Republic Day Offers: ಫ್ಲಿಪ್​ಕಾರ್ಟ್​ ರಿಪಬ್ಲಿಕ್​ ಡೇ ಸೇಲ್​; 25 ಸಾವಿರದೊಳಗಿನ ಸ್ಮಾರ್ಟ್​​ಫೋನ್​ಗಳ ಪಟ್ಟಿ ಇಲ್ಲಿದೆ

ಹೊಸ ಸ್ಮಾರ್ಟ್‌ಫೋನ್ ಖರೀದಿಸಲು  ಯೋಚಿಸುತ್ತಿರುವವರಿಗೆ ಫ್ಲಿಪ್​ಕಾರ್ಟ್​ನಲ್ಲಿ ಉತ್ತಮ ರಿಯಾಯಿತಿಗಳು ಲಭ್ಯವಿದೆ. ಜನಪ್ರಿಯ ಇಕಾಮರ್ಸ್ ಕಂಪನಿಗಳು ಗಣರಾಜ್ಯೋತ್ಸವದ ಸಂದರ್ಭದಲ್ಲಿ ಗ್ಯಾಜೆಟ್ಸ್​, ಸ್ಮಾರ್ಟ್​​ಫೋನ್​ಗಳ ಮೇಲೆ ಅದ್ಭುತ ರಿಯಾಯಿತಿಗಳನ್ನು ಘೋಷಿಸುತ್ತಿವೆ. ಫ್ಲಿಪ್​ಕಾರ್ಟ್​​, ಅಮೆಜಾನ್ ಈಗಾಗಲೇ ಗಣರಾಜ್ಯೋತ್ಸವದ ಮಾರಾಟವನ್ನು ಆಯೋಜಿಸಿವೆ.

ಫ್ಲಿಪ್​ಕಾರ್ಟ್​​ ಇದೀಗ ವಿಶೇಷ ಎಲೆಕ್ಟ್ರಾನಿಕ್ಸ್ ಮಾರಾಟವನ್ನು ಘೋಷಿಸಿದೆ. ಈ ಸೇಲ್ ಈಗಾಗಲೇ ಆರಂಭವಾಗಿದ್ದು, ಜನವರಿ 31ರವರೆಗೆ ಮುಂದುವರಿಯಲಿದೆ. ಈ ಸಂದರ್ಭದಲ್ಲಿ ಗ್ರಾಹಕರಿಗೆ ವಿನಿಮಯ ಕೊಡುಗೆಗಳು, ಯಾವುದೇ ವೆಚ್ಚದ ಇಎಮ್​ಐ ಆಯ್ಕೆಗಳು ಮತ್ತು ಇತರ ಡೀಲ್‌ಗಳು ಲಭ್ಯವಿವೆ.

ಸ್ಯಾಮ್​ಸಂಗ್​ ಗ್ಯಾಲಕ್ಸಿ ಎಮ್​33 5ಜಿ: ಸ್ಯಾಮ್​ಸಂಗ್​ ಗ್ಯಾಲಕ್ಸಿ ಎಮ್​33 5ಜಿ ಫ್ಲಿಪ್‌ಕಾರ್ಟ್‌ನಲ್ಲಿ ಕೇವಲ ರೂ.19,947 ಕ್ಕೆ ಲಭ್ಯವಿದೆ. ಈ ಸಾಧನವು ವಿಶೇಷವಾಗಿ 6,000mAh ಬ್ಯಾಟರಿಯನ್ನು ಹೊಂದಿದೆ. ಜೊತೆಗೆ 50 ಮೆಗಾಪಿಕ್ಸೆಲ್​ನಷ್ಟು ಹಿಂಬದಿಯ ಕ್ಯಾಮೆರಾ ಸೆಟಪ್‌ನೊಂದಿಗೆ ಬರುತ್ತದೆ.

ರಿಯಲ್​ಮಿ 9 ಪ್ರೋ+ 5ಜಿ: ಪ್ರಸ್ತುತ ಮಾರಾಟದಲ್ಲಿ ರಿಯಲ್​ಮಿ 9 ಪ್ರೋ+ 5ಜಿ ಸ್ಮಾರ್ಟ್‌ಫೋನ್ ಅನ್ನು 22,999 ರೂ.ಗೆ ಖರೀದಿಸಬಹುದು. ಈ ಸಾಧನವು ಅರೋರಾ ಗ್ರೀನ್, ಮಿಡ್ನೈಟ್ ಬ್ಲ್ಯಾಕ್ ಮತ್ತು ಸನ್ರೈಸ್ ಗ್ರೀನ್ ಬಣ್ಣದ ಆಯ್ಕೆಗಳಲ್ಲಿ ಲಭ್ಯವಿದೆ. ಸೆಲ್ಫಿ ಮತ್ತು ವಿಡಿಯೋ ಕರೆಗಳಿಗಾಗಿ ಸ್ಮಾರ್ಟ್‌ಫೋನ್ ಮುಂಭಾಗದಲ್ಲಿ 16 ಎಮ್​ಪಿ ಕ್ಯಾಮೆರಾವನ್ನು ಹೊಂದಿದೆ. ಇದು 4,500mAh ಬ್ಯಾಟರಿ ಬ್ಯಾಕಪ್​ ಅನ್ನು

