Best Recharge Plan: ಜಿಯೋ, ಏರ್​ಟೆಲ್ ಗ್ರಾಹಕರಿಗೆ ಗುಡ್​ ನ್ಯೂಸ್! ಓಟಿಟಿ ಪ್ಲಾಟ್​ಫಾರ್ಮ್​ಗಳು ಉಚಿತ

ರಿಲಯನ್ಸ್ ಜಿಯೋ, ಭಾರ್ತಿ ಏರ್‌ಟೆಲ್ ಈ ಎರಡು ದೈತ್ಯ ಟೆಲಿಕಾಂ ಕಂಪನಿಗಳು. ಈ ಕಂಪನಿಗಳು ಮೊಬೈಲ್ ಸೇವೆಗಳಿಂದ ಹಿಡಿದು ಬ್ರಾಡ್‌ಬ್ಯಾಂಡ್ ಸೇವೆಗಳವರೆಗೆ ವಿವಿಧ ರೀತಿಯ ಸೇವೆಗಳನ್ನು ಗ್ರಾಹಕರಿಗೆ ನೀಡುತ್ತವೆ. ತನ್ನ ರೀಚಾರ್ಜ್​ ಯೋಜನೆ ಮೂಲಕವೇ ಹೆಚ್ಚಿನ ಗ್ರಾಹಕರನ್ನು ಆಕರ್ಷಿಸಿದೆ.

ಈಗ ನಾವು ರೂ. 999 ಬ್ರಾಡ್‌ಬ್ಯಾಂಡ್ ಯೋಜನೆ ಬಗ್ಗೆ ತಿಳಿಯೋಣ. ಈ ಯೋಜನೆಯ ಮಾನ್ಯತೆ ಒಟ್ಟು 30 ದಿನಗಳು. ಅಂದರೆ ಪ್ರತಿ ತಿಂಗಳು ರೀಚಾರ್ಜ್ ಮಾಡಬೇಕು. ಇಲ್ಲದಿದ್ದರೆ ಈ ಸೇವೆಗಳನ್ನು ಪಡೆಯಲು ಸಾಧ್ಯವಿಲ್ಲ. ಈ ಯೋಜನೆಯಲ್ಲಿ ಗ್ರಾಹಕರು ಓಟಿಟಿಯಂತಹ ಹೆಚ್ಚುವರಿ ಪ್ರಯೋಜನಗಳನ್ನು ಪಡೆಯಬಹುದಾಗಿದೆ.

ಮೊದಲಿಗೆ, ಜಿಯೋನ ಬ್ರಾಡ್‌ಬ್ಯಾಂಡ್ ಯೋಜನೆ ಬಗ್ಗೆ ಹೇಳುವುದಾದರೆ, ಇದರಲ್ಲಿ ಗ್ರಾಹಕರು 150 Mbps ವೇಗದಲ್ಲಿ ಇಂಟರ್ನೆಟ್ ಅನ್ನು ಪಡೆಯಬಹುದು. ಜೊತೆಗೆ ಅನಿಯಮಿತ ಕರೆ ಸೌಲಭ್ಯ ಲಭ್ಯವಿದೆ. ಜಿಯೋ ಕಂಪನಿಯ ಎಲ್ಲಾ ಬ್ರಾಡ್‌ಬ್ಯಾಂಡ್ ಯೋಜನೆಗಳಲ್ಲಿ, ಈ ಯೋಜನೆ ಮಾತ್ರ ಅತ್ಯಂತ ಜನಪ್ರಿಯವಾಗಿದೆ.

Amazon Prime, Disney Hotstar ಸೇರಿದಂತೆ ಸುಮಾರು 16 ಬಗೆಯ ಓಟಿಟಿ ಪ್ಲಾಟ್‌ಫಾರ್ಮ್‌ಗಳು ಈ ಯೋಜನೆಯಲ್ಲಿ ಉಚಿತ ಚಂದಾದಾರಿಕೆ ಮೂಲಕ ಲಭ್ಯವಿದೆ. ಜೊತೆಗೆ Voot Select, Sony Live, Zee5, Voot Kids, Sun NXT, Jio Cinema, Eros Now ನಂತಹ ಅನೇಕ ಓಟಿಟಿ ಪ್ಲಾಟ್‌ಫಾರ್ಮ್‌ಗಳು ಚಂದಾದಾರಿಕೆಗೆ ಲಭ್ಯವಿದೆ. ಇನ್ನು ಈ ಯೋಜನೆಯಲ್ಲಿ 550 ಕ್ಕೂ ಹೆಚ್ಚು ಟಿವಿ ಚಾನೆಲ್‌ಗಳನ್ನು ವೀಕ್ಷಿಸಬಹುದು.

