Tech Tips: ಮೊಬೈಲ್​​ ಚಾರ್ಜರ್​​ಗಳು ಕಪ್ಪು ಮತ್ತು ಬಿಳಿ ಬಣ್ಣದಲ್ಲಿ ಮಾತ್ರ ಇರುತ್ತೆ ಯಾಕೆ ಗೊತ್ತಾ? ಇಲ್ಲಿದೆ ಮಾಹಿತಿ

ಸ್ಮಾರ್ಟ್​​ಫೋನ್​ಗಳು ಇತ್ತೀಚೆಗೆ ಎಲ್ಲರ ಅಗತ್ಯ ಸಾಧನವಾಗಿದೆ. ಇವುಗಳು ಹೇಗೆ ಅಗತ್ಯವೋ ಅದೇ ರೀತಿ ಬ್ಯಾಟರಿ ಬ್ಯಾಕಪ್​ ಸಹ ಅಷ್ಟೇ ಮುಖ್ಯವಾಗಿರುತ್ತದೆ. ಆದರೆ ಕೆಲವೊಂದು ಕಂಪೆನಿಗಳು ತನ್ನ ಬ್ರಾಂಡ್​ ಜೊತೆಗೆ ಮೊಬೈಲ್​ ಚಾರ್ಜರ್​ಗಳನ್ನೇ ನೀಡುವುದಿಲ್ಲ. ಆದರೆ ಸ್ಮಾರ್ಟ್​​​ಫೋನ್​ನಲ್ಲಿ ಬರುವಂತಹ ಚಾರ್ಜರ್​ನಲ್ಲಿ ಯಾರಿಗೂ ಗೊತ್ತಿಲ್ಲದ ಒಂದು ಕಥೆ ಇದೆ.

ಮಾರುಕಟ್ಟೆಯಲ್ಲಿ ಹಲವಾರು ಬಣ್ಣಗಳಲ್ಲಿ ಸ್ಮಾರ್ಟ್​​ಫೋನ್​ಗಳಿವೆ. ಇನ್ನು ಒಂದೇ ಸ್ಮಾರ್ಟ್​​ಫೋನ್​ಗಳು ವಿವಿಧ ರೀತಿಯ ಬಣ್ಣದಲ್ಲಿ ಖರೀದಿಗೆ ಲಭ್ಯವಿದೆ. ಆದರೆ ಈ ಸ್ಮಾರ್ಟ್​ಫೋನ್​ಗಳ ಜೊತೆ ಬರುವ ಚಾರ್ಜರ್​ಗಳು ಮಾತ್ರ ಕೇವಲ ಎರಡು ಮಾದರಿಯಲ್ಲಿ ಮಾತ್ರ ಇರುತ್ತದೆ. ಹೌದು, ಮೊಬೈಲ್​ಗಳ ರೀತಿ ಕೆಂಪು, ಹಸಿರು, ನೀಲಿ ಹೀಗೆ ಅನೇಕ ಬಣ್ಣಗಳಲ್ಲಿ ಮೊಬೈಲ್​ ಚಾರ್ಜರ್​ಗಳು ಇರುವುದಿಲ್ಲ. ಅದು ಕೇವಲ ಕಪ್ಪು ಮತ್ತು ಬಿಳಿ ಬಣ್ಣಗಳಲ್ಲಿ ಮಾತ್ರ ಇರುತ್ತದೆ. ಕಾರಣ ಕೇಳಿದ್ರೆ ಶಾಕ್​ ಆಗ್ತೀರಾ..

