Smartphone Tips: ಸ್ಮಾರ್ಟ್​​ಫೋನ್​​ ತುಂಬಾ ಹ್ಯಾಂಗ್​​ ಆಗ್ತಿದ್ಯಾ? ಇಲ್ಲಿದೆ ನೋಡಿ ಸಿಂಪಲ್​ ಟ್ರಿಕ್ಸ್

ಸ್ಮಾರ್ಟ್​​​ಫೋನ್​ಗಳು ಈಗಿನ ದಿನದಲ್ಲಿ ಬಹುತೇಕ ಜನರ ಮುಖ್ಯ ಸಾಧನವಾಗಿಬಿಟ್ಟಿದೆ. ಆದರೆ ಎಷ್ಟೇ ಹೊಸ ಸ್ಮಾರ್ಟ್​​ಫೋನ್​ಗಳನ್ನು ಖರೀದಿಸಿದರೂ ಕೆಲ ಸಮಯಗಳ ನಂತರ ಅದು ಹ್ಯಾಂಗ್​ ಆಗಲು ಪ್ರಾರಂಂಭವಾಗುತ್ತದೆ. ಆದರೆ ಇದಕ್ಕೆ ಕಾರಣ ನಾವು ಬಳಸೋ ವಿಧಾನಗಳು ಆಗಿರಬಹುದು.

ಅಪ್ಡೇಟ್​ ಮಾಡಿ: ಸ್ಮಾರ್ಟ್​​ಫೋನ್​ಗಳನ್ನು ಆಗಾಗ ಅಪ್ಡೇಟ್​ ಮಾಡುತ್ತಿರಬೇಕು. ಏಕೆಂದರೆ ಕೆಲವೊಂದು ಬಾರಿ ನಮ್ಮ ಸ್ಮಾರ್ಟ್​​ಫೋನ್​ಗಳು ಇದರಿಂದ ಹೊಸ ಬದಲಾವಣೆಯನ್ನು ತರುತ್ತದೆ. ಈ ಸಂದರ್ಭದಲ್ಲಿ ಕಂಪೆನಿ ಸ್ಮಾರ್ಟ್​​ಫೋನ್​ಗಳಿಗೆ ಅಪ್ಡೇಟ್​ ನೀಡಿದ ತಕ್ಷಣವೇ ಅಪ್ಡೇಟ್​ ಮಾಡ್ಬೇಕು. ಇಲ್ಲದಿದ್ದರೆ ಸ್ಟೋರೇಜ್, ಪ್ರೊಸೆಸರ್​ ವೇಗ ಕಡಿಮೆಯಾಗುವ ಸಾಧ್ಯತೆಗಳಿರುತ್ತದೆ.

ಸ್ಟೋರೇಜ್​ ಕ್ಲಿಯರ್ ಮಾಡಿ: ಸ್ಮಾರ್ಟ್​​ಫೋನ್​ ಖರೀದಿದುವಾಗ ಹೆಚ್ಚಿನ ಜನರು ಅದರ ರ್‍ಯಾಮ್ ಮತ್ತು ಸ್ಟೋರೇಜ್​ ಅನ್ನು ನೋಡಿಕೊಳ್ಳುತ್ತಾರೆ. ಆದರೆ ಎಷ್ಟೇ ಸ್ಟೋರೇಜ್​ ಇದ್ದರೂ ಕೆಲವೊಂದು ಬಾರಿ ಸ್ಮಾರ್ಟ್​​ಫೋನ್​ಗಳು ಹ್ಯಾಂಗ್​ ಆಗುತ್ತದೆ.

16ಜಿಬಿ, 32ಜಿಬಿ, 128ಜಿಬಿ ಸ್ಟೋರೇಜ್ ಸಾಮರ್ಥ್ಯ ಹೊಂದಿರುವ ಸ್ಮಾರ್ಟ್‌ಫೋನ್‌ಗಳು ಇಂದು ಹೆಚ್ಚು ಜನರ ಬಳಕೆಯಲ್ಲಿವೆ. ಹಾಗೆಂದು ಅಷ್ಟೂ ಮೆಮೊರಿಯನ್ನು ತುಂಬಿಸಿಕೊಳ್ಳಬಹುದು ಎಂದುಕೊಳ್ಳದಿರಿ. ನಿಮ್ಮ ಸ್ಟೋರೇಜ್ ಫುಲ್ ಆದಾಗ ಸ್ಮಾರ್ಟ್​​ಫೋನ್​ಗಳು ಹ್ಯಾಂಗ್ ಆಗಲು ಪ್ರಾರಂಭವಾಗುತ್ತದೆ. ಆದ್ದರಿಂದ ನಿಮ್ಮ ಸ್ಟೋರೇಜ್​ ಅರ್ಧಕ್ಕಿಂತ ಹೆಚ್ಚು ಫುಲ್ ಮಾಡ್ಬೇಡಿ.

