ಚಾರ್ಜಿಂಗ್​ಗೆ ಹೇಳಿ ಗುಡ್ ಬೈ: ಈ ಸ್ಮಾರ್ಟ್​ಫೋನ್​ನ ಒಮ್ಮೆ ಚಾರ್ಜ್ ಮಾಡಿದ್ರೆ 50 ದಿನಗಳವರೆಗೆ ನೋ ಟೆನ್ಶನ್

ಸ್ಪೇನ್​ನ ಬಾರ್ಸಿಲೋನಾದಲ್ಲಿ ನಡೆಯುತ್ತಿರುವ ವರ್ಲ್ಡ್​ ಮೊಬೈಲ್ ಕಾಂಗ್ರೆಸ್​ನಲ್ಲಿ ಹಲವು ಕಂಪೆನಿಗಳು ತಮ್ಮ ನೂತನ ಸ್ಮಾರ್ಟ್​ಫೋನ್​ಗಳನ್ನು, ಹೊಸ ಫೀಚರ್​ಗಳನ್ನು ಪ್ರದರ್ಶಿಸಿದೆ. ನಾಲ್ಕು ದಿನಗಳ ಕಾಲ ನಡೆಯಲಿರುವ ಈ ಕಾರ್ಯಕ್ರಮದಲ್ಲಿ ಕೆಲ ಕಂಪೆನಿಗಳು ಹೊಸ ತಲೆಮಾರಿನ ಸ್ಮಾರ್ಟ್​ಫೋನ್  5G ಮೊಬೈಲ್​ಗಳನ್ನು ಬಿಡುಗಡೆಗೊಳಿಸಿದರೆ, ಮತ್ತಷ್ಟು ಕಂಪೆನಿಗಳು ಪಾಪ್​ ಅಪ್ ಕ್ಯಾಮೆರಾ, ಫೋಲ್ಡೇಬಲ್ ಡಿಸ್​ಪ್ಲೇ ಹೊಂದಿರುವ ಸ್ಮಾರ್ಟ್​ಫೋನ್​ಗಳನ್ನು ಪರಿಚಯಿಸಿದೆ. ಇವೆಲ್ಲದರ ನಡುವೆ ಮೊಬೈಲ್​  ಪ್ರಿಯರನ್ನು ಅಚ್ಚರಿಗೆ ದೂಡಿರುವುದು ಮಾತ್ರ ಎನರ್ಜೀಝರ್ (Energizer) ಕಂಪೆನಿ ಸ್ಮಾರ್ಟ್​ಫೋನ್.

ಫ್ರೆಂಚ್​ ಮೂಲದ  Energizer ಕಂಪೆನಿಯು ಈ ಮೊಬೈಲ್ ಸಮ್ಮೇಳನದಲ್ಲಿ Energizer P18K ಎಂಬ ನೂತನ ಮಾದರಿಯ ಮೊಬೈಲ್ ಪ್ರದರ್ಶಿಸಿದೆ. 18,000mAh ಬ್ಯಾಟರಿ ಸಾಮರ್ಥ್ಯ ಹೊಂದಿರುವ ಈ ಫೋನ್​ ಸದ್ಯ ಮಾರುಕಟ್ಟೆಯಲ್ಲಿರುವ ಎಲ್ಲಾ ಸ್ಮಾರ್ಟ್​ಫೋನ್​ಗಳಿಗಿಂತ ಹೆಚ್ಚಿನ ಬ್ಯಾಟರಿ ಬ್ಯಾಕ್​ಅಪ್​ ಹೊಂದಿರುವುದು ವಿಶೇಷ.

Energizer P18K ಸ್ಮಾರ್ಟ್​ಫೋನ್ 6.2 ಇಂಚಿನ ಹೆಚ್​ಡಿ ಡಿಸ್​ಪ್ಲೇ ಹೊಂದಿದ್ದು, ಅದರೊಂದಿಗೆ ಪಾಪ್​ ಅಪ್ ಡ್ಯುಯೆಲ್ ಸೆಲ್ಫಿ ಕ್ಯಾಮೆರಾಗಳನ್ನು ನೀಡಲಾಗಿದೆ. ಹಾಗೆಯೇ ಮೊಬೈಲ್​ನ ಹಿಂಬದಿಯಲ್ಲಿ 16MP+ 5MP+2MP ಮೂರು ಕ್ಯಾಮೆರಾಗಳಿವೆ. ಇಲ್ಲಿ ಸೆಲ್ಫಿಗಾಗಿ ಒಟ್ಟು 18MP (16+2MP) ಕ್ಯಾಮೆರಾ ನೀಡಿರುವುದು ಮತ್ತೊಂದು ವಿಶೇಷ.

Energizer P18K ಸ್ಮಾರ್ಟ್​ಫೋನ್ MediaTek Helio P70 SOC ಪ್ರೊಸೆಸರ್​ ಹೊಂದಿದ್ದು, 6GB RAM ಮತ್ತು 128GB ಶೇಖರಣಾ ಸಾಮರ್ಥ್ಯವನ್ನು ನೀಡಲಾಗಿದೆ.

ಬ್ಯಾಟರಿ ಸಾಮರ್ಥ್ಯದಿಂದ ಮೊಬೈಲ್​ ಪ್ರಿಯರ ಗಮನ ಸೆಳೆದಿರುವ Energizer P18K ಅನ್ನು ಒಂದು ಬಾರಿ ಚಾರ್ಜ್ ಮಾಡಿದರೆ  2 ದಿನಗಳವರೆಗೆ ಆನ್​ಲೈನ್ ಸ್ಟ್ರೀಮಿಂಗ್ ವಿಡಿಯೋವನ್ನು ವೀಕ್ಷಿಸಬಹುದು. ಅಷ್ಟೇ ಅಲ್ಲದೆ ಈ ನೂತನ ಸ್ಮಾರ್ಟ್​ಫೋನ್​ ಸ್ಟ್ಯಾಡ್​ಬೈ ಬ್ಯಾಟರಿ ಸಾಮರ್ಥ್ಯ ಬರೋಬ್ಬರಿ  50 ದಿನಗಳು ಎಂದು Energizer ಕಂಪೆನಿ ಹೇಳಿಕೊಂಡಿದೆ.