Recharge Plans: ಜಿಯೋ ಗ್ರಾಹಕರಿಗೆ ಗುಡ್​​ ನ್ಯೂಸ್​! ರೀಚಾರ್ಜ್​ ಬೆಲೆಯಲ್ಲಿ ಮತ್ತೆ ಇಳಿಕೆ

100 ರೂಪಾಯಿಗಳ ಒಳಗಿನ ಅತ್ಯುತ್ತಮ ರೀಚಾರ್ಜ್ ಯೋಜನೆ: ಸಾರ್ವಜನಿಕ ಮತ್ತು ಖಾಸಗಿ ಟೆಲಿಕಾಂ ಕಂಪನಿಗಳ ನಡುವೆ ಇತ್ತೀಚೆಗಂತೂ ತೀವ್ರ ಪೈಪೋಟಿ ನಡೆಯುತ್ತಲೇ ಇದೆ. ಈ ಪೈಪೋಟಿಯಿಂದ ಗ್ರಾಹಕರಂತೂ ಬಹಳಷ್ಟು ಲಾಭ ಪಡೆಯುತ್ತಿದ್ದಾರೆ. ಕಡಿಮೆ ವೆಚ್ಚದಲ್ಲಿ ಹಲವು ಪ್ರಯೋಜನಗಳನ್ನು ನೀಡುವ ಯೋಜನೆಗಳನ್ನು ಗ್ರಾಹಕರು ಪಡೆಯುತ್ತಿದ್ದಾರೆ.

ಟೆಲಿಕಾಂ ದೈತ್ಯ ಕಂಪೆನಿಯಾಗಿರುವ ಜಿಯೋ ಕಡಿಮೆ ವೆಚ್ಚದ ರೀಚಾರ್ಜ್ ಯೋಜನೆಗಳನ್ನು ಪರಿಚಯಿಸುವಲ್ಲಿ ಭಾರೀ ಜನಪ್ರಿಯತೆಯನ್ನು ಪಡೆದಿದೆ. ಇದೀಗ 100 ರೂ.ಗಿಂತ ಕಡಿಮೆ ವೆಚ್ಚದ ಯೋಜನೆಗಳನ್ನು ಜಿಯೋ ಪರಿಚಯಿಸಿದ್ದು, ಆ ಯೋಜನೆಯ ಸಂಪೂರ್ಣ ವಿವರಗಳು ಈ ಕೆಳಗಿನಂತಿವೆ.

ರಿಲಯನ್ಸ್ ಜಿಯೋ ತನ್ನ ಜಿಯೋಫೋನ್ ಬಳಕೆದಾರರಿಗೆ 75 ರೂಪಾಯಿಯ ಯೋಜನೆಯನ್ನು ಪರಿಚಯಿಸಿದೆ. ಇದರಿಂದ ಜಿಯೋ ಬಳಕೆದಾರರಿಗಾಗಿ ಸಾಕಷ್ಟು ಡೇಟಾವನ್ನು ಪಡೆಯುವ ಅತ್ಯಂತ ಕಡಿಮೆ ವೆಚ್ಚದ ಯೋಜನೆಯನ್ನು ನೀಡುತ್ತದೆ. 

Jio.com ನಲ್ಲಿ ಒದಗಿಸಲಾದ ಮಾಹಿತಿಯ ಪ್ರಕಾರ, ಈ ಯೋಜನೆಯು ಉಚಿತ ಕರೆಗಳು ಸೇರಿದಂತೆ ಹಲವು ಪ್ರಯೋಜನಗಳನ್ನು ಸಹ ನೀಡುತ್ತದೆ. ಇನ್ನು ಜಿಯೋ ಇದುವರೆಗೆ ಹಲವಾರು ಯೋಜನೆಗಳನ್ನು ಪರಿಚಯಿಸಿದ್ದು, ಈ ಯೋಜನೆ ಒಂದು ರೀತಿಯಲ್ಲಿ ಸ್ಪೆಷಲ್ ಅಂತಾನೇ ಹೇಳ್ಬಹುದು. ಏಕೆಂದರೆ ಇದು ಜಿಯೋ ಫೋನ್ ಬಳಕೆದಾರರಿಗೆ ಮಾತ್ರ ಲಭ್ಯವಿರುತ್ತದೆ.

ಈ ಯೋಜನೆಯ ಒಟ್ಟು ವ್ಯಾಲಿಡಿಟಿ 23 ದಿನಗಳು. ಕೇವಲ ರೂ. 75 ರ ಈ ಯೋಜನೆಯಲ್ಲಿ, ಬಳಕೆದಾರರು ಒಟ್ಟು 2.5ಜಿಬಿ ಡೇಟಾ ಪ್ರಯೋಜನವನ್ನು ಪಡೆಯುತ್ತಾರೆ. ಜೊತೆಗೆ 100 ಎಮ್​ಬಿಯಷ್ಟು ದೈನಂದಿನ ಡೇಟಾ ಲಭ್ಯವಿರುತ್ತದೆ.

ಇನ್ನು ಈ ಯೋಜನೆಯ ಉಳಿದ ಪ್ರಯೋಜನಗಳನ್ನು ನೋಡುವುದಾದರೆ, ಜಿಯೋ ತನ್ನ ಗ್ರಾಹಕರಿಗೆ ಈ ಯೋಜನೆಯಿಂದ ಜಿಯೋ ಅಪ್ಲಿಕೇಶನ್‌ಗಳಿಗೆ ಉಚಿತ ಚಂದಾದಾರಿಕೆಯನ್ನು ನೀಡುತ್ತದೆ.

ಅಂದರೆ ಗ್ರಾಹಕರು ಈ ಯೋಜನೆ ಮೂಲಕ ಒಟ್ಟು 23 ದಿನಗಳಲ್ಲಿ 2.5ಜಿಬಿ ಡೇಟಾವನ್ನು ಮಾತ್ರ ಬಳಸಬಹುದು. ಹೆಚ್ಚುವರಿಯಾಗಿ, ಯೋಜನೆಯಲ್ಲಿ 50 SMS ವರೆಗೆ ಕಳುಹಿಸಬಹುದು. ವಿಶೇಷವಾಗಿ ಈ ಆಫರ್ ಕೇವಲ ಜಿಯೋ ಫೋನ್ ಗ್ರಾಹಕರಿಗೆ ಮಾತ್ರ ಅನ್ವಯಿಸುತ್ತದೆ.

ಜಿಯೋ ಇಂತಹ ಹಲವಾರು ಯೋಜನೆಗಳನ್ನು ತನ್ನ ಗ್ರಾಹಕರಿಗಾಗಿ ಪರಿಚಯಿಸಿದೆ. ಆದ್ದರಿಂದಲೇ ಭಾರತೀಯ ಟೆಲಿಕಾಂ ಕಂಪೆನಿಗಳಲ್ಲಿ ನಂಬರ್​ ಒನ್​ ಕಂಪೆನಿಯೆಂದು ಗುರುತಿಸಿಕೊಂಡಿದೆ.