ಇನ್ನು ಏರ್‌ಟೆಲ್​ನ ಬ್ರಾಡ್‌ಬ್ಯಾಂಡ್ ಯೋಜನೆ ಬಗ್ಗೆ ಹೇಳುವುದಾದರೆ, ಇದು  ಸಹ 30 ದಿನಗಳ ವ್ಯಾಲಿಡಿಟಿ ಅವಧಿಯನ್ನು ಹೊಂದಿರುತ್ತದೆ. ಆದರೆ ಜಿಯೋ ಯೋಜನೆಗೆ ಹೋಲಿಸಿದರೆ.. ಈ ಯೋಜನೆಯಲ್ಲಿ ಇಂಟರ್ನೆಟ್ ವೇಗ ಹೆಚ್ಚು. ನೀವು 200 Mbps ವೇಗದಲ್ಲಿ ಇದರಲ್ಲಿ ಇಂಟರ್ನೆಟ್ ಅನ್ನು ಬಳಕೆ ಮಾಡಬಹುದು.

ಈ ಯೋಜನೆಯೊಂದಿಗೆ ಗ್ರಾಹಕರು ಡಿಸ್ನಿ ಪ್ಲಸ್​ ಹಾಟ್ ಸ್ಟಾರ್ ಮತ್ತು ಅಮೆಜಾನ್ ಪ್ರೈಮ್ ಚಂದಾದಾರಿಕೆಯನ್ನು ಸಹ ಪಡೆಯಬಹುದು. ಇಲ್ಲಿ ಜಿಯೋ ಪ್ಲಾನ್ ಬೆಸ್ಟ್ ಎಂದು ಹೇಳಬಹುದು. ಏಕೆಂದರೆ ಜಿಯೋದಲ್ಲಿ ಹೆಚ್ಚಿನ ಓಟಿಟಿ ಪ್ಲಾಟ್‌ಫಾರ್ಮ್‌ಗಳ ಚಂದಾದಾರಿಕೆ ಉಚಿತವಾಗಿದೆ.

ಏರ್‌ಟೆಲ್​ನ ಈ ಫೈಬರ್ ಪ್ಲಾನ್‌ನಲ್ಲಿ ನೀವು ಅನಿಯಮಿತ ಕರೆಗಳನ್ನು, ಅನ್ಲಿಮಿಟೆಡ್​ ಇಂಟರ್ನೆಟ್ ಸೌಲಭ್ಯವನ್ನು ಪಡೆಯಬಹುದು. ಅಲ್ಲದೆ, ಏರ್‌ಟೆಲ್​ನ ಈ ಯೋಜನೆಯಲ್ಲಿ ಎಕ್ಸ್‌ಟ್ರೀಮ್ ಪ್ರೀಮಿಯಂ, ವಿಐಪಿ ಸರ್ವೀಸ್​, ಅಪೊಲೊ 24, ಫಾಸ್ಟ್ಯಾಗ್, ವಿಂಕ್ ಪ್ರೀಮಿಯಂನಂತಹ ಸೇವೆಗಳನ್ನು ಪಡೆಯಬಹುದು.

ಈ ಎರಡು ಪ್ಲ್ಯಾನ್​ಗಳಲ್ಲಿ ಜಿಯೋ ಬ್ರಾಡ್​ಬ್ಯಾಂಡ್​ ಪ್ಲ್ಯಾನ್​ ಬೆಸ್ಟ್ ಎನ್ನಬಹುದು. ಏಕೆಂದರೆ ಜಿಯೋನ ಈ ಪ್ಲ್ಯಾನ್​ನಲ್ಲಿ ಹೆಚ್ಚಿನ ಓಟಿಟಿ ಪ್ಲಾಟ್‌ಫಾರ್ಮ್‌ಗಳ ಚಂದಾದಾರಿಕೆಯನ್ನು ಪಡೆಯಬಹುದು.