Sim Port: ಒಂದು ಸಿಮ್​ ಅನ್ನು ಎಷ್ಟು ಬಾರಿ ಪೋರ್ಟ್​ ಮಾಡ್ಬಹುದು ಗೊತ್ತಾ? ಇದಕ್ಕೂ ನಿಯಮಗಳಿವೆ

ಸ್ಮಾರ್ಟ್​ಫೋನ್​ ಎಂಬುದು ಇಂದಿನ ದಿನದಲ್ಲಿ ಪ್ರತಿಯೊಬ್ಬರ ಅಗತ್ಯ ಸಾಧನವಾಗಿಬಿಟ್ಟಿದೆ. ಯಾವುದೇಕೆಲಸ ಮಾಡಬೇಕೆಂದರು ಮೊಬೈಲ್​ ಬೇಕೇ ಬೇಕು. ಆದರೆ ಇನ್ನೊಬ್ಬರೊಂದಿಗೆ ಕಾಲ್​ನಲ್ಲಿ ಮಾತನಾಡಬೇಕಾದ್ರೆ, ಇಂಟರ್ನೆಟ್​ ಸೌಲಭ್ಯ ಬೇಕಾದ್ರೆ ಸಿಮ್​​ ಸಹ ಅಗತ್ಯವಾಗಿರುತ್ತದೆ.

ಆದರೆ ಕೆಲವರು ಸಿಮ್​ ಬಳಸದೆಯೇ ಬೇರೆಯವರಿಂದ ಹಾಟ್​​ಸ್ಪಾಟ್​ನಿಂದಲೋ, ಬ್ರಾಡ್​​ಬ್ಯಾಂಡ್​ ಯೋಜನೆಯಿಂದಲೋ ಇಂಟರ್ನೆಟ್​ ಸೌಲಭ್ಯ ಪಡೆಯುತ್ತಾರೆ. ಆದರೆ ಹೆಚ್ಚಿನದಾಗಿ ಸಿಮ್​ ಇಲ್ಲದೆ ಮೊಬೈಲ್ ಬಳಕೆ ಮಾಡುವವರು ಇಲ್ಲವೇ ಇಲ್ಲ.

ಹೆಚ್ಚಿನವರು ಒಂದೇ ಸಿಮ್​​ ಅನ್ನೇ ಬಹಳಷ ವರ್ಷಗಳಿಂದ ಬಳಕೆ ಮಾಡುತ್ತಿರುತ್ತಾರೆ. ಆದರೆ ಕೆಲವೊಮ್ಮೆ ನೆಟ್​ವರ್ಕ್ ಅಥವಾ ಏನಾದ್ರು ಸಮಸ್ಯೆಗಳಾದಾಗ ಬೇರೆ ನೆಟ್​​ವರ್ಕ್​ಗೆ ಪೋರ್ಟ್​ ಮಾಡಲು ಮುಂದಾಗುತ್ತಾರೆ. ಆದರ ಹೆಚ್ಚಿನವರಿಗೆ ಒಂದು ಸಿಮ್ ಅನ್ನು ಎಷ್ಟು ಬಾರಿ ಪೋರ್ಟ್​ ಮಾಡ್ಬಹುದು ಎಂ.ಬುದು ಗೊತ್ತೇ ಇಲ್ಲ. ಇದರ ಬಗ್ಗೆ ಟೆಲಿಕಾಂ ಕಂಪೆನಿಗಳು ಏನು ಹೇಳುತ್ತದೆ ಎಂಬುದರ ಕಂಪ್ಲೀಟ್ ಮಾಹಿತಿ ಇಲ್ಲಿದೆ.

ಕಳೆದ ವರ್ಷ ದೇಶದ ಎಂಎನ್​ಪಿ ಸಂಸ್ಥೆ ಸಿಮ್​ ಪೋರ್ಟೇಬಿಲಿಟಿ ಬಗ್ಗೆ ಹೊಸ ನಿಯಮವನ್ನು ಜಾರಿಗೆ ತಂದಿತ್ತು. ಈ ಮೂಲಕ ಬಳಕೆದಾರರು ಯಾವುದೇ ಸಮಸ್ಯೆಯಿಲ್ಲದೆ ಸುಲಭದಲ್ಲಿ ಸಿಮ್​ ಪೋರ್ಟ್​ ಮಾಡಿಕೊಳ್ಳಬಹುದಾಗಿದೆ. ಆದರೆ ಪೋರ್ಟ್​ ಮಾಡಬೇಕಾದ್ರೆ ಗಮನಿಸಬೇಕಾದ ಕೆಲವು ಮುಖ್ಯ ಅಂಶಗಳಿವೆ.

