Electricity Bill: ಬೇಸಿಗೆಯಲ್ಲಿ ಎಸಿ ಬಳಸುವಾಗ ಈ ಟಿಪ್ಸ್​ ಫಾಲೋ ಮಾಡಿದ್ರೆ, ಕರೆಂಟ್​ ಬಿಲ್​ ಬಗ್ಗೆ ಚಿಂತೆನೇ ಇರಲ್ಲ

ವಾತಾವರಣದಲ್ಲಿ ತಾಪಮಾನ ಹೆಚ್ಚಾಗುವುದು ಮಾತ್ರವಲ್ಲ, ಈ ಸಂದರ್ಭದಲ್ಲಿ ಎಸಿಗಳು ಮತ್ತು ಫ್ಯಾನ್‌ಗಳು ರನ್​ ಆಗುತ್ತಲೇ ಇರುತ್ತವೆ. ಕೆಲವರು ಹೊಸ ಎಸಿಗಳನ್ನು ಖರೀದಿಸುತ್ತಿದ್ದರೆ, ಇನ್ನು ಕೆಲವರು ಈಗಾಗಲೇ ಇರುವ ಎಸಿಗಳನ್ನೇ ಬಳಸುತ್ತಾರೆ. ಆದರೆ, ಮಾರ್ಚ್‌ಗಿಂತ ಏಪ್ರಿಲ್‌ನಲ್ಲಿ ವಿದ್ಯುತ್‌ ಬಿಲ್‌ ಜಾಸ್ತಿಯಾಗಲಿದೆ ಎಂಬ ಭಯ ಅನೇಕರಲ್ಲಿದೆ. ಅದರಲ್ಲೂ ಎಸಿ ಬಳಸಿದರೆ ಸಾವಿರಾರು ರೂಪಾಯಿಯಷ್ಟು ಒಂದು ತಿಂಗಳಿನಲ್ಲಿ ಬಿಲ್ ಬರುತ್ತದೆ.

ಆದರೆ ಈ ಸಿಂಪಲ್ ಟಿಪ್ಸ್ ಪಾಲಿಸಿದರೆ, 24 ಗಂಟೆ ಎಸಿ ಆನ್ ಮಾಡಿದರೂ ಬಿಲ್ ಕಡಿಮೆಯೇ ಬರುತ್ತದೆ. ಇದಕ್ಕಾಗಿ ಕೆಲವೊಂದು ಸಲಹೆಗಳಿವೆ. ಇದನ್ನು ಅನುಸರಿಸಿದರೆ ನಿಮಗೆ ವಿದ್ಯುತ್​ ಬಿಲ್​ ಬಗ್ಗೆ ಚಿಂತೆನೇ ಮಾಡ್ಬೇಕಾಗಿಲ್ಲ.

ಎಸಿಯನ್ನು ಸರಿಯಾದ ಡೀಫಾಲ್ಟ್ ತಾಪಮಾನಕ್ಕೆ ಹೊಂದಿಸಿದರೆ, ಶೇ.6ರಷ್ಟು ವಿದ್ಯುತ್ ಉಳಿತಾಯ ಮಾಡಬಹುದು. ನೀವು ಎಸಿ ತಾಪಮಾನವನ್ನು ಎಷ್ಟು ಕಡಿಮೆಗೊಳಿಸುತ್ತೀರೋ ಅಷ್ಟು ನಿಮ್ಮ ವಿದ್ಯುತ್​ ಬಿಲ್ ಸಹ ಕಡಿಮೆಯಾಗುತ್ತದೆ. ಒಂದು ಪಾಯಿಂಟ್ ಹೆಚ್ಚಾದರೂ ಬಿಲ್ ತುಂಬಾ ಏರಬಹುದು. ಆದ್ದರಿಂದ ಡೀಫಾಲ್ಟ್ ತಾಪಮಾನವನ್ನು ಇಟ್ಟುಕೊಳ್ಳುವುದರ ಮೇಲೆ ಕೇಂದ್ರೀಕರಿಸಿ.

ನಿಮ್ಮ ಎಸಿಯನ್ನು 18 ಡಿಗ್ರಿಯಿಂದ 24 ಡಿಗ್ರಿ ಸೆಲ್ಸಿಯಸ್‌ನಲ್ಲಿ ಇರಿಸಿ. ಇನ್ನು 23 ರಿಂದ 24 ಇಟ್ಟರೆ ನಿಮಗೆ ಬರುವಂತಹ ವಿದ್ಯುತ್​ ಬೆಲೆ ಇನ್ನಷ್ಟು ಕಡಿಮೆಯಾಗುತ್ತದೆ.

