WhatsApp Updates: ವಾಟ್ಸಪ್​ನ ಈ ಫೀಚರ್​​ನಿಂದ ಇನ್ಮುಂದೆ ಕಾಲ್ ಬಂದ್ರೂ ಗೊತ್ತಾಗಲ್ಲ! ಏನಿದು ಹೊಸ ಅಪ್ಡೇಟ್​?

ಮೆಟಾ ಮಾಲೀಕತ್ವದ ಇನ್‌ಸ್ಟಂಟ್ ಮೆಸೇಜಿಂಗ್ ಪ್ಲಾಟ್‌ಫಾರ್ಮ್ ಆಗಿರುವಂತಹ ವಾಟ್ಸಪ್​ ಅನ್ನು ಅಪ್ಡೇಟ್ ಮಾಡುತ್ತಲೇ ಇದೆ. ವಾಟ್ಸಪ್​ ಬಳಕೆದಾರರಿಗೆ ಇದೀಗ ಮತ್ತೊಂದು ಫೀಚರ್​ ಅನ್ನು ಘೋಷಿಸಿದೆ. ವೆಬ್ ಬಳಕೆದಾರರಿಗೆ ಡೋಂಟ್ ಡಿಸ್ಟರ್ಬ್ ಆಯ್ಕೆಯನ್ನು ಆನ್ ಮಾಡುವ ಫೀಚರ್​​ ಅನ್ನು ಬಿಡುಗಡೆ ಮಾಡಿದೆ. ಇದರ ಮೂಲಕ ಬಳಕೆದಾರರು ವಾಟ್ಸಪ್​ ಕರೆಗಳ ನಾಟಿಫಿಕೇಶನ್​ಗಳನ್ನು ಆಫ್ ಮಾಡಬಹುದು. ಈ ವೈಶಿಷ್ಟ್ಯವು ಹೇಗೆ ಕಾರ್ಯನಿರ್ವಹಿಸುತ್ತದೆ ಎಂಬುದನ್ನು ಇಲ್ಲಿದೆ ಮಾಹಿತಿ.

ವೆಬ್ ಬಳಕೆದಾರರು ಪ್ರಸ್ತುತ ವಾಟ್ಸಪ್​ ಕಾಲ್​ಗಳ ನಾಟಿಫಿಕೇಶನ್​ ಅನ್ನು ಆಫ್​ - ಆನ್​ ಮಾಡಬಹುದಾಗಿದೆ.  ವಾಬೀಟಾಇನ್ಫೋದ ವರದಿಯ ಪ್ರಕಾರ ಪ್ರಸ್ತುತ, ವಾಟ್ಸಪ್​ ಕಾಲ್​ಗಳನ್ನು ಆಫ್ ಮಾಡುವ ವೈಶಿಷ್ಟ್ಯವನ್ನು ಬೀಟಾ ಪರೀಕ್ಷಕರಿಗೆ ಒದಗಿಸಲಾಗಿದೆ.

ವಾಬೀಟಾಇನ್ಫೋ ಎಂಬುದು ವಾಟ್ಸಪ್​​ನ ಹೊಸ ಮತ್ತು ಮುಂಬರುವ ಫೀಚರ್ಸ್​ಗಳನ್ನು ಟ್ರ್ಯಾಕ್ ಮಾಡುವ ಆನ್‌ಲೈನ್ ಪ್ಲಾಟ್‌ಫಾರ್ಮ್ ಆಗಿದೆ. ವಾಟ್ಸಾಪ್ ಕರೆಗಳ ನಾಟಿಫಿಕೇಶನ್​ ಅನ್ನು ಹೈಡ್​/ ಆಫ್​ ಮಾಡುವಂತಹ ಫೀಚರ್​ ಮುಂದಿನ ದಿನಗಳಲ್ಲಿ ಹೆಚ್ಚಿನ ಬಳಕೆದಾರರಿಗೆ ಲಭ್ಯವಾಗಲಿದೆ ಎಂದು ವರದಿ ಹೇಳಿದೆ.

ಸೆಟ್ಟಿಂಗ್‌ಗಳಲ್ಲಿ ಅಧಿಸೂಚನೆ ಆಯ್ಕೆ: ವಾಟ್ಸಪ್​ ವೆಬ್ ಬಳಕೆದಾರರು ವೆಬ್‌ನಲ್ಲಿನ ಸೆಟ್ಟಿಂಗ್‌ಗಳಲ್ಲಿ ಈ ವೈಶಿಷ್ಟ್ಯವನ್ನು ಆನ್ ಮಾಡಬಹುದು. ನಾಟಿಫಿಕೇಶನ್​ಗಳ ಆಯ್ಕೆಯ ಬಳಿ ಕಾಣಿಸಿಕೊಳ್ಳುವ ಬಟನ್ ಅನ್ನು ಆನ್ ಮತ್ತು ಆಫ್ ಮಾಡಬಹುದು. ಈ ಮೂಲಕ ವಾಟ್ಸಪ್​ನಲ್ಲಿ ಬರುವಂತಹ ಕಾಲ್​ನ ನಾಟಿಫಿಕೇಶನ್​ ಅನ್ನು ಆಫ್​ ಮಾಡ್ಬಹುದಾಗಿದೆ.