ನೀವು ಬೇರೊಂದು ಸಿಮ್​ಗೆ ಪೋರ್ಟ್​ ಮಾಡ್ಬೇಕಾದ್ರೆ ಮೊದಲು ನಿಮ್ಮ ಹಳೆಯ ಸಿಮ್​ನಲ್ಲಿ ಬಾಕಿ ಉಳಿಸಿರುವ ಎಲ್ಲಾ ಪೇಮೆಂಟ್​ಗಳನ್ನು ಕ್ಲಿಯರ್​ ಮಾಡಿರಬೇಕು. ಪೋಸ್ಟ್​ಪೇಯ್ಡ್​ ರೀಚಾರ್ಜ್​​ನಲ್ಲಿ ಉಳಿಸಿಕೊಂಡಿರುವ ಬಾಕಿ ಮೊತ್ತಗಳನ್ನು ಕ್ಲಿಯರ್ ಮಾಡ್ಬೇಕು. ಇಲ್ಲವಾದಲ್ಲಿ ಪೋರ್ಟ್ ಮಾಡಲು ಸಾಧ್ಯವಾಗುವುದಿಲ್ಲ.

ಯಾವುದೇ ನೆಟ್‌ವರ್ಕ್‌ಗೆ ಪೋರ್ಟ್ ಆಗಬೇಕಾದರೂ, ಪ್ರಸ್ತುತ ಇರುವ ನೆಟ್‌ವರ್ಕ್‌ನಲ್ಲಿ ಕನಿಷ್ಟ ಅಂದ್ರೂ 90 ದಿನ ಬಳಕೆ ಮಾಡಿರಬೇಕು. ಇಲ್ಲದಿದ್ದರೆ ನಿಮ್ಮ ಸಿಮ್​ ಅನ್ನು ಬೇರೆ ನೆಟ್​​ವರ್ಕ್​​ಗೆ ಪೋರ್ಟ್​ ಮಾಡಲು ಸಾಧ್ಯವಾಗುವುದಿಲ್ಲ.

ಮೊಬೈಲ್​ ಪೋರ್ಟ್ ಮಾಡಲಿರುವ ಟಿಪ್ಸ್: ಸಿಮ್ ಪೋರ್ಟ್‌ ಮಾಡಲು UPC ಕೋಡ್​​ ಅಗತ್ಯ. ಅದಕ್ಕಾಗಿಯೇ ಮೊದಲು ನಿಮ್ಮ ಸಿಮ್​ನ ಯುಪಿಸಿ ಕೋಡ್​ ಅನ್ನು ಜನರೇಟ್​ ಮಾಡ್ಬೇಕು. ನಂತರ ನಿಮ್ಮ ಇನ್​ಬಾಕ್ಸ್​ ಓಪನ್ ಮಾಡಿ, ಅದರಲ್ಲಿ ಕ್ಯಾಪಿಟಲ್ ಅಕ್ಷರಗಳಲ್ಲಿ PORT ಸ್ಪೇಸ್​ ಕೊಟ್ಟು ನಿಮ್ಮ ಮೊಬೈಲ್ ನಂಬರ್​ ನಮೂದಿಸಿ, 1900 ನಂಬರ್​​ಗೆ ಮೆಸೇಜ್ ಮಾಡಿ.

ನಂತರ ಯುಪಿಸಿ ಎಸ್​​ಎಮ್​ಎಸ್ ಬರುತ್ತದೆ. ಇದಾದ ಬಳಿಕ ಪೋರ್ಟ್ ಆಗ ಬಯಸುವ ಟೆಲಿಕಾಂ ಸಂಸ್ಥೆಯ ಸರ್ವೀಸ್ ಸೆಂಟರ್‌ಗೆ ಭೇಟಿ ನೀಡಿ.ನಂತರ Customer Acquisition Form (CAF) ಫಿಲ್ ಮಾಡ್ಬೇಕು ಮತ್ತು ಕೆವೈಸಿ ದಾಖಲಾತಿ ನೀಡಬೇಕು.