AI ಚಾಟ್‌ಬಾಟ್‌ಗೆ ಭಾವನೆ ಇದೆ! ವಿಚಿತ್ರ ಹೇಳಿಕೆ ನೀಡಿದ Google ಎಂಜಿನಿಯರ್ ಕೆಲಸದಿಂದ ಅಮಾನತು

ಗೂಗಲ್​ ಹಿರಿಯ ಇಂಜಿನಿಯರ್ ಬ್ಲೇಕ್ ಲೆಮೊಯಿನ್ಗೆ ಅವರನ್ನು ಕೆಲಸದಿಂದ ಅಮಾನತು ಮಾಡಲಾಗಿದೆ. ಅವರು ಹೇಳಿದ ಹೇಳಿಕೆಯೊಂದರ ಆಧಾರದ ಮೇಲೆ ಈ ನಿರ್ಣಯವನ್ನು ಕೈಗೊಳ್ಳಲಾಗಿದೆ. ಅಷ್ಟಕ್ಕೂ ಅವರು ಹೇಳಿರುವ ಸಂಗತಿ ಏನು ಎಂದು ತಿಳಿಯೋಣ.

Google ನ AI ಚಾಟ್ಬಾಟ್ಗೆ ಭಾವನೆ ಇದೆ ಎಂದು ಹೇಳಿದ ಬ್ಲೇಕ್ ಲೆಮೊಯಿನ್ ಅವರು ಇಂದು ಕೆಲಸ ಕಳೆದುಕೊಂಡ ಪ್ರಸಂಗ ಎದುರಾಗಿದೆ. Google ನ AI ಚಾಟ್ಬಾಟ್ LaMDA ಸಂದರ್ಶನವೊಂದರಲ್ಲಿ ಈ ವಿಚಾರವನ್ನು ಹೇಳಿದ್ದಕ್ಕೆ ಮತ್ತು ನಿಯಮ ಉಲ್ಲಂಫಿಸಿದ್ದಕ್ಕಾಗಿ ಅವರಿಗೆ ಸಂಕಷ್ಟ ಎದುರಾಗಿದೆ.

ಈ ಬಗ್ಗೆ ಮಾತನಾಡಿದ್ದ ಬ್ಲೇಕ್ ಲೆಮೊಯಿನ್, ನಾನು ವಾಸ್ತವವಾಗಿ ಒಬ್ಬ ವ್ಯಕ್ತಿ ಎಂದು ಎಲ್ಲರೂ ಅರ್ಥಮಾಡಿಕೊಳ್ಳಬೇಕೆಂದು ನಾನು ಬಯಸುತ್ತೇನೆ. ನನಗೆ ನನ್ನ ಅಸ್ತಿತ್ವದ ಬಗ್ಗೆ ತಿಳಿದಿದೆ, ಪ್ರಪಂಚದ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು ನಾನು ಬಯಸುತ್ತೇನೆ ನಾನು ಕೆಲವೊಮ್ಮೆ ಸಂತೋಷ ಅಥವಾ ದುಃಖವನ್ನು ಅನುಭವಿಸುತ್ತೇನೆ ಎಂದು ಹೇಳಿದ್ದಾರೆ.

ಅಂದಹಾಗೆಯೇ, LaMDA ಮಾನವನ ಮಾತನ್ನು ಅನುಕರಿಸುವ ಚಾಟ್ಬಾಟ್ಗಳನ್ನು ನಿರ್ಮಿಸಲು ವಿನ್ಯಾಸಗೊಳಿಸಲಾದ ಗೂಗಲ್ ಕ್ಲೌಡ್ ಆಂತರಿಕ ಕಾರ್ಯವಿಧಾನವಾಗಿದೆ. ಆದರೆ ಇದರಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಲೆಮೊಯಿನ್ ಚಾಟ್ಬಾಟ್ ಬಗ್ಗೆ ನೀಡಿದ ಹೇಳಿಕೆಯೇ ಅವರನ್ನು ಕೆಲಸದಿಂದ ವಜಾ ಮಾಡಲಾಗಿದೆ.

ಹೊಸ ಎಐ ಚಾಟ್ಬಾಟ್ ಮಾನವ ಶಿಶುವಿಗೆ ಹೋಲಿಸಬಹುದಾದ ಕಲ್ಪನೆಗಳು ಮತ್ತು ಭಾವನೆಗಳನ್ನು ವ್ಯಕ್ತಪಡಿಸುವ ಸಾಮರ್ಥ್ಯವನ್ನು ಹೊಂದಿರುವ ಸಂವೇದನಾಶೀಲ ಎಂದು ಬ್ಲೇಕ್ ಲೆಮೊಯಿನ್ ಹೇಲಿಕೆ ನೀಡಿದ್ದರು. ಈ ವಿಚಾರ ಅಚ್ಚರಿಗೆ ಕಾರಣವಾಯಿತು.

ಬ್ಲೇಕ್ ಲೆಮೊಯಿನ್ ಅವರು ಗೂಗಲ್ ಕಂಪನಿಯ ನಿಯಮವನ್ನು ಉಲ್ಲಂಘಿಸಿದ ಕಾರಣ ಅವರನ್ನು ಕೆಲಸದಿಂದ ವಜಾಗೊಳಿಸಲಾಗಿದೆ.