Free Data: ವೊಡಫೋನ್ ಐಡಿಯಾ ಗ್ರಾಹಕರಿಗೆ ಗುಡ್​ನ್ಯೂಸ್​! ಈ ಯೋಜನೆಯಲ್ಲಿ 5ಜಿಬಿ ಡೇಟಾ ಉಚಿತ

ಪ್ರಮುಖ ಟೆಲಿಕಾಂ ಕಂಪನಿಗಳಲ್ಲಿ ಒಂದಾದ ವೊಡಾಫೋನ್ ಐಡಿಯಾ (VI) ಇತ್ತೀಚೆಗೆ ಹೊಸ ಕೊಡುಗೆಗಳನ್ನು ತರುತ್ತಿದೆ. ತನ್ನ ಗ್ರಾಹಕರನ್ನು ಆಕರ್ಷಿಸಲು ಹೊಸ ರೀಚಾರ್ಜ್​ ಪ್ರಯೋಜನಗಳನ್ನು ಒದಗಿಸುತ್ತಿದೆ. ಇನ್ನು ಈ ಕಂಪನಿಯಲ್ಲಿ ವಿವಿಧ ಕೊಡುಗೆಗಳು ಲಭ್ಯವಿವೆ. ಇದೀಗ ಹೊಸ ವರ್ಷದ ಸಂದರ್ಭದಲ್ಲಿ ಗ್ರಾಹಕರಿಗಾಗಿ ವಿಶೇಷ ಕೊಡುಗೆಯನ್ನು ಬಿಡುಗಡೆ ಮಾಡಿದೆ.

ಕಂಪನಿಯು ಕೆಲವು ದಿನಗಳ ಹಿಂದೆ 2023 ಹೊಸ ವರ್ಷದ ಕೊಡುಗೆಯನ್ನು ಬಿಡುಗಡೆ ಮಾಡಿತ್ತು. ಇದರ ಭಾಗವಾಗಿ ಗ್ರಾಹಕರಿಗೆ 75 ಜಿಬಿ ಉಚಿತ ಡೇಟಾ ಸಿಗಲಿದೆ. ಅಲ್ಲದೆ, ಕಂಪನಿಯು ಇದೀಗ ಗ್ರಾಹಕರಿಗೆ ಮತ್ತೊಂದು ಕೊಡುಗೆಯನ್ನು ತನ್ನ ಗ್ರಾಹಕರಿಗೆ ನೀಡುತ್ತಿದೆ. ಈ ಕೊಡುಗೆಯ ಭಾಗವಾಗಿ, ಗ್ರಾಹಕರು 5 ಜಿಬಿ ಡೇಟಾವನ್ನು ಉಚಿತವಾಗಿ ಪಡೆಯಬಹುದು.

ಈ ರೀತಿಯ ಉಚಿತ ಡೇಟಾ ಪಡೆಯಲು ಯೋಚಿಸುತ್ತಿರುವ ಗ್ರಾಹಕರು ಒಂದು ವಿಷಯವನ್ನು ನೆನಪಿಟ್ಟುಕೊಳ್ಳಬೇಕು. ವಿಐ ಆ್ಯಪ್ ಮೂಲಕ ಮೊಬೈಲ್ ರೀಚಾರ್ಜ್ ಮಾಡಬೇಕು. ಹೀಗೆ ರೀಚಾರ್ಜ್ ಮಾಡುವವರಿಗೆ 5 ಜಿಬಿ ಡೇಟಾ ಉಚಿತವಾಗಿ ಸಿಗಲಿದೆ. ಈ ಕೊಡುಗೆಯು ಸೀಮಿತ ಅವಧಿಗೆ ಮಾತ್ರ ಲಭ್ಯವಿರುತ್ತದೆ ಎಂಬುದನ್ನು ಕಂಪನಿ ಹೇಳಿದೆ.

ವೊಡಾಫೋನ್ ಐಡಿಯಾದ ಈ ಉಚಿತ ಡೇಟಾ ಆಫರ್ 15 ಜನವರಿ 2023 ರವರೆಗೆ ಲಭ್ಯವಾಗಲಿದೆ.ಹಾಗಿದ್ರೆ  ಯೋಜನೆಗಳೊಂದಿಗೆ ರೀಚಾರ್ಜ್ ಮಾಡಿದರೆ ನಮಗೆ ಯಾವ ರೀತಿ ಉಚಿತ ಡೇಟಾ ಸಿಗುತ್ತದೆ ಎಂಬುದನ್ನು ಕಂಡುಹಿಡಿಯೋಣ.

