Doogee S98 Pro: ಈ ಸ್ಮಾರ್ಟ್​ಫೋನಿನ ಚಮತ್ಕಾರವೇ ಬೇರೆ! ನೀರಿಗೆ ಬಿದ್ದರು, ನೆಲಕ್ಕೆ ಎಸೆದರೂ ಏನು ಆಗಲ್ಲ

Doogee ಕಳೆದ ತಿಂಗಳು ಹೊಸ ಸ್ಮಾರ್ಟ್ಫೋನ್ ಅನ್ನು ಪ್ರದರ್ಶಿಸಿದೆ. Doogee S98 Pro ಹೆಸರಿನಲ್ಲಿ ನೂತನ ಫೋನನ್ನು ಮಾರುಕಟ್ಟೆಗೆ ತರಲು ಮುಂದಾಗಿದೆ. ಈ ಸ್ಮಾರ್ಟ್ಫೋನ್ ಅತ್ಯುತ್ತಮ ಕ್ಯಾಮೆರಾ, ಥರ್ಮಲ್ ಇಮೇಜಿಂಗ್ ಸೆನ್ಸಾರ್ ಮತ್ತು ಅಲ್ಟ್ರಾ-ವೈಡ್ ಕ್ಯಾಮೆರಾವನ್ನು ಹೊಂದಿದೆ.

ಈ ಹೊಸ ಗೇಮ್ ಚೇಂಜರ್ ಸ್ಮಾರ್ಟ್​ಫೋನ್ ಜೂನ್ 6 ರಂದು ಬಿಡುಗಡೆಯಾಗಲಿದೆ ಎಂದು Doogee ಅಂತಿಮವಾಗಿ ಖಚಿತಪಡಿಸಿದ್ದಾರೆ. ಬಿಡುಗಡೆಗೆ ಕೆಲವು ದಿನಗಳ ಮೊದಲು, ಫೋನ್​ನ ವೈಶಿಷ್ಟ್ಯಗಳು ಮತ್ತು ಬೆಲೆಯನ್ನು ಬಹಿರಂಗಪಡಿಸಲಾಗಿದೆ. ಇದು ಪ್ರಬಲ ಫೋನ್ ಎಂದು ಪರಿಗಣಿಸಲಾಗಿದೆ. ನೆಲದ ಮೇಲೆ ಎಸೆದರೂ ಒಡೆಯುವುದಿಲ್ಲ, ನೀರಿನಲ್ಲಿ ಮುಳುಗಿಸಿದರೂ ಹಾಳಾಗುವುದಿಲ್ಲ. Doogee S98 Pro ನ ಬೆಲೆ ಮತ್ತು ವೈಶಿಷ್ಟ್ಯಗಳನ್ನು ತಿಳಿಯೋಣ.

Doogee S98 Pro ಬೆಲೆ: ಹೊಸ Doogee S98 ಪ್ರೊ ಜೂನ್ 6 ರಂದು ಆರ್ಡರ್​ಗೆ ಲಭ್ಯವಿರುತ್ತದೆ ಎಂದು ಕಂಪನಿ ದೃಢಪಡಿಸಿದೆ. AliExpress, DoogeeMall, ಮತ್ತು Linio (ಲ್ಯಾಟಿನ್ ಅಮೇರಿಕಾ) ಶಾಪಿಂಗ್ ಪ್ಲಾರ್ಟ್​ಫಾರ್ಮ್​ಗಳಳಲ್ಲಿ ಸ್ಮಾರ್ಟ್​ಫೋನ್​ ಸಿಗಲಿದೆ. Doogee S98 Pro ಬೆಲೆ $439 (Rs 34,008), ಆದರೆ ಜೂನ್ 6 ಮತ್ತು 10 ರ ನಡುವೆ $329 (Rs 25,500) ಗೆ ಮಾರಾಟವಾಗಲಿದೆ.

Doogee S98 Pro ವಿನ್ಯಾಸ ಮತ್ತು ಕ್ಯಾಮೆರಾ: ನೂತನ ಸ್ಮಾರ್ಟ್​ಫೋನ್ Doogee S98 Pro ನ ಆಕರ್ಷಕ ವಿನ್ಯಾಸವನ್ನು ಹೊಂದಿದ್ದು, ಯುರೋಪಿಯನ್ ಉತ್ತಮ ವಿನ್ಯಾಸ ಪ್ರಶಸ್ತಿಯನ್ನು ಗೆದ್ದುಕೊಂಡಿದೆ. ಇದು ಕಠಿಣವಾದ ಫೋನ್​ನಲ್ಲಿ ಅತ್ಯುತ್ತಮ ಕ್ಯಾಮೆರಾ ವ್ಯವಸ್ಥೆಯನ್ನು ಹೊಂದಿರುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.

ವೃತ್ತಿಪರ ದರ್ಜೆಯ ಥರ್ಮಲ್ ಕ್ಯಾಮೆರಾ 48MP ಸೋನಿ IMX582 ಪ್ರಾಥಮಿಕ ಕ್ಯಾಮೆರಾ ಮತ್ತು 20MP ಸೋನಿ IMX350 ರಾತ್ರಿ ದೃಷ್ಟಿ ಕ್ಯಾಮೆರಾ ಎರಡೂ ಬದಿಯಲ್ಲಿದೆ. ಆದಾಗ್ಯೂ, ಮುಂಭಾಗದ ಕ್ಯಾಮರಾ 16MP ಸ್ಯಾಮ್​​ಸಂಗ್​  S5K3P9SP ಆಗಿದೆ. ಇದನ್ನು ಪ್ರದರ್ಶನದ ಮೇಲ್ಭಾಗದಲ್ಲಿ ಕಟೌಟ್​ನಲ್ಲಿ ಇರಿಸಲಾಗಿದೆ.