ಎವೊಲೆಟ್​​ ಎಲೆಕ್ಟ್ರಿಕ್​ ಸ್ಕೂಟರ್, ಬೈಕ್​​​​ ಬಿಡುಗಡೆ; 40 ಸಾವಿರದಿಂದ ಮಾರಾಟ ಪ್ರಾರಂಭ!

ಕೇಂದ್ರ ಸರ್ಕಾರ ಎಲೆಕ್ಟ್ರಿಕ್ ವಾಹನಗಳ ಉತ್ಪಾದನೆಗೆ ಹೆಚ್ಚು ಒತ್ತು ನೀಡುತ್ತಿದೆ. ಈಗಾಗಲೇ ಪ್ರತಿಷ್ಠಿತ ಕಂಪೆನಿಗಳು ಎಲೆಕ್ಟ್ರಿಕ್ ವಾಹನಗಳ ತಯಾರಿಗೆ ಮುಂದಾಗಿದೆ. ಹೀರೋ, ಮಾರುತಿ ಸುಜುಕಿ, ರಿವೋಲ್ಟ್ ಇಂಟಲಿಕಾರ್ಪ್ ಮುಂತಾದ ಕಂಪೆನಿ ಎಲೆಕ್ಟ್ರಿಕ್ ವಾಹನಗಳನ್ನು ತಯಾರಿಸುತ್ತಿದ್ದು, ಕೆಲ ಕಂಪೆನಿಗಳು ವಾಹನವನ್ನು ಬಿಡುಗಡೆ ಮಾಡಿದೆ. ಇದೀಗ, ರಿಸಾಲ ಎಲೆಕ್ಟ್ರಿಕ್ ಮೋಟಾರ್ ಪ್ರೈವೇಟ್ ಲಿಮಿಟೆಡ್ ಕಂಪೆನಿ ಭಾರತದಲ್ಲಿ ಎವೊಲೆಟ್ ಹೆಸರಿನಲ್ಲಿ ಎಲೆಕ್ಟ್ರಿಕ್ ಸ್ಕೂಟರ್ ಹಾಗೂ ಬೈಕ್ ಅನ್ನು ಬಿಡುಗಡೆ ಮಾಡಿದೆ.

ರಿಸಾಲ ಎಲೆಕ್ಟ್ರಿಕ್ ಮೋಟಾರ್ ಪ್ರೈವೇಟ್ ಲಿಮಿಟೆಡ್ ಕಂಪೆನಿ ಎಲೆಕ್ಟ್ರಿಕ್ ಸ್ಕೂಟರ್, ಬೈಕ್ ಹಾಗೂ ಎಟಿವಿ ಮೋಟರ್ ಬಿಡುಗಡೆ ಮಾಡಿದೆ. ಸ್ಕೂಟರ್ 3 ವೇರಿಯಂಟ್​​​ನಲ್ಲಿ ಲಭ್ಯವಿದ್ದರೆ, ಎವೊಲೆಟ್ ಹವ್ಕ್ ಹಾಗೂ ವಾರಿಯರ್ ಎಟಿವಿ ಎಲೆಕ್ಟ್ರಿಕ್ ವಿಶೇಷ ಫೀಚರ್ ಅನ್ನು ಒಳಗೊಂಡಿದೆ. ಬಿಡುಗಡೆಯಾದ ಎಲೆಕ್ಟ್ರಿಕ್ ಸ್ಕೂಟರ್ ಬೆಲೆ 40,000 ರೂ. ಆಗಿದೆ.

ಎವೊಲೆಟ್ ಎಲೆಕ್ಟ್ರಿಕ್ ಸ್ಕೂಟರ್ ಬೆಲೆ 39,499 ರೂ.ನಿಂದ ಆರಂಭವಾಗಿದ್ದು, ಗರಿಷ್ಠ ಬೆಲೆ 59,999 ರೂ. ಎಂದು ಕಂಪೆನಿ ತಿಳಿಸಿದೆ. ಇನ್ನು ಎವೊಲೆಟ್ ಬೈಕ್ ಬೆಲೆಯನ್ನು ಬಹಿರಂಗವಾಗಿಲ್ಲ. ಅಂತೆಯೇ, ಎಟಿವಿ ಬೆಲೆಯನ್ನು 1,40,000 ರೂ. ಆಗಿದೆ.

ಎವೊಲೆಟ್ ಎಲೆಕ್ಟ್ರಿಕ್ ಸ್ಕೂಟರ್ ಒಂದು ಬಾರಿ ಚಾರ್ಜ್ ಮಾಡಿದರೆ 60 ರಿಂದ 65 ಕಿ.ಮೀ ಮೈಲೇಜ್ ನೀಡುತ್ತದೆ. ಅಂತೆಯೇ, ಎಲೆಕ್ಟ್ರಿಕ್ ಬೈಕ್  150ಮೈಲೇಜ್ ನೀಡುತ್ತದೆ.

ಸ್ಕೂಟರ್ ಚಾರ್ಜ್ ಮಾಡಲು 3 ರಿಂದ 8 ಗಂಟೆ, ಬೈಕ್ ಚಾರ್ಜ್ ಮಾಡಲು 5 ಗಂಟೆ, ಅಂತೆಯೇ ಎಟಿವಿ ಚಾರ್ಜ್ ಮಾಡಲು 8 ಗಂಟೆ ತೆಗೆದುಕೊಳ್ಳಲಿದೆ ಎಂದು ಕಂಪೆನಿ ತಿಳಿಸಿದೆ