ಡೇಟಾ ಸೇವರ್ ಬಳಸಿ: ಸ್ಮಾರ್ಟ್‌ಫೋನಿನಲ್ಲಿ ಕ್ರೋಮ್ ಬ್ರೌಸರ್ ಬಳಕೆ ಹೆಚ್ಚು. ಈ ಬ್ರೌಸರ್‌ನಲ್ಲಿ ಡೇಟಾ ಸೇವರ್ ಆಯ್ಕೆ ಸಿಗುತ್ತದೆ. ಅದನ್ನು ಸಕ್ರಿಯಗೊಳಿಸಿದರೆ ನಿಮ್ಮ ಮೊಬೈಲ್ ಡೇಟಾ ಬಳಕೆ ಕಡಿಮೆಯಾಗಿ ನಿಮ್ಮ ಫೋನಿನ ವೇಗ ಹೆಚ್ಚುತ್ತದೆ. ಕಡಿಮೆ ಡಾಟಾ ಬಳಸಿಕೊಂಡು ಹೆಚ್ಚು ಪೇಜ್‌ಗಳು ವೇಗವಾಗಿ ಲೋಡ್ ಆಗುತ್ತವೆ. ಜೊತೆಗೆ ಒಂದು ಸಿನೆಮಾವನ್ನೂ ಕಡಿಮೆ ಡೇಟಾದಲ್ಲೇ ನೋಡಬಹುದು.

ಹೋಮ್​ಸ್ಕ್ರೀನ್​ ಸೆಟ್ ಮಾಡಿ: ಸ್ಮಾರ್ಟ್‌ಫೋನ್‌ನಲ್ಲಿ ಕೆಲವರು ಹೆಚ್ಚಾಗಿ widgets ಗಳನ್ನು ಮತ್ತು ಲೈವ್ ವಾಲ್‌ಪೇಪರ್‌ಗಳನ್ನು ಬಳಕೆಮಾಡುತ್ತಿರುತ್ತಾರೆ. ಆದರೆ ಖಂಡಿತವಾಗಿಯೂ ಇದು ಸ್ಮಾರ್ಟ್‌ಫೋನ್ ಬ್ಯಾಟರಿಯನ್ನು ಕಡಿಮೆ ಮಾಡುವ ಜೊತೆಗೆ ಸ್ಮಾರ್ಟ್​​ಫೋನ್​ನ ಹ್ಯಾಂಗ್​ ಆಗುವ ಸಮಸ್ಯೆಗೂ ಕಾರಣವಾಗುತ್ತದೆ. ಆದ್ದರಿಂದ ಯಾವತ್ತೂ ಹೆಚ್ಚಿನ ರೆಸಲ್ಯೂಶನ್​ ಹೊಂದಿರುವ, ಲೈವ್ ವಾಲ್​ ಪೇಪರ್​ಗಳನ್ನು ಬಳಸ್ಬೇಡಿ.

ಆ್ಯಪ್​ಗಳನ್ನು ಹೆಚ್ಚು ಬಳಸ್ಬೇಡಿ: ಕೆಲವರು ಸ್ಮಾರ್ಟ್​​ಫೋನ್​ಗಳಲ್ಲಿ ಹಲವಾರು ಆ್ಯಪ್ಸ್​ಗಳನ್ನು ಇಟ್ಟುಕೊಂಡಿರುತ್ತಾರೆ. ಕೆಲವೊಮ್ಮೆ ಯಾವುದೋ ಕಾರಣಕ್ಕೆ ಒಂ ದು ಆ್ಯಪ್​ಗಳನ್ನು ಡೌನ್​​ಲೋಡ್ ಮಾಡುತ್ತಾರೆ. ಆದರೆ ಕೆಲ ಸಮಯಗಳ ನಂತರ ಅದರ ಉಪಯೋಗನೇ ಇರಲ್ಲ.

ಆದ್ದರಿಂದ ಅನಗತ್ಯ ಆ್ಯಪ್​ಗಳನ್ನು ಎಂದಿಗೂ ಸ್ಮಾರ್ಟ್​​​ಫೋನ್​ಗಳಲ್ಲಿ ಇಟ್ಟುಕೊಳ್ಳಬೇಡಿ. ಆದರೆ ಇಂತಹ ಆ್ಯಪ್​ಗಳನ್ನು ಇಟ್ಟುಕೊಂಡಿರುವುದರಿಂದ ಸ್ಮಾರ್ಟ್​ಫೋನ್​ಗಳ ಸ್ಟೋರೇಜ್ ತುಂಬಿಕೊಳ್ಳುತ್ತದೆ. ಈ ಸಂದರ್ಭದಲ್ಲಿ ಮೊಬೈಲ್ ಹ್ಯಾಂಗ್ ಆಗಲು ಆರಂಭವಾಗುತ್ತದೆ.