Smartwatch Launch: ಮಾರುಕಟ್ಟೆಗೆ ಲಗ್ಗೆಯಿಟ್ಟಿದೆ ಡಿಝೋ ಕಂಪೆನಿಯ ಹೊಸ ಸ್ಮಾರ್ಟ್​ವಾಚ್! ಫೀಚರ್ಸ್ ಹೇಗಿದೆ ಗೊತ್ತಾ?

ರಿಯಲ್​ಮಿ ಟೆಕ್​ಲೈಫ್​ನ ಮೊದಲ ಬ್ರ್ಯಾಂಡ್ ಆಗಿರುವ ಡಿಝೋ, ತನ್ನ ಹೊಸ ಸ್ಮಾರ್ಟ್ ವಾಚ್ ಡಿಝೋ ವಾಚ್ ಡಿ2 ಅನ್ನು ಬಿಡುಗಡೆ ಮಾಡಿದೆ. ಈ ಸ್ಮಾರ್ಟ್ ವಾಚ್ ಕಳೆದ ವರ್ಷ ಹೆಚ್ಚು ಮಾರಾಟವಾದ ಡಿಝೋ ವಾಚ್ ಡಿ ವಾಚ್​ನ ರೂಪಾಂತರವಾಗಿದೆ

ಈ ಸ್ಮಾರ್ಟ್‌ವಾಚ್‌ನ ಬೆಲೆಯನ್ನು 1999 ರೂಗಳಷ್ಟು ನಿಗದಿ ಮಾಡಲಾಗಿದೆ ಮತ್ತು ಇದು ಫೆಬ್ರವರಿ 10 ರಂದು ಇ-ಕಾಮರ್ಸ್ ಪ್ಲಾಟ್‌ಫಾರ್ಮ್ ಆಗಿರುವ ಫ್ಲಿಪ್‌ಕಾರ್ಟ್‌ನಲ್ಲಿ ಖರೀದಿಗೆ ಲಭ್ಯವಿರುತ್ತದೆ.

ಇನ್ನು ಈ ಸ್ಮಾರ್ಟ್​​ವಾಚ್ ಅನ್ನು ಫ್ಲಿಪ್​ಕಾರ್ಟ್​ ಆಫರ್ ಬೆಲೆಯಲ್ಲಿ ಮಾರಾಟ ಮಾಡುತ್ತಿದ್ದು, ನೀವು ಈ ಸ್ಮಾರ್ಟ್ ವಾಚ್ ಅನ್ನು ರೂ.1799 ರ ಆಕರ್ಷಕ ಬೆಲೆಯಲ್ಲಿ ಸೀಮಿತ ಅವಧಿಗೆ ಖರೀದಿಸಬಹುದು.

ಡಿಝೋ ವಾಚ್ ಡಿ2 ನಲ್ಲಿ, ನೀವು 1.91 ಇಂಚುಗಳ (4.85-cm) ದೊಡ್ಡ ಡಿಸ್​ಪ್ಲೇಯನ್ನು ನೋಡಬಹುದು. ಈ ಸ್ಮಾರ್ಟ್ ವಾಚ್ ಅನ್ನು ಅಲ್ಯೂಮಿನಿಯಂ ಮತ್ತು ಪಾಲಿಕಾರ್ಬೊನೇಟ್ ಫ್ರೇಮ್‌ನಿಂದ ಮಾಡಲಾಗಿದ್ದು ಇದರ ತೂಕ ಕೇವಲ 42 ಗ್ರಾಂ.

ಇನ್ನು ಡಿಝೋ ಕಂಪೆನಿಯ ಈ ಹೊ ಸ ಸ್ಮಾರ್ಟ್​ವಾಚ್​ನ ಬ್ಯಾಟರಿ ಫೀಚರ್ಸ್​ ಬಗ್ಗೆ ಹೇಳುವುದಾದರೆ, ಇದು 260mAh ಸಾಮರ್ಥ್ಯದ ಬ್ಯಾಟರಿಯನ್ನು ಇದರಲ್ಲಿ ನೀಡಲಾಗಿದೆ, ಇದನ್ನು ನೀವು ಯಾವುದೇ ಕರೆ ಮಾಡದೆಯೇ 7 ದಿನಗಳವರೆಗೆ ಬಳಸಬಹುದು.

ಇನ್ನು ಈ ಸ್ಮಾರ್ಟ್​​ವಾಚ್​ನಲ್ಲಿ ಒಳಬರುವ ಕರೆಗಳನ್ನು ಸ್ವೀಕರಿಸುವುದು ಮತ್ತು ನಿರಾಕರಿಸುವುದನ್ನು ಹೊರತುಪಡಿಸಿ, ಬಳಕೆದಾರರು ಈ ಸ್ಮಾರ್ಟ್ ವಾಚ್ ಮೂಲಕ ಕಾಲ್ ಅನ್ನು ಮ್ಯೂಟ್ ಮಾಡಬಹುದು.

ಇದಲ್ಲದೇ, ನೀವು ಕರೆ ನಾಟಿಫಿಕೇಶನ್​ಗಾಗಿ ಅಲಾರಾಂ, ವೈಬ್ರೇಶನ್ ಅಥವಾ ಸೈಲೆನ್ಸ್ ಮೋಡ್ ಅನ್ನು ಸಹ ಹೊಂದಿಸಬಹುದು. ಇದರಲ್ಲಿ ಕಾಲ್​ನಲ್ಲಿ ಮಾತನಾಡಲು ಬಳಕೆದಾರರಿಗೆ ಅನುಕೂಲವಾಗುವಂತೆ ನಾಯ್ಸ್ ಕ್ಯಾನ್ಸಲೇಶನ್ ಫೀಚರ್ ಅನ್ನು ಕೂಡ ನೀಡಲಾಗಿದೆ.

ಡಿಝೋ ವಾಚ್ ಡಿ2 ಸ್ಮಾರ್ಟ್‌ವಾಚ್‌ನಲ್ಲಿ, ಬಳಕೆದಾರರು ರಕ್ತದ ಆಮ್ಲಜನಕ (SpO2) ಮಾನಿಟರಿಂಗ್, ನಿದ್ರೆ ಟ್ರ್ಯಾಕಿಂಗ್ ಮತ್ತು ಹೃದಯ ಬಡಿತದ ಮೇಲ್ವಿಚಾರಣೆಯನ್ನು ಮಾಡಬಹುದು. ಇದರೊಂದಿಗೆ ಮಹಿಳೆಯರಿಗೆ ಮುಟ್ಟಿನ ಟ್ರ್ಯಾಕಿಂಗ್ ವೈಶಿಷ್ಟ್ಯವನ್ನು ಸಹ ನೀಡಲಾಗಿದೆ.