ಸ್ಮಾರ್ಟ್​​​​​ಫೋನ್​ನಲ್ಲಿ ಬಿಳಿ ಮತ್ತು ಕಪ್ಪು ಬಣ್ಣದ ಚಾರ್ಜರ್​ಗಳ ಬದಲಿಗೆ ಬೇರೆ ಯಾವುದೇ ಬಣ್ಣದ ಚಾರ್ಜರ್​ಗಳು ಬರುವುದಿಲ್ಲ. ಇದಕ್ಕೊಂದು ಬಲವಾದ ಕಾರಣವಿದೆ. ಯಾವುದೇ ಒಂದು ಉತ್ಪನ್ನ ಅಥವಾ ಕೆಲಸವನ್ನು ಮಾಡಬೇಕಾದರೆ ಅದರ ಹಿಂದೆ ಏನಾದರು ಒಂದು ಕಾರಣಗಳು ಇದ್ದೇ ಇರುತ್ತದೆ. ಇದೀಗ ಸ್ಮಾರ್ಟ್​​ಫೋನ್​ಗಳ ಚಾರ್ಜರ್​ಗಳು ಕಪ್ಪು ಮತ್ತು ಬಿಳಿ ಬಣ್ಣದಿರಲು ಕಾರಣ ಏನೆಂದು ತಿಳಿಬೇಕಾದ್ರೆ ಈ ಲೇಖನವನ್ನೊಮ್ಮೆ ಓದಿ.

ಮೊಬೈಲ್ ಕಂಪನಿಗಳು ಕೆಂಪು, ಹಸಿರು, ಕೆಂಪು ಅಥವಾ ಇತರೆ ಬಣ್ಣಗಳಲ್ಲಿ ಚಾರ್ಜರ್‌ಗಳನ್ನು ತಯಾರಿಸದಿರಲು ಕಾರಣ ಅದರ ಬಾಳಿಕೆ ಮತ್ತು ವೆಚ್ಚವೇ ಮುಖ್ಯ ಕಾರಣವಾಗಿದೆ. ಕಪ್ಪು ಮತ್ತು ಬಿಳಿ ಬಣ್ಣಗಳು ಚಾರ್ಜರ್‌ನ ಜೀವಿತಾವಧಿಯನ್ನು ಹೆಚ್ಚಿಸುತ್ತವೆ. ಇನ್ನು ವಿಶೇಷವಾಗಿ ಇತರ ಬಣ್ಣಗಳಿಗೆ ಹೋಲಿಸಿದರೆ ಕಪ್ಪು ಅಥವಾ ಬಿಳಿ ಬಣ್ಣದಲ್ಲಿ ಚಾರ್ಜರ್‌ಗಳನ್ನು ತಯಾರಿಸಲು ಕಂಪೆನಿಗಳಿಗೆ ವೆಚ್ಚವೂ ಕಡಿಮೆ ಆಗುತ್ತದೆ.

ಬಿಳಿ ಚಾರ್ಜರ್​ನ ಲಾಭಗಳು: ಕಳೆದ ಕೆಲವು ವರ್ಷಗಳಿಂದ ಕೆಲ ಮೊಬೈಲ್​ ಕಂಪೆನಿಗಳು ತನ್ನ ಬ್ರಾಂಡ್​ನ ಮೊಬೈಲ್ ಜೊತೆ ಬಿಳಿ ಬಣ್ಣದ ಚಾರ್ಜರ್ ನೀಡುತ್ತಿವೆ. ಬಿಳಿ ಚಾರ್ಜರ್​​ ನೀಡಲು ವಿಶೇಷವಾಗಿ  ಮೂರು ಕಾರಣಗಳಿವೆ. ಮೊದಲನೆಯದಾಗಿ, ಬಿಳಿ ಬಣ್ಣವು ಬಾಹ್ಯ ಶಾಖವನ್ನು ಚಾರ್ಜರ್ ಒಳಗೆ ಪ್ರವೇಶಿಸದಂತೆ ತಡೆಹಿಡಿಯುತ್ತದೆ. ಎಲ್ಲರಿಗೂ ತಿಳಿದಿರುವಂತೆ ಬಿಳಿ ಬಣ್ಣ ಹೆಚ್ಚು ಶಾಖದ ಶಕ್ತಿಯನ್ನು ಪ್ರತಿಬಿಂಬಿಸುತ್ತದೆ ಮತ್ತು ಕಡಿಮೆ ಶಾಖ ಶಕ್ತಿಯನ್ನು ಹೀರಿಕೊಳ್ಳುತ್ತದೆ. ಈ ಕಾರಣದಿಂದಾಗಿ, ಚಾರ್ಜರ್ ಕಡಿಮೆ ಬಿಸಿಯಾಗುತ್ತದೆ ಮತ್ತು ಹೆಚ್ಚು ಕಾಲ ಬಾಳಿಕೆ ಬರುತ್ತದೆ.

