ಇಂದಿನ ಜೀವನ ಶೈಲಿಯಲ್ಲಿ ಎಷ್ಟು ಸಂಬಳ ಸಿಕ್ಕರೂ ಸಾಲುವುದಿಲ್ಲ. ಹೀಗಾಗಿ ಹೆಚ್ಚಿನವರು ಸಾಲ ಮಾಡಿಯಾದರೂ ತುಪ್ಪ ತಿನ್ನು ಎಂಬ ಸಿದ್ಧಾಂತಕ್ಕೆ ಒಗ್ಗಿಕೊಂಡಿದ್ದಾರೆ. ಕೆಲವೊಂದು ಬಾರಿ ಕಡಿಮೆ ಸಮಯದಲ್ಲಿ ಹೆಚ್ಚಿನ ಅನಿವಾರ್ಯತೆ ಇರುತ್ತದೆ. ಇದಕ್ಕೆ ಪರಿಹಾರ ಎಂಬಂತೆ ಕಂಪೆನಿಯೊಂದು ಆಫರ್ ಒದಗಿಸುತ್ತಿದೆ. ಇಲ್ಲಿ ಕೇವಲ 5 ನಿಮಿಷದಲ್ಲಿ 60 ಸಾವಿರ ರೂ. ಪಡೆಯಬಹುದು. ಈ ಹಣವನ್ನು ಶಾಪಿಂಗ್ ಅಥವಾ ವೈದ್ಯಕೀಯ ವೆಚ್ಚಗಳಿಗಾಗಿ ಬಳಸಿಕೊಳ್ಳಬಹುದು. ಯಾವುದೇ ದಾಖಲೆಗಳನ್ನು ನೀಡದೇ ಈ ಹಣವನ್ನು ಪಡೆಯಬಹುದು ಎಂಬುದೇ ಈ ಸೌಲಭ್ಯದ ಮತ್ತೊಂದು ವಿಶೇಷ.
ಇ-ವ್ಯಾಲೆಟ್ ಕಂಪೆನಿ mobikwik (ಮೊಬಿಕ್ವಿಕ್) ಇಂತಹದೊಂದು ವಿಶೇಷ ಆಫರ್ ನೀಡಿದೆ. ಈ ಯೋಜನೆ ಅಡಿಯಲ್ಲಿ ನೀವು ಯಾವುದೇ ಸಂದರ್ಭದಲ್ಲಿ ಹಣದ ಸಹಾಯವನ್ನು ಪಡೆಯಬಹುದು. ಕೇವಲ 5 ನಿಮಿಷಗಳಿಗಿಂತ ಕಡಿಮೆ ಅವಧಿಯಲ್ಲಿ 60 ಸಾವಿರ ರೂ. ಅನ್ನು ಮೊಬಿಕ್ವಿಕ್ ಸಾಲ ನೀಡುತ್ತದೆ.
ಈ ಸಾಲ ಸೌಲಭ್ಯದ ವಿಶೇಷತೆ ಅಂದರೆ ನಿಮಗೆ ಬೇಕಾದಾಗ ಈ ಡಿಜಿಟಲ್ ನಗದನ್ನು ಬಳಸಿಕೊಳ್ಳಬಹುದು. ಅಥವಾ ಬೇರೆಯವರಿಗೆ ಕಳುಹಿಸಬಹುದು.
ಸಾಲ ಪಡೆಯುವುದು ಹೇಗೆ: ಇದಕ್ಕೆ ನೀವು ಮೊದಲು ಮೊಬಿಕ್ವಿಕ್ ಆ್ಯಪ್ ಡೌನ್ಲೋಡ್ ಮಾಡಿಕೊಳ್ಳಬೇಕಾಗುತ್ತದೆ. ಅಲ್ಲಿ ನೀಡಲಾಗಿರುವ ಅಪ್ಲಿಕೇಶನ್ ಮೂಲಕ ಅಲ್ಫಾವಧಿ ಸಾಲಕ್ಕೆ ಅರ್ಜಿ ಸಲ್ಲಿಸಬೇಕು.
ಹೇಗೆ ಸಿಗಲಿದೆ ಡಿಜಿಟಲ್ ನಗದು: ಅಪ್ಲಿಕೇಶನ್ ಮೂಲಕ ಕೆಲವು ಪ್ರಮುಖ ವಿವರಗಳನ್ನು ನೀಡಬೇಕಾಗುತ್ತದೆ. ಇವುಗಳನ್ನು ನಮೂದಿಸಿದ ಬಳಿಕ ಕೇವಲ 5 ನಿಮಿಷದಲ್ಲಿ ಸಾಲದ ಅನುಮೋದನೆಯನ್ನು ಪಡೆಯುವಿರಿ. ಅಲ್ಲದೆ ಈ ಹಣವು ನಿಮ್ಮ ಮೊಬಿಕ್ವಿಕ್ ವಾಲೆಟ್ಗೆ ಬರುತ್ತದೆ.
ಸಾಲವನ್ನು ಪಡೆದ ಬಳಿಕ ಸುಲಭ ಕಂತುಗಳಲ್ಲಿ ನೀವು ಹಣವನ್ನು ಹಿಂತಿರುಗಿಸಬೇಕು. ಮೊಬಿಕ್ವಿಕ್ ವ್ಯಾಲೆಟ್ ಆ್ಯಪ್ ನೀಡುತ್ತಿರುವ ಈ ಸಾಲ ಸೌಲಭ್ಯದ ಕುರಿತಾದ ಹೆಚ್ಚಿನ ಮಾಹಿತಿಗಾಗಿ mobikwik ಅಧಿಕೃತ ವೆಬ್ಸೈಟ್ನಲ್ಲಿ ಪರಿಶೀಲಿಸಬಹುದು.
