Laptop Tricks: ಲ್ಯಾಪ್​ಟಾಪ್ ಆನ್​ ಮಾಡಿದ ತಕ್ಷಣ ರಿಫ್ರೆಶ್ ಮಾಡ್ತೀರಾ? ಇದರಿಂದ ನಿಜವಾಗ್ಲು ಏನಾಗುತ್ತೆ ಗೊತ್ತಾ?

ಇತ್ತೀಚಿನ ದಿನಗಳಲ್ಲಿ ಪ್ರತಿಯೊಬ್ಬರ ಕೈಯಲ್ಲಿ ಸ್ಮಾರ್ಟ್​ಫೋನ್​ ಹೇಗಿರುತ್ತದೋ, ಅದೇ ರೀತಿ ಲ್ಯಾಪ್​ಟಾಪ್ ಸಹ ಇರುತ್ತದೆ. ಅದ್ರಲ್ಲೂ ಕೊರೊನಾ ಬಂದಾಗಿನಿಂದಂತೂ ಲ್ಯಾಪ್​​ಟಾಪ್​, ಕಂಪ್ಯೂಟರ್​ಗಳಿಗೆ ಬೇಡಿಕೆ ಹೆಚ್ಚಾಗಿದೆ. ಏಕೆಂದರೆ ಯಾವುದೇ ಕೆಲಸವನ್ನು ಸಹ ಮನೆಯಲ್ಲಿಯೇ ಕುಳಿತು ಲ್ಯಾಪ್​​ಟಾಪ್ ಮೂಲಕ ಮಾಡಿಮುಗಿಸಬಹುದಾಗಿದೆ.

ಇನ್ನು ಹೆಚ್ಚಿನ ಜನರು ಲ್ಯಾಪ್​​ಟಾಪ್​ ಬಳಸುತ್ತಾರೆ. ಆದರೆ ಅದರಲ್ಲಿರುವಂತಹ ಕೆಲವೊಂದು ಕೀಗಳು ಬಗ್ಗೆ, ಟೆಕ್ನಿಕ್​ಗಳ ಬಗ್ಗೆ ಇನ್ನೂ ಹೆಚ್ಚಿನ ಜನರಿಗೆ ತಿಳಿದಿಲ್ಲ.

ಹೆಚ್ಚಿನ ಜನರು ಸಾಮಾನ್ಯವಾಗಿ ಲ್ಯಾಪ್​​ಟಾಪ್​ ಅಥವಾ ಕಂಪ್ಯೂಟರ್​ ಅನ್ನುಆನ್​ ಮಾಡಿದಾಗ ತಕ್ಷಣ ಹೋಮ್​ಸ್ಕ್ರೀನ್​ನಲ್ಲಿ ರಿಫ್ರೆಶ್​ ಮಾಡುತ್ತಾರೆ. ಜೊತೆಗೆ ಎಫ್​​​5 ಅನ್ನು ಕ್ಲಿಕ್ ಮಾಡುವ ಮೂಲಕ ರ್‍ಯಾಮ್ ಕ್ಲಿಯರ್ ಆಗುತ್ತದೆ ಎಂದು ಭಾವಿಸುತ್ತಾರೆ. ಆದ್ರೆ ಇದರಿಂದ ಏನು ಬದಲಾವಣೆಯಾಗುತ್ತದೆ ಎಂದು ಹೆಚ್ಚಿನವರಿಗೆ ತಿಳಿದಿಲ್ಲ.

ಆದರೆ, ಹೋಮ್ ಸ್ಕ್ರೀನ್‌ನಲ್ಲಿರುವ ರಿಫ್ರೆಶ್ ಆಯ್ಕೆಯನ್ನು ಕ್ಲಿಕ್ ಮಾಡುವುದರ ಮೂಲಕ ಈ ರೀತಿ ಏನೂ ಬದಲಾವಣೆಗಳು ಆಗುವುದಿಲ್ಲ. ಆದರೆ ಏನಾದರು ಚೇಂಜಸ್ ಆಗುತ್ತೆ ಎಂದು ತಿಳಿದಿದ್ರೆ ಈ ಸ್ಟೋರಿ ಓದಿ.

