New Technology: ಇತ್ತೀಚಿನ ಸ್ಮಾರ್ಟ್​​ಫೋನ್​ಗಳಲ್ಲಿ ಹೆಡ್​​ಫೋನ್​ ಜ್ಯಾಕ್​ ಏಕೆ ಇಲ್ಲ ಗೊತ್ತಾ? ಇದಕ್ಕೂ ಒಂದು ಕಾರಣವಿದ್ಯಂತೆ

ಸಾಮಾನ್ಯವಾಗಿ ಸ್ಮಾರ್ಟ್​​ಫೋನ್​ಗಳ ಬಳಕೆಯ ಅನುಕೂಲಕ್ಕಾಗಿ ಅದರಲ್ಲಿ ಸಾಕಷ್ಟು ಫೀಚರ್ಸ್​ಗಳನ್ಜು ಕಂಪೆನಿಗಳು ನೀಡಿರುತ್ತವೆ. ಅದರಲ್ಲೂ ಹೆಡ್​ಫೋನ್​ ಜ್ಯಾಕ್​ ಬಗ್ಗೆ ಹೇಳಬೇಕಂತನೇ ಇಲ್ಲ. ಈ ಆಯ್ಕೆ ಬಳಕೆದಾರರಿಗೆ ಬಹಳಷ್ಟು ಸಹಕಾರಿಯಾಗುತ್ತದೆ. ಯಾವುದೇ ಸಿನಿಮಾ, ಹಾಡು, ಕಾಲ್​ನಲ್ಲಿ ಮಾತನಾಡಬೇಕಂದ್ರೂ ಇಯರ್​ಫೋನ್ ಅನ್ನೇ ಹೆಚ್ಚಿನವರು ಬಳಕೆ ಮಾಡುತ್ತಾರೆ.

ಆದರೆ ಇತ್ತೀಚೆಗೆ ಬಿಡುಗಡೆಯಾದ ಕೆಲವೊಂದು ಸ್ಮಾರ್ಟ್​​ಫೋನ್​ಗಳು ಹೆಡ್​​ಫೋನ್​ ಜ್ಯಾಕ್ ಅನ್ನೇ ಹೊಂದಿಲ್ಲ. ವೈರ್​ಲೆಸ್​ ಇಯರ್​​ಬಡ್ಸ್​ಗಳ ಬಳಕೆ ಹೆಚ್ಚಾದಂತೆ ಕೆಲ ಮೊಬೈಲ್​ ಕಂಪೆನಿಗಳು ತಮ್ಮ ಬ್ರಾಂಡ್​ಗಳಲ್ಲಿ ಈ ಹೆಡ್​ಫೋನ್​ ಜ್ಯಾಕ್​ ಅನ್ನೇ ಅಳವಡಿಸುತ್ತಿಲ್ಲ. ಆದರೆ ಇದಕ್ಕೂ ಕೆಲವೊಂದು ಕಾರಣಗಳಿವೆ.

ಫೋನ್‌ಗಳಿಂದ 3.5mm ಹೆಡ್‌ಫೋನ್ ಜ್ಯಾಕ್ ಅನ್ನು ತೆಗೆದುಹಾಕುವುದರ ಹಿಂದೆ ಮೂರು ಪ್ರಮುಖ ಕಾರಣಗಳಿವೆ ಎಮದು ತಂತ್ರಜ್ಞರು ಹೇಳಿದ್ದಾರೆ. ಮೊದಲನೆಯದಾಗಿ, ವಿನ್ಯಾಸ ಮತ್ತು ಎಂಜಿನಿಯರಿಂಗ್ ಅನ್ನು ಸುಧಾರಿಸಲು ಎಂದು ಹೇಳಲಾಗಿದೆ. ಎರಡನೆಯದಾಗಿ ಮಾರುಕಟ್ಟೆಯಲ್ಲಿ ಹೊಸ ಟ್ರೆಂಡ್​ ಸೃಷ್ಟಿ ಮಾಡಲಲು. ಇನ್ನು ಮೂರನೆಯದು ಗ್ರಾಹಕರ ನಡವಳಿಕೆಯಲ್ಲಿ ಬದಲಾವಣೆ ತರಲು ಎಂದಿದ್ದಾರೆ.

ಅಷ್ಟೇ ಅಲ್ಲ, ಫೋನ್ ಅನ್ನು ವಾಟರ್ ಪ್ರೂಫ್ ಮಾಡಲು ಸಹ ಈ ಟೆಕ್ನಾಲಜಿಯನ್ನು ಅಳವಡಿಸಲಾಗಿದೆ. ಏಕೆಂದರೆ, 3.5 ಎಂಎಂ ಜ್ಯಾಕ್ ಓಪನ್ ಪೋರ್ಟ್ ಆಗಿರುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ಫೋನ್‌ಗೆ ನೀರು ಹೋದರೆ ಹಾಳಾಗುವ ಸಾಧ್ಯತೆಗಳಿರುತ್ತದೆ.

