ಈಗ WhatsAppನಲ್ಲಿ ನಿಮ್ಮ ಕ್ರೆಡಿಟ್ ಸ್ಕೋರ್​ಅನ್ನು ಉಚಿತವಾಗಿ ಪರಿಶೀಲಿಸಬಹುದು!

ಹಿಂದೆಲ್ಲಾ ವಾಟ್ಸಾಪ್​ನಲ್ಲಿ ಚಾಟಿಂಗ್ ಮಾತ್ರ ಮಾಡಲಾಗುತ್ತಿತ್ತು ಆದರೆ ಈಗ ವಾಟ್ಸಾಪ್​ ಹಲವಾರು ವಿವಿಧ ಆಯಾಮಗಳಲ್ಲಿ ತನ್ನನ್ನು ತಾನು ತೆರೆದುಕೊಂಡಿದೆ. ಹಲವಾರು ಪ್ರಯೋಜನವನ್ನು ವಿದ್ಯಾರ್ಥಿಗಳಿಗೆ ನೀಡುತ್ತಿದೆ.

ಒಬ್ಬ ವ್ಯಕ್ತಿಗೆ ಸಾಲ ನೀಡುವ ಮೊದಲು, ಬ್ಯಾಂಕ್‌ಗಳು ಅವರ ಕ್ರೆಡಿಟ್ ಸ್ಕೋರ್ ಅನ್ನು ಮೊದಲು ಪರಿಶೀಲಿಸುತ್ತವೆ. ಈ ಸ್ಕೋರ್ ಗೃಹ ಮತ್ತು ವೈಯಕ್ತಿಕ ಸಾಲಗಳನ್ನು ಮತ್ತು ಬಡ್ಡಿದರಗಳಲ್ಲಿ ರಿಯಾಯಿತಿಗಳನ್ನು ಪಡೆಯಲು ಬಹಳ ಮುಖ್ಯವಾಗುತ್ತದೆ.

ಅದಕ್ಕಾಗಿಯೇ ಕಾಲಕಾಲಕ್ಕೆ ಅದನ್ನು ಪರಿಶೀಲಿಸುವುದು ಮತ್ತು ಅದನ್ನು ಹೆಚ್ಚಿಸಲು ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳುವುದು ಬಹಳ ಮುಖ್ಯವಾಗಿರುತ್ತದೆ ಅದು ಈಗ ವಾಟ್ಸಾಪ್​ನಲ್ಲೂ ಲಭ್ಯವಿದೆ.

ಆದರೆ ಈ ಅಂಶವನ್ನು ಪರಿಶೀಲಿಸುವುದು ಸಾಕಷ್ಟು ಸಮಯ ತೆಗೆದುಕೊಳ್ಳುತ್ತದೆ. ಈ ಸಮಸ್ಯೆಗೆ ಪರಿಹಾರವಾಗಿ, ಡೇಟಾ ಅನಾಲಿಟಿಕ್ಸ್ ಮತ್ತು ನಿರ್ಧಾರ ಸಂಸ್ಥೆ ಎಕ್ಸ್‌ಪೀರಿಯನ್ ಇಂಡಿಯಾ WhatsApp ನಲ್ಲಿ ಉಚಿತ ಕ್ರೆಡಿಟ್ ಸ್ಕೋರ್ ವರದಿಗಳನ್ನು ನೀಡಲು ಪ್ರಾರಂಭಿಸಿದೆ.

ಈ ಸೇವೆಯ ಮೂಲಕ, ಯಾರಾದರೂ ಸೆಕೆಂಡುಗಳಲ್ಲಿ ಕ್ರೆಡಿಟ್ ಸ್ಕೋರ್ ವರದಿಯನ್ನು ಪಡೆಯಬಹುದು. ಈಗ ಅದನ್ನು ಹೇಗೆ ಮಾಡೋದು ಎಂದು ಕಂಡುಹಿಡಿಯೋಣ. WhatsApp ಬಳಕೆದಾರರು ಮೊದಲು ತಮ್ಮ ಸಂಪರ್ಕ ಪಟ್ಟಿಯಲ್ಲಿ ಎಕ್ಸ್‌ಪೀರಿಯನ್ ಇಂಡಿಯಾ WhatsApp ಸಂಖ್ಯೆಯನ್ನು +91-9920035444 ಅನ್ನು ಸೇವ್​ ಮಾಡಬೇಕು.

ಈ ಸಂಖ್ಯೆಗೆ 'ಹಾಯ್' ಎಂದು WhatsApp ಸಂದೇಶವನ್ನು ಕಳುಹಿಸಿ. ಕ್ರೆಡಿಟ್ ಕಾರ್ಡ್ ಅಥವಾ ಸಾಲದ ಖಾತೆಯಲ್ಲಿರುವಂತೆ ನಿಮ್ಮ ಹೆಸರು, ನೋಂದಾಯಿತ ಇಮೇಲ್ ಐಡಿ, ಫೋನ್ ಸಂಖ್ಯೆಯಂತಹ ಕೆಲವು ವಿವರಗಳನ್ನು ನೀವು ಹಂಚಿಕೊಳ್ಳಬೇಕು.

ನಿಮ್ಮ ನೋಂದಾಯಿತ ಇಮೇಲ್ ಐಡಿಗೆ ಪಾಸ್‌ವರ್ಡ್ ಸೇಪ್ಟಿಯೊಂದಿಗೆ ಎಕ್ಸ್‌ಪೀರಿಯನ್ ಕ್ರೆಡಿಟ್ ವರದಿಯನ್ನು ಕೇಳಿ. ನಂತರ ನೀವು ನಿಮ್ಮ ಕ್ರೆಡಿಟ್ ವರದಿಯನ್ನು ಬೇಗ ಮತ್ತು ಸುರಕ್ಷಿತವಾಗಿ ಪಡೆಯಬಹುದು.

ಎಕ್ಸ್‌ಪೀರಿಯನ್ ಇಂಡಿಯಾ ಕ್ರೆಡಿಟ್ ಮಾಹಿತಿ ಕಂಪನಿಗಳ (ನಿಯಂತ್ರಣ) ಕಾಯಿದೆ 2005 ರ ಅಡಿಯಲ್ಲಿ ಪರವಾನಗಿ ಪಡೆದ ಭಾರತದ ಮೊದಲ ಕ್ರೆಡಿಟ್ ಬ್ಯೂರೋ ಇದಾಗಿದೆ.

WhatsApp ನಲ್ಲಿ ಭಾರತೀಯ ಗ್ರಾಹಕರ ಉಚಿತ ಕ್ರೆಡಿಟ್ ಸ್ಕೋರ್‌ಗಳನ್ನು ಒದಗಿಸಲು ಎಕ್ಸ್‌ಪೀರಿಯನ್ ಸೇವೆಯನ್ನು ಪ್ರಕಟಿಸಿದೆ. ಇಂತಹ ಸೇವೆಯನ್ನು ನೀಡುವ ಭಾರತದ ಮೊದಲ ಕ್ರೆಡಿಟ್ ಬ್ಯೂರೋ ಕಂಪನಿಯಾದ ಎಕ್ಸ್‌ಪೀರಿಯನ್ ಇಂಡಿಯಾ ಇತ್ತೀಚೆಗೆ ಹೇಳಿಕೆಯಲ್ಲಿ ತಿಳಿಸಿದೆ.