facebook pay: ಬಂದಿದೆ ಫೇಸ್​ಬುಕ್​ ಪೇ; ಏನಿದರ ವಿಶೇಷತೆ ಗೊತ್ತಾ?

ಭಾರತೀಯರು ಕ್ಯಾಶ್​​ಲೆಸ್​ ವ್ಯವಹಾರದತ್ತ ಹೆಚ್ಚು ಒಲವು ತೋರಿಸುತ್ತಿದ್ದಾರೆ. ಅದಕ್ಕಾಗಿ ಫೋನ್​ಪೇ, ಗೂಗಲ್​ಪೇ, ಪೇಟಿಎಂಗಳನ್ನು ಬಳಸಿ ಆನ್​ಲೈನ್​ ಟ್ರಾನ್ಸಾಕ್ಷನ್​​ ಮಾಡುತ್ತಿದ್ದಾರೆ.

ಇದೀಗ ಫೇಸ್​ಬುಕ್​ ಸಂಸ್ಥೆ ಕೂಡ ತನ್ನ ಬಳಕೆದಾರರಿಗೆ ವ್ಯವಹಾರ ಸುಲಭ ರೂಪಗೊಳಿಸಲು ಹೊಸ ಸೇವೆಯೊಂದನ್ನು ಆರಂಭಿಸಿದೆ. ಅದುವೇ ಫೇಸ್​ಬುಕ್​ ಪೇ.

ಈ ಹಿಂದೆ ಫೇಸ್​ಬುಕ್​ ಒಡೆತನದ ವಾಟ್ಸ್​ಆ್ಯಪ್​ ಕೂಡ ಮನಿಟ್ರಾನ್ಸಫರ್​ ಸೇವೆಯನ್ನು ಪ್ರಾರಂಭಿಸುವುದಾಗಿ ಹೇಳಿತ್ತು. ಇದೀಗ ಫೇಸ್​​ಬುಕ್​ ಕೂಡ ಡಿಜಿಟಲೀಕರಣದತ್ತ ಹೆಚ್ಚು ಒತ್ತು ನೀಡಿ ಗ್ರಾಹಕರಿಗೆ ಸೇವೆ ಒದಗಿಸುತ್ತಿದೆ.

ಮಾರ್ಕ್ ಜುಕರ್‌ಬರ್ಗ್ ಒಡೆತನದ ಫೇಸ್ ಬುಕ್ ಸಂಸ್ಥೆ ಈ ವರ್ಷದ ಆರಂಭದಲ್ಲಿ ತನ್ನ ವಿವಿಧ ಅಪ್ಲಿಕೇಶನ್ ಗಳಲ್ಲಿ ಈ ಸೌಲಭ್ಯವನ್ನು ತರುವ ಸುಳಿವನ್ನು ನೀಡಿತ್ತು.

ಜೊತೆಗೆ ಮೆಸೆಂಜಿಂಗ್ ಸೇವೆಯನ್ನು ಉನ್ನತಿಕರಿಸಲು ಮುಂದಾಗಿತ್ತು. ಈ ಹೊಸ ಸೇವೆಯು ಬಳಕೆದಾರರ ಎಲ್ಲಾ ಡೇಟಾ ಮಾಹಿತಿಗಳು ಗೌಪ್ಯವಾಗಿ ಉಳಿಯವಂತೆ ಮಾಡಲಾಗಿದೆ ಎಂದು ಫೇಸ್ ಬುಕ್ ಸಂಸ್ಥೆ ಹೇಳಿಕೊಂಡಿದೆ.

ಫೇಸ್​ಬುಕ್​ ಪೇ ಬಳಕೆ ಹೇಗೆ?; ಪ್ರತಿಯೊಬ್ಬರ ಸ್ಮಾರ್ಟ್​ಫೋನಿನಲ್ಲಿ ಫೇಸ್​ಬುಕ್​ ಆ್ಯಪ್​ ಇದ್ದೇ ಇರುತ್ತದೆ. ಹೋಮ್​ ಪೇಜಿನ ಬಲಭಾಗದಲ್ಲಿನ ಮೂರು ಗೆರೆಯ ಮೇಲೆ ಕ್ಲಿಕ್​ ಮಾಡಿದರೆ....

ಫ್ರೆಂಡ್ಸ್​, ಗ್ರೂಪ್​ ಹೀಗೆ ನಾನಾ ತರಹದ ಐಕಾನ್​ಗಳು ಕಾಣಸಿಗುತ್ತದೆ. ಅದರ ಜತೆಗೆ ಸೀ ಮೋರ್​ ಎಂಬ ಆಯ್ಕೆ ಕಾಣಸಿಗುತ್ತದೆ...

ಸೀ ಮೋರ್​ ಆಯ್ಕೆ ಮೇಲೆ ಕ್ಲಿಕ್​ ಮಾಡಿದರೆ ಸೆಂಡ್​ ಆರ್​ ರಿಕ್ವೆಸ್ಟ್​ ಮನಿ ಅನ್ನೊ ಆಯ್ಕೆ ಕಾಣಸಿಗುತ್ತದೆ...

ಇನ್ನು ಈ ಆಯ್ಕೆಯ ಮೂಲಕ ಫೇಸ್​ಬುಕ್​​ ತನ್ನ ಬಳಕೆದಾರರಿಗೆ ಮನಿಟ್ರಾನ್ಸಾಕ್ಷನ್​ ಆಯ್ಕೆಯನ್ನು ನೀಡಲಿದೆ.