ಎಸಿ ಆನ್ ಆಗಿರುವಾಗ ಇತರ ವಿದ್ಯುತ್ ಸಾಧನಗಳನ್ನು ಬಳಸಬೇಡಿ. ಆದ್ದರಿಂದ ಆ ಶಾಖವು ಅವರಿಂದ ಬರುವುದಿಲ್ಲ. ಅತ್ಯಂತ ಮುಖ್ಯವಾದ ವಿಷಯವೆಂದರೆ ಎಸಿ ಚಾಲನೆಯಲ್ಲಿರುವ ಕೊಠಡಿಯನ್ನು ಸರಿಯಾಗಿ ಮುಚ್ಚಬೇಕು. ಆ ಕೋಣೆಯಲ್ಲಿ ಸೂರ್ಯನ ಕಿರಣಗಳು ಬಿದ್ದರೆ, ಅದು ಎಸಿ ಮೇಲೆ ಇನ್ನಷ್ಟು ಫ್ರೆಷರ್​ ಅನ್ನು ಬೀಳಿಸುತ್ತದೆ.

ನೀವು ದೀರ್ಘಕಾಲದವರೆಗೆ ಕೋಣೆಯನ್ನು ತಂಪಾಗಿಸಲು ಬಯಸಿದರೆ, ವಿಶೇಷವಾಗಿ ರಾತ್ರಿಯಲ್ಲಿ, ಎಸಿ ತಾಪಮಾನವನ್ನು ಹೊಂದಿಸಿ ಮತ್ತು ಸ್ವಲ್ಪ ಸಮಯದವರೆಗೆ ಅದನ್ನು ಹಾಗೇ ಆನ್​ ಮಾಡಿಡಿ. ಕೊಠಡಿ ತಣ್ಣಗಾದ ನಂತರ 2 ಗಂಟೆಗಳ ಕಾಲ ಎಸಿ ಸ್ವಿಚ್ ಆಫ್ ಮಾಡಿ. ಈ ರೀತಿ ಮಾಡುವುದರಿಂದಲೂ ವಿದ್ಯುತ್​ ಖರ್ಚಾಗುವುದನ್ನು ತಪ್ಪಿಸಬಹುದು.

ಎಸಿ ಜೊತೆಗೆ ಫ್ಯಾನ್ ಬಳಸಿ: ಎಸಿ ತಾಪಮಾನವನ್ನು ಕಡಿಮೆ ಮಾಡದೆ 24 ರ ಹತ್ತಿರ ಇಟ್ಟು, ಕೊಠಡಿಯನ್ನು ತಂಪಾಗಿರಿಸಲು ಫ್ಯಾನ್ ಬಳಸಿ. ಸ್ವಲ್ಪ ಸಮಯದ ನಂತರ ನೀವು ಎಸಿಯನ್ನು ಸ್ವಿಚ್ ಆಫ್ ಮಾಡಬಹುದು. ಇದರಿಂದ ಫ್ಯಾನ್ ಕೂಲಿಂಗ್ ನೀಡುತ್ತದೆ. ಹಾಗೆಯೇ ಎಸಿ ಆನ್ ಮಾಡುವ ಮುನ್ನ ಕೊಠಡಿಯಲ್ಲಿರುವ ಬಿಸಿ ಗಾಳಿಯನ್ನು ಹೊರಹಾಕಲು ಫ್ಯಾನ್ ಅನ್ನು ಸ್ವಲ್ಪ ಹೊತ್ತು ಆನ್ ಮಾಡಿ. ಅದರ ನಂತರ ಎಸಿ ಆನ್ ಮಾಡಿದ ತಕ್ಷಣ ಕೊಠಡಿ ತಂಪಾಗುತ್ತದೆ.

ಎಸಿ ನಿರಂತರವಾಗಿ ಆನ್​ ಆಗಿರುವುದರಿಂದ ಆಗಾಗ ಸರ್ವೀಸ್ ಮಾಡಿಸಿ. ಇಲ್ಲವಾದರೆ ಎಸಿ ಹಾಳಾಗುವ ಸಾಧ್ಯತೆಗಳು ಹೆಚ್ಚಿರುತ್ತದೆ. ಇದರ ಏರ್​​ ಫಿಲ್ಟರ್‌ಗಳನ್ನು ಸಹ ಆಗಾಗ ಕ್ಲೀನ್ ಮಾಡ್ಬೇಕು ಅಥವಾ ಬದಲಾಯಿಸಬೇಕು. ಇದನ್ನು ಸರಿಯಾದ ಸಮಯಕ್ಕೆ ಮಾಡಿದರೆ ವಿದ್ಯುತ್ ಬಿಲ್ ಶೇ.5ರಿಂದ 15ರಷ್ಟು ಕಡಿಮೆಯಾಗಲಿದೆ.