ಮೊಟೊರೊಲಾ ಎಡ್ಜ್​ 30: ಮೊಟೊರೊಲಾ ಎಡ್ಜ್​ 30 ಸ್ಮಾರ್ಟ್‌ಫೋನ್ ಕ್ವಾಲ್ಕಮ್​ ಸ್ನಾಪ್​ಡ್ರಾಗನ್​ 778ಜಿ ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಈ ಫೋನ್ ಹಿಂಭಾಗದಲ್ಲಿ 50ಎಮ್​ಪಿ ಪ್ರಾಥಮಿಕ ಕ್ಯಾಮೆರಾ ಮತ್ತು ಮುಂಭಾಗದಲ್ಲಿ 32ಎಮ್​ಪಿ ಸೆಲ್ಫಿ ಕ್ಯಾಮೆರಾವನ್ನು ಹೊಂದಿದೆ. ಫ್ಲಿಪ್ಕಾರ್ಟ್ ಈ ಸ್ಮಾರ್ಟ್​​​ಫೋನ್​​ ಮೇಲೆ ರೂ.5,000 ಎಕ್ಸ್ಚೇಂಜ್ ರಿಯಾಯಿತಿಯನ್ನು ಘೋಷಿಸಿದೆ. ಈ ರಿಯಾಯಿತಿ ಜೊತೆಗೆ ಫ್ಲಿಪ್‌ಕಾರ್ಟ್‌ನಲ್ಲಿ ಈ ಸಾಧನವನ್ನು ರೂ 22,999 ಗೆ ಪಡೆಯಬಹುದು.

ಶಿಯೋಮಿ 11ಐ ಹೈಪರ್​ಚಾರ್ಜ್​ 5ಜಿ: ಶಿಯೋಮಿ 11ಐ ಹೈಪರ್​ಚಾರ್ಜ್​ 5ಜಿ ಸ್ಮಾರ್ಟ್​​ಫೋನ್​ ಅನ್ನು ಫ್ಲಿಪ್​ಕಾರ್ಟ್​​ ಮಾರಾಟದಲ್ಲಿ ರೂ 23,249 ಕ್ಕೆ ಖರೀದಿಸಬಹುದು. ಈ ಫೋನ್ ಮೀಡಿಯಾಟೆಕ್​ ಡೈಮೆನ್ಕ್ಷನ್​ 920 ಪ್ರೊಸೆಸರ್‌ನೊಂದಿಗೆ ಬರುತ್ತದೆ. ಹಿಂಭಾಗದಲ್ಲಿ 108ಎಮ್​ಪಿ ಕ್ಯಾಮೆರಾ, 8ಎಮ್​ಪಿ, 2ಎಮ್​ಪಿ ಸೆನ್ಸಾರ್​ ಸಾಮರ್ಥ್ಯದ ಕ್ಯಾಮೆರಾಗಳಿವೆ. ಶಿಯೋಮಿ ಕಂಪೆನಿಯು ಈ ಸ್ಮಾರ್ಟ್‌ಫೋನ್ ಅನ್ನು 13 ನಿಮಿಷಗಳಲ್ಲಿ 50 ಪ್ರತಿಶತದಷ್ಟು ಚಾರ್ಜ್ ಮಾಡಬಹುದು ಎಂದು ಹೇಳಿದೆ.

ವಿವೋ ಟಿ1 ಪ್ರೋ 5ಜಿ: ವಿವೋ ಟಿ1 ಪ್ರೋ 5ಜಿ ಸ್ಮಾರ್ಟ್‌ಫೋನ್ 6ಜಿಬಿ ರ್‍ಯಾಮ್, 128ಜಿಬಿ ಇಂಟರ್ನಲ್ ಸ್ಟೋರೇಜ್ ಆಯ್ಕೆಯೊಂದಿಗೆ ಬರುತ್ತದೆ. ಇದು  ಕ್ವಾಲ್ಕಮ್ ಸ್ನಾಪ್​ಡ್ರಾಗನ್​ 778ಜಿ 5ಜಿ ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಇದು ವಿಶೇಷವಾಗಿ 4,700mAh ಸಾಮರ್ಥ್ಯdದ ಬ್ಯಾಟರಿಯನ್ನು ಹೊಂದಿದೆ.

ವಿವೋ ಟಿ1 ಪ್ರೋ 5ಜಿ ಸ್ಮಾರ್ಟ್‌ಫೋನ್ 8ಎಮ್​ಪಿ, 2ಎಮ್​ಪಿ ಸೆನ್ಸಾರ್​​ ಮತ್ತು 64ಎಮ್​​ಪಿ ಪ್ರಾಥಮಿಕ ಕ್ಯಾಮೆರಾದೊಂದಿಗೆ ಹಿಂಭಾಗದಲ್ಲಿ ಟ್ರಿಪಲ್ ಕ್ಯಾಮೆರಾ ಸೆಟಪ್ ಅನ್ನು ನೀಡುತ್ತದೆ. ಇನ್ನು ಈ ಸಾಧನವನ್ನು ಪ್ರಸ್ತುತ ಫ್ಲಿಪ್‌ಕಾರ್ಟ್‌ನಲ್ಲಿ ರೂ 23,999 ಗೆ ಖರೀದಿಸಬಹುದು.