ಕಪ್ಪು ಬಣ್ಣದ ಚಾರ್ಜರ್‌ಗಳ ಸಮಸ್ಯೆಯೆಂದರೆ ರಾತ್ರಿ ಕತ್ತಲೆಯಲ್ಲಿ ಅವುಗಳನ್ನು ಕಂಡುಹಿಡಿಯುವುದು ಸ್ವಲ್ಪ ಕಷ್ಟ. ಅದೇ ಬಿಳಿ ಬಣ್ಣದ ಚಾರ್ಜರ್ ಕತ್ತಲೆಯಲ್ಲಿಯೂ ಸುಲಭವಾಗಿ ನೋಡಬಹುದಾಗಿದೆ. ಇನ್ನು ಬಿಳಿ ಬಣ್ಣವು ಸೌಮ್ಯತೆಯ ಸಂಕೇತವಾಗಿದ್ದು ಎಲ್ಲರಿಗೂ ಇಷ್ಟವಾಗುತ್ತದೆ. ಅದಕ್ಕಾಗಿಯೇ ಈಗ ಕಂಪೆನಿಗಳು ಹೆಚ್ಚಾಗಿ ಬಿಳಿ ಬಣ್ಣದ ಚಾರ್ಜರ್​ಗಳನ್ನೇ ನೀಡುತ್ತಿದೆ.

ಭಾರೀ ಹಿಂದಿನಿಂದಲೂ ಸ್ಮಾರ್ಟ್​​​ಫೋನ್​ಗಳಲ್ಲಿ ಮತ್ತು ಫೀಚರ್​ ಫೋನ್​ಗಳಲ್ಲಿ ಕಪ್ಪು ಬಣ್ಣದ ಚಾರ್ಜರ್​ಗಳನ್ನೇ ನೀಡುತ್ತಿದ್ದರು. ಇನ್ನು ಈ ಬಣ್ಣದ ವಿಶೇಷತೆಯೆಂದರೆ ಇದು ಶಾಖವನ್ನು ಬೇಗನೆ ಹೀರಿಕೊಳ್ಳುತ್ತದೆ. ಕಪ್ಪು ಬಣ್ಣಕ್ಕೆ ಈ ವಿಶೇಷವಾದ ಶಕ್ತಿಯಿದೆ. ಇದು ಚಾರ್ಜಿಂಗ್ ಸಮಯದಲ್ಲಿ ಉಂಟಾಗುವ ಶಾಖದಿಂದ ಚಾರ್ಜರ್ ಅನ್ನು ರಕ್ಷಿಸುತ್ತದೆ.

ಕಪ್ಪು ಬಣ್ಣವು ಬಾಹ್ಯ ಶಾಖವನ್ನು ಚಾರ್ಜರ್‌ಗೆ ಪ್ರವೇಶಿಸದಂತೆ ತಡೆ ಹಿಡಿಯುತ್ತದೆ. ಎರಡನೆಯದಾಗಿ, ಕಪ್ಪು ವಸ್ತುವು ಇತರ ಬಣ್ಣಗಳಿಗಿಂತ ಅಗ್ಗವಾಗಿದೆ. ಇದು ಚಾರ್ಜರ್ ತಯಾರಿಕೆಯ ವೆಚ್ಚವನ್ನು ಸಹ ಕಡಿಮೆ ಮಾಡುತ್ತದೆ.