ಕಂಪ್ಯೂಟರ್​ನಲ್ಲಿರುವಂತಹ ಹೋಮ್ ಸ್ಕ್ರೀನ್ ಸ್ವತಃ ಫೋಲ್ಡರ್ ಅನ್ನು ಕ್ರಿಯೇಟ್​ ಮಾಡುತ್ತದೆ. ಈ ಸಂದರ್ಭದಲ್ಲಿ, ನೀವು ಅದನ್ನು ರಿಫ್ರೆಶ್ ಮಾಡಿದಾಗ, ಇದು ಇತ್ತೀಚಿನ ಮಾಹಿತಿಯೊಂದಿಗೆ ಫೋಲ್ಡರ್ ಅನ್ನು ತೋರಿಸುತ್ತದೆ.

ಉದಾಹರಣೆಗೆ, ನೀವು ಹೋಮ್ ಸ್ಕ್ರೀನ್‌ನಲ್ಲಿ ಅಲ್ಫಾಬೆಟ್​ ಕ್ರಮದಲ್ಲಿ ಅನೇಕ ಫೋಲ್ಡರ್‌ಗಳನ್ನು ಸೆಟ್​ ಮಾಡಿರಬೇಕು, ಒಂದು ವೇಳೆ ಹಾಗೆ ಒಂದೇ ರೀತಿಯಲ್ಲಿ ಜೋಡಿಸದಿದ್ದರೆ, ನೀವು ರಿಫ್ರೆಶ್ ಮಾಡಿದ ತಕ್ಷಣ ನೀವು ಹೊಸ ಅಪ್ಡೇಟ್​ ಅನ್ನು ಕಾಣಬಹುದು. ನೀವು ರಫ್ರೆಶ್ ಮಾಡುವುದರಿಂದ ಕೇವಲ ನಿಮ್ಮ ಹೋಮ್​ ಸ್ಕ್ರೀನ್ ಮಾತ್ರ ಆಪ್ಡೇಟ್ ಆಗುತ್ತದೆ.

ಅದೇ ರೀತಿ, ನೀವು ಯಾವುದೇ ಒಂದು ಫೋಲ್ಡರ್‌ನಲ್ಲಿ ಯಾವುದಾದರು ಬದಲಾವಣೆಗಳನ್ನು ಮಾಡಿದ್ದರೆ ಅಥವಾ ಶಾರ್ಟ್‌ಕಟ್ ಅನ್ನು ಕ್ರಿಯೇಟ್ ಮಾಡಿದಾಗ ಅದು ಹೋಮ್​ಸ್ಕ್ರೀನ್​​ನಲ್ಲಿ ಕಾಣದೇ ಇದ್ದರೆ ಆಗ ರಿಫ್ರೆಶ್​ ಸಹಕಾರಿಯಾಗುತ್ತದೆ. ಇನ್ನು ಹೊಸ ವಾಲ್​ ಪೇಪರ್​ ಅನ್ನು ಸಹ ಕಂಪ್ಯೂಟರ್​ ಹೋಮ್​ಸ್ಕ್ರೀನ್​ನಲ್ಲಿ ಸೆಟ್​ ಮಾಡಿದಾಗ ಅಪ್ಡೇಟ್​ ಆಗದಿದ್ದರೆ ಆಗ ರಿಫ್ರೆಶ್​ ಅನ್ನು ಮಾಡಿಕೊಂಡು ವಾಲ್​ಪೇಪರ್​ ನೋಡಬಹುದು.

ಇದು ನಿಮ್ಮ ಕಂಪ್ಯೂಟರ್​ ಅಥವಾ ಲ್ಯಾಪ್​​ಟಾಪ್ ಅನ್ನು ರಿಫ್ರೆಶ್ ಮಾಡುವುದರಿಂದಾಗುವ ಲಾಭಗಳು. ಅದು ಬಿಟ್ಟರೆ ಲ್ಯಾಙ್​ಟಾಪ್​ನ ರ್‍ಯಾಮ್ ಕ್ಲಿಯರ್ ಆಗುವುದಿಲ್ಲವೆಂದು ತಜ್ಞರು ಹೇಳುತ್ತಾರೆ.