ಅವತಾರ್ ಫೀಚರ್​: ಈ ತಿಂಗಳ ಆರಂಭದಲ್ಲಿ, ವಾಟ್ಸಪ್​ ತನ್ನ ವೇದಿಕೆಯಲ್ಲಿ ಅವತಾರ್​ ಫೀಚರ್​​ ಅನ್ನು ಪರಿಚಯಿಸಿತು. ಈ ಮೂಲಕ ವಾಟ್ಸಪ್​ನಲ್ಲಿ ಅವತಾರ್ ಅನ್ನು ಬಳಕೆದಾರರಿಗೆ ಬಯಸಿದಂತೆ ಕಸ್ಟಮೈಸ್ ಮಾಡಬಹುದು ಮತ್ತು ಪ್ರೊಫೈಲ್ ಚಿತ್ರವಾಗಿ ಹೊಂದಿಸಬಹುದು. ಅದೇ ರೀತಿ ವಿವಿಧ ಭಾವನೆಗಳನ್ನು ವ್ಯಕ್ತಪಡಿಸಲು ವಾಟ್ಸಾಪ್ 36 ಎಮೋಜಿಗಳನ್ನು ಸಹ ಒದಗಿಸಿದೆ.

ಇನ್ನು ಇ ಕ್ರಿಯೇಟ್​ ಮಾಡಿದ ಅವತಾರ್​ ಅನ್ನು ಫ್ರೆಂಡ್ಸ್​ ಮತ್ತು ಕುಟುಂಬದೊಂದಿಗೆ ವಾಟ್ಸಪ್​ನಲ್ಲಿ ಶೇರ್​​ ಮಾಡಿಕೊಳ್ಳಬಹುದು. ವಾಟ್ಸಾಪ್‌ನಲ್ಲಿ ನೈಜ ಫೋಟೋವನ್ನು ತಮ್ಮ ಪ್ರೊಫೈಲ್ ಚಿತ್ರವನ್ನಾಗಿ ಹಾಕಲು ಯೋಚಿಸುತ್ತಿರುವವರು ಡಿಜಿಟಲ್ ಅವತಾರ್ ವೈಶಿಷ್ಟ್ಯವನ್ನು ಬಳಸಬಹುದು. ಗೌಪ್ಯತೆ ಬಗ್ಗೆ ಕಾಳಜಿ ಹೊಂದಿರುವವರಿಗೆ ಇದು ಉತ್ತಮ ಆಯ್ಕೆಯಾಗಿದೆ. ಇಲ್ಲಿಯವರೆಗೆ ಈ ವೈಶಿಷ್ಟ್ಯವು ಬೀಟಾ ಬಳಕೆದಾರರಿಗೆ ಲಭ್ಯವಿದೆ.

ವಾಟ್ಸಪ್ ನಲ್ಲಿ ಅವತಾರ್ ಕ್ರಿಯೇಟ್ ಮಾಡುವುದು ಹೇಗೆ?  ವಾಟ್ಸಪ್​ನಲ್ಲಿ ಅವತಾರ್ ರಚಿಸಲು ಮೊದಲು ವಾಟ್ಸಪ್​ ಸೆಟ್ಟಿಂಗ್​​ಗಳನ್ನು ತೆರೆಯಿರಿ. ಅದರ ನಂತರ, ನೀವು ಅಲ್ಲಿ ಕಾಣಿಸಿಕೊಳ್ಳುವ ಅವತಾರ್ ಎಂಬ ಆಯ್ಕೆಯನ್ನು ಆರಿಸಬೇಕಾಗುತ್ತದೆ. ಅದರ ನಂತರ, ನಿಮ್ಮ ಅವತಾರ್ ಅನ್ನು ರಚಿಸಿ ಸೇವ್​ ಎಂಬ ಆಯ್ಕೆಯನ್ನು ಸೆಲೆಕ್ಟ್ ಮಾಡಿ. ನಂತರ ನಿಮಗೆ ಬೇಕಾದ ಹಾಗೆ ಶೇರ್ ಮಾಡಬಹುದು.

Undo ಬಟನ್ ವೈಶಿಷ್ಟ್ಯ: ವಾಟ್ಸಪ್​ ಇತ್ತೀಚೆಗೆ ಬಳಕೆದಾರರಿಗೆ Undo ಬಟನ್ ಫೀಚರ್ಸ್​ ಅನ್ನು ಬಿಡುಗಡೆ ಮಾಡಿದೆ. ಈ ವೈಶಿಷ್ಟ್ಯವು ಬಳಕೆದಾರರು ಮೆಸೇಜ್​ ಅನ್ನು ಸೆಂಡ್​ ಮಾಡಿದಾಗ ತಪ್ಪು ಮಾಡಿದರೆ ತಕ್ಷಣವೇ  ಅಂಡೂ ಆಯ್ಕೆಯನ್ನು ಸೆಲೆಕ್ಟ್​ ಮಾಡುವ ಮೂಲಕ ಚೇಂಜ್​ ಮಾಡಬಹುದು. ಯಾವುದೇ ವಾಟ್ಸಪ್​ ಗ್ರೂಪ್​ ಅಥವಾ ಪರ್ಸನಲ್​ ಆಗಿ ಮೆಸೇಜ್​​ ಸೆಂಡ್​ ಮಾಡಿದಾಗ ಈ ಫೀಚರ್​​ ಲಭ್ಯವಾಗುತ್ತದೆ. ಇನ್ನು ವಾಟ್ಸಪ್​ನಲ್ಲಿ ಡಿಲೀಟ್​ ಫಾರ್​ ಮಿ ಎಂಬ ಆಯ್ಕೆಯನ್ನು ಸೆಲೆಕ್ಟ್​ ಮಾಡುವ ಮೂಲಕ ಇದನ್ನು ಬಳಸಬಹುದು.