ಈಗ ನಾವು ಮಾರುಕಟ್ಟೆಯ ಟ್ರೆಂಡ್​ ಮತ್ತು ಗ್ರಾಹಕರ ನಡವಳಿಕೆಯ ಬಗ್ಗೆ ಮಾತನಾಡುವುದಾದರೆ, ಹೆಚ್ಚಿನ ಸ್ಮಾರ್ಟ್‌ಫೋನ್ ಕಂಪೆನಿಗಳು ಈಗ ವೈರ್‌ಲೆಸ್ ಆಡಿಯೋ ತಂತ್ರಜ್ಞಾನವನ್ನು ಮೊದಲಿಗಿಂತ ಉತ್ತಮಗೊಳಿಸಿವೆ. ಅಂತಹ ಪರಿಸ್ಥಿತಿಯಲ್ಲಿ, ವೈರ್‌ಲೆಸ್ ಬಡ್‌ಗಳಲ್ಲಿಯೂ ಉತ್ತಮ ಗುಣಮಟ್ಟದ ಆಡಿಯೋವನ್ನು ಕೇಳಲಾಗುತ್ತದೆ. ಅಲ್ಲದೆ, ವೈರ್‌ಗಳ ತೊಂದರೆ ತಪ್ಪಿಸಲು ಗ್ರಾಹಕರು ವೈರ್‌ಲೆಸ್ ಬಡ್‌ಗಳನ್ನು ಹೆಚ್ಚಾಗಿ ಅಳವಡಿಸಿಕೊಂಡಿದ್ದಾರೆ.

ಅಂತಹ ಪರಿಸ್ಥಿತಿಯಲ್ಲಿ, ವೈರ್‌ಲೆಸ್ ಬಡ್‌ಗಳಲ್ಲಿಯೂ ಉತ್ತಮ ಗುಣಮಟ್ಟದ ಆಡಿಯೋವನ್ನು ಕೇಳಲಾಗುತ್ತದೆ. ಅಲ್ಲದೆ, ವೈರ್‌ಗಳ ತೊಂದರೆ ತಪ್ಪಿಸಲು ಗ್ರಾಹಕರು ವೈರ್‌ಲೆಸ್ ಬಡ್‌ಗಳನ್ನು ಹೆಚ್ಚಾಗಿ ಅಳವಡಿಸಿಕೊಂಡಿದ್ದಾರೆ.

ಇನ್ನು ಇದರ ಮಾರಾಟದ ಬಗ್ಗೆ ಹೇಳುವುದಾದ್ರೆ, ಹೆಚ್ಚಿನ ಸ್ಮಾರ್ಟ್​​ಫೋನ್​ಗಳಲ್ಲಿ ಬಳಕೆ ಮಾಡುವಂತಹ ಹೆಡ್​ಫೋನ್​ಗಳು ಬೇರೆ ಕಂಪೆನಿಯದ್ದಾಗಿರುತ್ತದೆ. ಆದರೆ ಇತ್ತೀಚೆಗೆ ಸ್ಮಾರ್ಟ್​​ಫೋನ್​ ಕಂಪೆನಿಗಳು ಸಹ ವೈರ್​ಲೆಸ್​ ಇಯರ್​ಬಡ್ಸ್​ಗಳನ್ನು ಮಾರಾಟ ಮಾಡಲು ಆರಮಭಿಸಿದೆ. ಇದರಿಂದ ಕಂಪೆನಿಗಳು ತಯಾರಿಸಿದ ಇಯರ್​​ಬಡ್ಸ್​ಗಳಿಗೂ ಬೇಡಿಕೆ ಹೆಚ್ಚಾಗುತ್ತದೆ. ಇದೇ ಕಾರಣಕ್ಕೆ ಸ್ಮಾರ್ಟ್​ಫೋನ್​ಗಳಲ್ಲಿ ಹೆಡ್​​ಫೋನ್​ ಜ್ಯಾಕ್​ ಅನ್ನು ತೆಗೆಯಲಾಗಿದೆ ಎಂಂದಿದ್ದಾರೆ.

ಸದ್ಯ ಈ ಟೆಕ್ನಾಲಜಿ ಕೆಲವೊಂದು ಕಂಪೆನಿಗಳು ಮಾತ್ರ ಅಳವಡಿಸಿದ್ದು, ಮುಂದಿನ ದಿನಗಳಲ್ಲಿ ಪ್ರತಿಯೊಂದು ಸ್ಮಾರ್ಟ್​​ಫೋನ್​ಗಳಲ್ಲೂ ಈ ಟೆಕ್ನಾಲಜಿ ಅಳವಡಿಕೆಯಾಗಲಿದೆ ಎಂದು ಕೆಲವೊಂದು ವರದಿಗಳು ಹೇಳಿವೆ.