Nothing Phone (1): ಫ್ಲಿಪ್​ಕಾರ್ಟ್​​ ಬಿಗ್​ ಸೇವಿಂಗ್ಸ್​ ಡೇಸ್​ ಸೇಲ್​! ನಥಿಂಗ್ ಫೋನ್​ 1 ಮೇಲೆ ಬಂಪರ್ ಆಫರ್​

ಪ್ರಮುಖ ಇ-ಕಾಮರ್ಸ್ ಕಂಪನಿ ಫ್ಲಿಪ್​ಕಾರ್ಟ್​​ ಪ್ರಸ್ತುತ ಬಿಗ್ ಸೇವಿಂಗ್ಸ್ ಡೇ ಸೇಲ್ ಅನ್ನು ನಡೆಸುತ್ತಿದೆ. ಈ ವಿಶೇಷ ಸೇಲ್‌ನಲ್ಲಿ ಫ್ಲಿಪ್‌ಕಾರ್ಟ್ ಸ್ಮಾರ್ಟ್‌ಫೋನ್‌ಗಳ ಮೇಲೆ ಕಣ್ಮನ ಸೆಳೆಯುವ ರಿಯಾಯಿತಿಗಳನ್ನು ಘೋಷಿಸಿದೆ. ವಿಶೇಷವಾಗಿ ಜನಪ್ರಿಯ ಮಧ್ಯಮ ಶ್ರೇಣಿಯ ಮೊಬೈಲ್ ನಥಿಂಗ್ ಫೋನ್ 1 ಮೇಲೆ ಭಾರಿ ರಿಯಾಯಿತಿಗಳನ್ನು ನೀಡುತ್ತಿದೆ.

ಈ ರಿಯಾಯಿತಿಗಳ ನಂತರ, ನಥಿಂಗ್ ಫೋನ್ 1 ಮೂಲ ಮಾದರಿಯ ಬೆಲೆಯು ರೂ.25,999 ಮತ್ತು 256ಜಿಬಿ ಸ್ಟೋರೇಜ್​ ಮಾದರಿಯು ರೂ.27,499 ಕ್ಕೆ ಲಭ್ಯವಿದೆ. ಇದಲ್ಲದೆ, ಖರೀದಿದಾರರು ಐಸಿಐಸಿಐ ಮತ್ತು ಸಿಟಿಬ್ಯಾಂಕ್ ಕಾರ್ಡ್‌ಗಳೊಂದಿಗೆ ಹೆಚ್ಚುವರಿ ರಿಯಾಯಿತಿಗಳನ್ನು ಮತ್ತು ಈ ಮಾರಾಟದಲ್ಲಿ ವಿನಿಮಯ ರಿಯಾಯಿತಿಗಳನ್ನು ಪಡೆಯಬಹುದು.

ಫ್ಲಿಪ್ಕಾರ್ಟ್ ಬಿಗ್ ಸೇವಿಂಗ್ಸ್ ಡೇಸ್ ಮಾರಾಟವು ಜನವರಿ 15 ರಂದು ಪ್ರಾರಂಭವಾಗಿದೆ ಮತ್ತು ಜನವರಿ 20 ರಂದು ಕೊನೆಗೊಳ್ಳುತ್ತದೆ. ಅಂದರೆ ಈ ರಿಯಾಯಿತಿಗಳು ಇನ್ನು ಎರಡು ದಿನಗಳ ಕಾಲ ಮಾತ್ರ ಲಭ್ಯವಿರುತ್ತವೆ.

8ಜಿಬಿ ರ್‍ಯಾಮ್, 256ಜಿಬಿ ಇಂಟರ್ನಲ್ ಸ್ಟೋರೇಜ್ ಹೊಂದಿರುವ ನಥಿಂಗ್ ಫೋನ್ 1 ಮೂಲ ಬೆಲೆ ರೂ.39,999 ಆಗಿದೆ. ಆದರೆ ಬಿಗ್ ಸೇವಿಂಗ್ಸ್ ಡೇ ಸೇಲ್‌ನಲ್ಲಿ ರೂ.27,499ಕ್ಕೆ ಇಳಿದಿದೆ. ಈ ರಿಯಾಯಿತಿ ಕೊಡುಗೆಯು ಕಪ್ಪು ಬಣ್ಣದ ರೂಪಾಂತರದ ಮೇಲೆ ಮಾತ್ರ ಲಭ್ಯವಿದೆ.

ಅದೇ ರೀತಿಯಲ್ಲಿ 8ಜಿಬಿ ರ್‍ಯಾಮ್ ಮತ್ತು 128ಜಿಬಿ ಇಂಟರ್ನಲ್ ಸ್ಟೋರೇಜ್ ಹೊಂದಿರುವ ನಥಿಂಗ್ ಫೋನ್ 1 ನ ಮೂಲ ಬೆಲೆ ರೂ.37,999 ಆಗಿದೆ, ಆದರೆ ಫ್ಲಿಪ್​​ಕಾರ್ಟ್​​ ಬಿಗ್ ಸೇವಿಂಗ್ಸ್ ಡೇ ಸೇಲ್‌ನಲ್ಲಿ ಇದರ ಬೆಲೆ ರೂ.25,499 ಕ್ಕೆ ಇಳಿದಿದೆ.

