ಹೊಸ ದಾಖಲೆ ಬರೆದ ಹಾನರ್ 5G ಸ್ಮಾರ್ಟ್​ಫೋನ್: ಏನಿದರ ವಿಶೇಷತೆ?

ಹಾನರ್ ಕಂಪೆನಿಯ ನೂತನ 5ಜಿ ಸ್ಮಾರ್ಟ್‌ಫೋನ್ ಹಾನರ್ 30 ಬಿಡುಗಡೆಯಾಗಿದೆ. ಏಪ್ರಿಲ್ 7 ರಿಂದ ಮಾರಾಟ ಆರಂಭಿಸಿದ್ದ ಈ ಹೊಸ ಫೋನ್​ ಇದೀಗ ಮೊಬೈಲ್ ಕ್ಷೇತ್ರದಲ್ಲಿ ಹೊಸ ದಾಖಲೆ ಬರೆದಿದೆ.

5ಜಿ ಸ್ಮಾರ್ಟ್‌ಫೋನ್ Honor 30s ಮಾರಾಟ ಆರಂಭಿಸಿದ ಕೇವಲ 1 ಸೆಕೆಂಡಿನಲ್ಲಿ 100 ಮಿಲಿಯನ್ (ಸುಮಾರು 107 ಕೋಟಿ ರೂ.) ಮೊತ್ತದ ವಹಿವಾಟು ನಡೆಸಿದೆ ಎಂದು ವರದಿಯಾಗಿದೆ. ಮೊದಲ ಸೆಕೆಂಡ್​ನಲ್ಲೇ ಇಂತಹದೊಂದು ಮಾರಾಟ ಮೊಬೈಲ್ ಮಾರುಕಟ್ಟೆ ಇದೇ ಮೊದಲ ಬಾರಿ ಎಂದು ಮೊಬೈಲ್ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.

Honor 30s ವಿಶೇಷತೆಗಳೇನು?

ಡಿಸ್​ಪ್ಲೇ: ಹಾನರ್‌ನ ಹೊಸ 5ಜಿ ಫೋನ್‌ನಲ್ಲಿ 6.5 ಇಂಚಿನ ಐಪಿಎಸ್ ಎಲ್ಸಿಡಿ ಡಿಸ್​ಪ್ಲೇ ನೀಡಲಾಗಿದೆ. ಇದು ರೆಸಲ್ಯೂಶನ್ 1080 x 2400 ಪಿಕ್ಸೆಲ್‌ಗಳನ್ನು ಹೊಂದಿದೆ.

ಪ್ರೊಸೆಸರ್: ಈ ಫೋನ್ ಕಿರಿನ್ 820 ಪ್ರೊಸೆಸರ್ ಹೊಂದಿದ್ದು, ಆ್ಯಂಡ್ರಾಯ್ಡ್ 10 ಅಪರೇಟಿಂಗ್ ಸಿಸ್ಟಂನಲ್ಲಿ ಕಾರ್ಯ ನಿರ್ವಹಿಸುತ್ತದೆ.

ಕ್ಯಾಮೆರಾ: Honor 30sನ ಹಿಂಬದಿಯಲ್ಲಿ ಕ್ವಾಡ್ ರಿಯರ್ ಕ್ಯಾಮೆರಾ ಸೆಟಪ್ ನೀಡಲಾಗಿದೆ. ಇದರಲ್ಲಿ ಪ್ರಾಥಮಿಕ ಕ್ಯಾಮೆರಾ 64 ಮೆಗಾಪಿಕ್ಸೆಲ್‌ಗಳು. ಇದಲ್ಲದೆ 8 ಮೆಗಾಪಿಕ್ಸೆಲ್ ಟೆಲಿಫೋಟೋ ಲೆನ್ಸ್, 8 ಮೆಗಾಪಿಕ್ಸೆಲ್ ಅಲ್ಟ್ರಾ ವೈಡ್ ಲೆನ್ಸ್ ಮತ್ತು ಎಲ್ಇಡಿ ಫ್ಲ್ಯಾಷ್ ಹೊಂದಿರುವ 2 ಮೆಗಾಪಿಕ್ಸೆಲ್ ಡೆಪ್ತ್ ಸೆನ್ಸಾರ್ ಹೊಂದಿದೆ. ಇನ್ನು ಮುಂಭಾಗದಲ್ಲಿ ಸೆಲ್ಫಿಗಾಗಿ 16 ಮೆಗಾಪಿಕ್ಸೆಲ್ ಕ್ಯಾಮೆರಾ ನೀಡಲಾಗಿದೆ.

ಸ್ಟೊರೇಜ್​: 128GB ಹಾಗೂ 8GB RAM ಮತ್ತು 256GB ಹಾಗೂ 8GB RAM ಸ್ಟೊರೇಜ್​ ಸಾಮರ್ಥ್ಯದ ಎರಡು ಮಾಡೆಲ್​ಗಳನ್ನು ಹಾನರ್ ಪರಿಚಯಿಸಿದೆ.

ಬ್ಯಾಟರಿ: ಈ ಫೋನಿನಲ್ಲಿ 4,000mAh ಸಾಮರ್ಥ್ಯದ ಬ್ಯಾಟರಿಯನ್ನು ನೀಡಲಾಗಿದ್ದು, ಇದು 40W ಫಾಸ್ಟ್​ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ.

ಬೆಲೆ: ಸದ್ಯ ಚೀನಾದಲ್ಲಿ ಮಾತ್ರ ಬಿಡುಗಡೆಯಾಗಿರುವ ನೂತನ 5ಜಿ ಫೋನ್​ನ ಬೆಲೆ 2,399 ಯುವಾನ್ ಅದಂದರೆ ಸುಮಾರು 25,800 ರೂ.

ಹಾಗೆಯೇ 256GB ಮತ್ತು 8GB RAM ಸ್ಟೋರೇಜ್ ಹೊಂದಿರುವ ಮಾಡೆಲ್​ಗೆ 2,699 ಯುವಾನ್ (ಸುಮಾರು 28,900 ರೂ.) ನಿಗದಿ ಪಡಿಸಲಾಗಿದೆ.