ಎರಡು ಮಾಡೆಲ್​ಗಳಲ್ಲಿ ಮೋ ಸ್ಕೂಟರ್ ಬಿಡುಗಡೆ: ಮೈಲೇಜ್ ಬರೋಬ್ಬರಿ 125 ಕಿ.ಮೀ..!– News18 Kannada

ಸ್ಪೇನ್‌ನ ವಾಹನ ನಿರ್ಮಾಣ ಕಂಪೆನಿ ಸೀಟ್ ತನ್ನ ಮೊದಲ ಎಲೆಕ್ಟ್ರಿಕ್ ಸ್ಕೂಟರ್ ಅನ್ನು ಪರಿಚಯಿಸಿದೆ. ಸೀಟ್ ಎಂಒ ಇ-ಸ್ಕೂಟರ್ 125 ಹೆಸರಿನ ಈ ಸ್ಕೂಟರ್ ಅನ್ನು ಎರಡು ಮಾಡೆಲ್ಗಳಲ್ಲಿ ಬಿಡುಗಡೆ ಮಾಡಲಾಗುತ್ತದೆ.

ಒಂದು ಖಾಸಗಿ ಬಳಕೆಗಾಗಿ, ಇನ್ನೊಂದು ಡೆಲಿವೆರಿ ಸೇರಿದಂತೆ ಇನ್ನಿತರ ಸೇವೆಗಳಿಗಾಗಿ ವಿನ್ಯಾಸಗೊಳಿಸಲಾಗಿದೆ. ಸೀಟ್ ಎಂಒ ಇ-ಸ್ಕೂಟರ್ 125 ಎಲೆಕ್ಟ್ರಿಕ್ ಸ್ಕೂಟರ್, ಈ ಹಿಂದಿನ 125 ಸಿಸಿ ಸ್ಕೂಟರ್ (ಪೆಟ್ರೋಲ್) ಅನ್ನೇ ಹೋಲುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.

seat mo escooter 125, 9 ಕಿಲೋವ್ಯಾಟ್ ಮೋಟಾರ್ ಮತ್ತು 5.6 ಕಿಲೋವ್ಯಾಟ್ ಬ್ಯಾಟರಿ ಹೊಂದಿದೆ. ಇದರ ಬ್ಯಾಟರಿ ತೆಗೆಯಬಲ್ಲದು, ಅಂದರೆ ಅದನ್ನು ತೆಗೆದು ಮನೆಯಲ್ಲಿಯೇ ಚಾರ್ಜ್ ಮಾಡಬಹುದಾಗಿದೆ.

ಇನ್ನು ಎಲ್ಲಾ ಎಲ್ಇಡಿ ಲೈಟ್ಗಳನ್ನು ಇದರಲ್ಲಿ ನೀಡಲಾಗಿದೆ. ಇನ್ನು ಬ್ಲೂಟೂತ್ ಸಂಪರ್ಕ ಮತ್ತು ಜಿಯೋಫೆನ್ಸಿಂಗ್ ತಂತ್ರಜ್ಞಾನದೊಂದಿಗೆ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕನ್ಸೋಲ್ ಇದರಲ್ಲಿದೆ. ಇದರಿಂದ ಸ್ಕೂಟರ್ನ ಸ್ಥಳವನ್ನು ಟ್ರ್ಯಾಕ್ ಮಾಡಬಹುದು.

ಸೀಟ್ ಎಂಒ mo escooter-125 ಜುಲೈನಲ್ಲಿ ಯುರೋಪಿನಲ್ಲಿ ಮಾರಾಟ ಪ್ರಾರಂಭಿಸಲಿದೆ. ಹಾಗೆಯೇ ದೇಶದ ಎಲೆಕ್ಟ್ರಿಕ್ ವಾಹನಗಳ ಬೇಡಿಕೆ ಗಮನಿಸಿ ಭಾರತದಲ್ಲೂ ಸೀಟ್ ಕಂಪೆನಿಯು ತನ್ನ ವಾಹನಗಳನ್ನು ಬಿಡುಗಡೆ ಮಾಡಲು ಉತ್ಸುಕರಾಗಿದ್ದಾರೆ.