ಅಂದರೆ ಈ ಎರಡೂ ಫೋನ್‌ಗಳು ರೂ.12 ಸಾವಿರದವರೆಗೆ ರಿಯಾಯಿತಿ ದರದಲ್ಲಿ ಲಭ್ಯವಿದೆ. ಅಲ್ಲದೆ, ಖರೀದಿದಾರರು ತಮ್ಮ ಹಳೆಯ ಫೋನ್‌ಗಳನ್ನು ತಮ್ಮ ಬೆಲೆಗಳನ್ನು ಕಡಿಮೆ ಮಾಡಲು ಫ್ಲಿಪ್‌ಕಾರ್ಟ್‌ನ ವಿನಿಮಯ ಕೊಡುಗೆಯ ಮೂಲಕ ವಿನಿಮಯ ಮಾಡಿಕೊಳ್ಳಬಹುದು. ಸುಮಾರು 6 ತಿಂಗಳ ಹಿಂದೆ ಬಿಡುಗಡೆಯಾದ ಈ ಫೋನ್‌ಗಳು ಹಿಂದೆಂದಿಗಿಂತಲೂ ಕಡಿಮೆ ಬೆಲೆಯಲ್ಲಿ ಇದೀಗ ಲಭ್ಯವಿವೆ.

ನಥಿಂಗ್ ಫೋನ್ 1 ಸ್ಮಾರ್ಟ್‌ಫೋನ್ ಕಪ್ಪು, ಬಿಳಿ ಬಣ್ಣದ ಆಯ್ಕೆಗಳಲ್ಲಿ ಖರೀದಿಗೆ ಲಭ್ಯವಿದೆ. ಇದರ ವಿಶಿಷ್ಟ ಗ್ಲಿಫ್ ಇಂಟರ್ಫೇಸ್ ಇದುವರೆಗಿನ ಎಲ್ಲಾ ಮೊಬೈಲ್ ಫೋನ್‌ಗಳಿಗಿಂತ ಭಿನ್ನವಾಗಿದೆ. ಇದು  ಡ್ಯುಯಲ್ 50 ಎಮ್​ಪಿ ಕ್ಯಾಮೆರಾಗಳನ್ನು ಹೊಂದಿದೆ. ಇನ್ನು ಈ ಸ್ಮಾರ್ಟ್​​ಫೋನ್ 6.55-ಇಂಚಿನ ಫುಲ್ ಹೆಚ್​ಡಿ+ OLED ಡಿಸ್ಪ್ಲೇ ಜೊತೆಗೆ ಅಡಾಪ್ಟಿವ್ ರಿಫ್ರೆಶ್ ರೇಟ್, ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್ 5 ರಕ್ಷಣೆಯೊಂದಿಗೆ ಬರುತ್ತದೆ.

ಈ ಸ್ಮಾರ್ಟ್​ಫೋನ್ ಕ್ವಾಲ್ಕಾಮ್ ಸ್ನಾಪ್ಡ್ರಾಗನ್ 778+ ಪ್ರೊಸೆಸರ್​​ನಿಂದ ಚಾಲಿತವಾಗಿದೆ. ಈ ಪ್ರೊಸೆಸರ್ ಕಾಲ್ ಆಫ್ ಡ್ಯೂಟಿಯಂತಹ ಭಅರೀ ಸ್ಟೋರೇಜ್ ಹೊಂದಿದ ಗೇಮ್ ಅನ್ನು ಅತ್ಯಂತ ಸಲೀಸಾಗಿ ಮತ್ತು ಲ್ಯಾಗ್ ಫ್ರೀಯಾಗಿ ಆಡಲು ಅನುಮತಿಸುತ್ತದೆ. ನಥಿಂಗ್ ಫೋನ್ 1 ಸ್ಮಾರ್ಟ್​ಫೋನ್ ವಿಶೇಷವಾಗಿ 18 ಗಂಟೆಗಳ ಬ್ಯಾಟರಿ ಅವಧಿಯನ್ನು ನೀಡುತ್ತದೆ. ವೇಗದ ಚಾರ್ಜಿಂಗ್‌ನೊಂದಿಗೆ 30 ನಿಮಿಷಗಳಲ್ಲಿ 50% ಚಾರ್ಜ್ ಆಗುತ್ತದೆ. ನಥಿಂಗ್ ಫೋನ್ 1 4,500mAh ಬ್ಯಾಟರಿಯೊಂದಿಗೆ ಬರುತ್ತದೆ. ಇದು 33W ವೇಗದ ಚಾರ್ಜಿಂಗ್ ಆಯ್ಕೆಯನ್ನು ಹೊಂದಿದೆ