ವೊಡಾಫೋನ್ ಐಡಿಯಾ ರೂ. 539 ಯೋಜನೆಯಲ್ಲಿ ಹೆಚ್ಚುವರಿ ಡೇಟಾ ಕೊಡುಗೆ ಇದೆ. ಈ ಉಚಿತ ಡೇಟಾ ಮಾನ್ಯತೆ 28 ದಿನಗಳು. ಆದರೆ ಯೋಜನೆಯ ಮಾನ್ಯತೆ 56 ದಿನಗಳು. ಈ ಯೋಜನೆಯ ಭಾಗವಾಗಿ ಗ್ರಾಹಕರು ದಿನಕ್ಕೆ 2 ಜಿಬಿ ಡೇಟಾವನ್ನು ಪಡೆಯುತ್ತಾರೆ. ಜೊತೆಗೆ 100 ಎಸ್ಎಮ್​ಎಸ್​ ಅನ್ನು ಉಚಿತವಾಗಿ ಕಳುಹಿಸಬಹುದು. ಪ್ರಯೋಜನಗಳಲ್ಲಿ ಬಿಂಗ್ ಆಲ್ ನೈಟ್, ವೀಕೆಂಡ್ ಡೇಟಾ ರೋಲ್ ಓವರ್, ಡೇಟಾ ಡಿಲೈಟ್ಸ್ ಎಂಬ ಆಫರ್ಸ್ ಕೂಡ ಸೇರಿವೆ.

ವೊಡಫೋನ್ ಐಡಿಯಾದ ರೂ. 475 ರೀಚಾರ್ಜ್ ಯೋಜನೆಯು ಹೆಚ್ಚುವರಿ ಡೇಟಾ ಕೊಡುಗೆಯನ್ನು ಸಹ ಹೊಂದಿದೆ. 5ಜಿ ಹೆಚ್ಚುವರಿ ಡೇಟಾದೊಂದಿಗೆ ಬರುತ್ತದೆ. ಈ ಯೋಜನೆಯ ಮಾನ್ಯತೆ 28 ದಿನಗಳು ಆಗಿರುತ್ತದೆ. ಈ ಯೋಜನೆಯಡಿ ನೀವು ದಿನಕ್ಕೆ 4 GB ಡೇಟಾವನ್ನು ಪಡೆಯುತ್ತೀರಿ. ಈ ಯೋಜನೆಯು ಜೊತೆಗೆ ಇದರಲ್ಲಿ ಅನ್ಲಿಮಿಟೆಡ್ ಕಾಲ್​ ಮತ್ತು ದಿನಕ್ಕೆ 100 ಎಸ್​​ಎಮ್​ಎಸ್​​ ನಂತಹ ಪ್ರಯೋಜನಗಳು ಕೂಡ ಲಭ್ಯವಿದೆ.

ಅಲ್ಲದೆ  ಈ ಡೇಟಾ ಪ್ಲಾನ್ ಆಫರ್​​ನಲ್ಲಿ ರೂ. 319 ಯೋಜನೆಯಲ್ಲಿ ಆಫರ್‌ಗಳೂ ಇವೆ. ಈ ಯೋಜನೆಯು 5ಜಿಬಿ ಯಷ್ಟು ಹೆಚ್ಚುವರಿ ಡೇಟಾದೊಂದಿಗೆ ಬರುತ್ತದೆ. ಈ ಯೋಜನೆಯ ಮಾನ್ಯತೆ 28 ದಿನಗಳು. ದಿನಕ್ಕೆ 2 GB ಡೇಟಾ. ಪ್ರಯೋಜನಗಳು ಅನಿಯಮಿತ ಕರೆ ಮತ್ತು ದಿನಕ್ಕೆ 100 SMS ಅನ್ನು ಒಳಗೊಂಡಿವೆ. 

ಇದು ವೊಡಫೋನ್ ಐಡಿಯಾ ಬಿಡುಗಡೆ ಮಾಡಿರುವ ಯೋಜನೆಗಳಾಗಿದೆ. ಈ ಮೂಲಕ ಗ್ರಾಹಕರು ಹೆಚ್ಚುವರಿ ಡೆಟಾವನ್ನು ಪಡೆಯಬಹುದಾಗಿದೆ.