಿಟ್ಟುಕೊಂಡು ಕಂಪನಿಯು ಈ ಯೋಜನೆಗಳನ್ನು ಪರಿಚಯಿಸಿದೆ.

ಏರ್‌ಟೆಲ್‌ನ ಈ ಯೋಜನೆಗಳಲ್ಲಿ ಗ್ರಾಹಕರು 5ಜಿ ಸೇವೆಯ ಸೌಲಭ್ಯವನ್ನು ಸಹ ಪಡೆಯುತ್ತಾರೆ. ಏರ್‌ಟೆಲ್‌ನ 5ಜಿ ಸೇವೆಯು ನಿಮ್ಮ ಪ್ರದೇಶದಲ್ಲಿ ಲಭ್ಯವಿದ್ದರೆ, ನೀವು ಈ ರೀಚಾರ್ಜ್​ನ ಲಾಭವನ್ನು ಸುಲಭದಲ್ಲಿ ಪಡೆಯಬಹುದು.

ಏರ್‌ಟೆಲ್ ರೂ.489 ಯೋಜನೆ: ಏರ್‌ಟೆಲ್‌ನ ರೂ. 489 ಪ್ಲಾನ್‌ನ ವಿವರಗಳನ್ನು ನೋಡುವುದಾದರೆ. ಆ ಪ್ಲಾನ್‌ಗಳನ್ನು ಆಯ್ಕೆ ಮಾಡುವ ಗ್ರಾಹಕರು ಒಂದು ತಿಂಗಳ ವ್ಯಾಲಿಡಿಟಿಯನ್ನು ಪಡೆಯುತ್ತಾರೆ. ಇನ್ನು ಈ ಯೋಜನೆಯಲ್ಲಿ ಅನಿಯಮಿತ ಕಾಲ್ ಸೌಲಭ್ಯ, ಎಸ್​​ಟಿಡಿ ಮತ್ತು ರೋಮಿಂಗ್​ ಕಾಲ್​ ಮಾಡುವ ಸೌಲಭ್ಯ ದೊರೆಯಲಿದೆ.

ಈ ಯೋಜನೆಯನ್ನು ಆಯ್ಕೆ ಮಾಡುವ ಬಳಕೆದಾರರಿಗೆ 50ಜಿಬಿ ಡೇಟಾವನ್ನು ಪಡೆಯಬಹುದಾಗಿದೆ. ಈ ಡೇಟಾವನ್ನು ದೈನಂದಿನ ಮಿತಿಯಿಲ್ಲದೆ ಬಳಸಬಹುದು. ಅಲ್ಲದೆ. ಗ್ರಾಹಕರು ಈ ಯೋಜನೆಯಲ್ಲಿ 300 ಎಸ್​​ಎಮ್​ಎಸ್​ ಅನ್ನು ಉಚಿತವಾಗಿ ಪಡೆಯುತ್ತಾರೆ.

ಹೆಚ್ಚುವರಿ ಪ್ರಯೋಜನವಾಗಿ, ಗ್ರಾಹಕರಿಗೆ ಹೆಲೋ ಟ್ಯೂನ್ಸ್, ವಿಂಕ್ ಮ್ಯೂಸಿಕ್, ಅಪೊಲೊ 24x7 ನ ಪ್ರಯೋಜನಗಳನ್ನು ಸಹ ನೀಡಲಾಗುತ್ತದೆ.

ಏರ್‌ಟೆಲ್ ರೂ.509 ಯೋಜನೆ: ಏರ್‌ಟೆಲ್‌ನ ರೂ. 509 ರೀಚಾರ್ಜ್ ಯೋಜನೆಯ ಬಗ್ಗೆ ಹೇಳುವುದಾದರೆ, ಇದರಲ್ಲಿ ಬಳಕೆದಾರರಿಗೆ 30 ದಿನಗಳ ಮಾನ್ಯತೆಯನ್ನು ನೀಡಲಾಗುತ್ತದೆ. ಅಂದರೆ ರೂ.489 ಪ್ಲಾನ್‌ನಂತೆ ಗ್ರಾಹಕರು ಒಂದು ತಿಂಗಳ ವ್ಯಾಲಿಡಿಟಿಯನ್ನು ಇದರಲ್ಲಿ ಪಡೆಯುತ್ತಾರೆ.

ಈ ಯೋಜನೆಯ ಮೂಲಕ ಗ್ರಾಹಕರಿಗೆ ಅನಿಯಮಿತ ಸ್ಥಳೀಯ ಕರೆಗಳು, ಎಸ್​​ಟಿಡಿ ಮತ್ತು ರೋಮಿಂಗ್ ಕರೆಗಳನ್ನು ನೀಡಲಾಗುತ್ತದೆ. ಇನ್ನು ಈ ಯೋಜನೆ ಮೂಲಕ ಗ್ರಾಹಕರು ವಿಶೇಷವಾಗಿ 60ಜಿಬಿ ಡೇಟಾವನ್ನು ಪಡೆಯುತ್ತಾರೆ. ಈ ಡೇಟಾವನ್ನು ಯಾವುದೇ ದೈನಂದಿನ ಡೇಟಾ ಮಿತಿಯಿಲ್ಲದೆಯೂ ಬಳಸಬಹುದು. ಇದರೊಂದಿಗೆ 300 ಎಸ್ಎಂಎಸ್ ಉಚಿತವಾಗಿ ಮಾಡುವ ಅವಕಾಶ ಸಿಗುತ್ತದೆ.

ಹೆಚ್ಚುವರಿ ಪ್ರಯೋಜನಗಳಾಗಿ, ಗ್ರಾಹಕರು ಹೆಲೋ ಟ್ಯೂನ್ಸ್​, ವಿಂಕ್ ಮ್ಯೂಸಿಕ್​ ಅಪ್ಲಿಕೇಶನ್‌ಗಳು ಮತ್ತು ಅಪೋಲೋ 24x7 ಅಪ್ಲಿಕೇಶನ್‌ಗಳಲ್ಲಿ ಕ್ಯಾಶ್‌ಬ್ಯಾಕ್ ಪಡೆಯುತ್ತಾರೆ.