Realme Pad: ಮೊದಲ ಟ್ಯಾಬ್ಲೆಟ್​ ಪರಿಚಯಿಸಿದ ರಿಯಲ್​ಮಿ; ಕೈಗೆಟಕುವ ಬೆಲೆಯಲ್ಲಿ ನೂತನ ರಿಯಲ್​ಮಿ ಪ್ಯಾಡ್​​

ರಿಯಲ್​ಮಿ ತನ್ನ ಮೊದಲ ಟ್ಯಾಬ್ಲೆಟ್ Realme Padಅನ್ನು ಬಿಡುಗಡೆ ಮಾಡಿದೆ, ಅದರೊಂದಿಗೆ ರಿಯಲ್​ಮಿ 8ಐ ಮತ್ತು ರಿಯಲ್ಮಿ 8 ಎಸ್ ಸ್ಮಾರ್ಟ್​ಫೋನ್​ಳನ್ನು ದೇಶಿಯ ಮಾರುಕಟ್ಟೆಗೆ ಪರಿಚಯಿಸಿದೆ. ನೂತನ ಪ್ಯಾಡ್​ ಆಕರ್ಷಕವಾಗಿದ್ದು, ಕೇಗೆಟಕುವ ಬೆಲೆಯಲ್ಲಿ ಗ್ರಾಹಕರಿಗೆ ಮಾರಾಟ ಮಾಡುತ್ತಿದೆ.

ನೂತನ ರಿಯಲ್​ಮಿ ಪ್ಯಾಡ್ ಕಂಪನಿಯ ಟ್ಯಾಬ್ಲೆಟ್ ಮಾದರಿಯಲ್ಲಿ ಮೊದಲ ಕೊಡುಗೆಯಾಗಿದ್ದು, 6.9 ಮಿಮೀ ದಪ್ಪ ಮತ್ತು 440 ಗ್ರಾಂ ತೂಕದ ಸ್ಲಿಮ್ ಮತ್ತು ಲೈಟ್ ವಿನ್ಯಾಸದಲ್ಲಿ ನೂತನ ಟ್ಯಾಬ್ಲಯಟ್ ಅನ್ನು ಉತ್ಪಾದಿಸಲಾಗಿದೆ. ಇದು ಮೀಡಿಯಾ ಟೆಕ್ ಪ್ರೊಸೆಸರ್ ನಿಂದ ಚಾಲಿತವಾಗಿದೆ.

ರಿಯಲ್ಮಿ ಪ್ಯಾಡ್ ಅನ್ನು ಎರಡು ರೂಪಾಂತರಗಳಲ್ಲಿ ಬಿಡುಗಡೆ ಮಾಡಲಾಗಿದೆ. ಕೇವಲ ವೈ-ಫೈ ಮಾದರಿಯಲ್ಲಿ ಒಂದು ಮತ್ತು ವೈ-ಫೈ -4ಜಿ ಸಾಮರ್ಥ್ಯದಲ್ಲಿ ಮತ್ತೊಂದು ಮಾದರಿಯನ್ನು ಪರಿಚಯಿಸಿದೆ. ರಿಯಲ್ಮಿ ಪ್ಯಾಡ್ನ 4G + Wi -Fi ರೂಪಾಂತರವು ಎರಡು ರೂಪಾಂತರಗಳಲ್ಲಿ ಬರುತ್ತದೆ - 3GB RAM + 32GB ಸ್ಟೊರೇಜ್ ಮತ್ತು 4GB RAM + 64GB ಸ್ಟೊರೇಜ್ ಆಯ್ಕೆಯಲ್ಲಿ ಸಿಗಲಿದೆ

ಗ್ರಾಹಕರಿಗಾಗಿ ಕೈಗೆಟಕುವ ಬೆಲೆಯಲ್ಲಿ ಟ್ಯಾಬ್ಲೆಟ್​ ಮಾರಾಟ ಮಾಡುತ್ತಿದೆ. 3GB RAM + 32GB ಸ್ಟೋರೇಜ್ ವೈ-ಫೈ ರೂಪಾಂತರಕ್ಕೆ 13,999 ರೂ ಆಗಿದೆ. 4G ರೂಪಾಂತವು 3GB RAM + 32GB ಸ್ಟೋರೇಜ್ ಮಾದರಿಯಲ್ಲಿ ಸಗುತ್ತದೆ. ಇದರ ಬೆಲೆ 15,999 ರೂ ಆಗಿದೆ.  4GB RAM + 64GB ಸ್ಟೋರೇಜ್ ರೂಪಾಂತರಕ್ಕೆ  17,999 ರೂ ಆಗಿದೆ. ರಿಯಲ್​ಮಿ ಪ್ಯಾಡ್ ಸೆಪ್ಟೆಂಬರ್ 16 ರಿಂದ Realme.com ಮತ್ತು Flipkart ನಲ್ಲಿ ಮಾರಾಟವಾಗಲಿದೆ. ಎಚ್‌ಡಿಎಫ್‌ಸಿ ಬ್ಯಾಂಕ್ ಗ್ರಾಹಕರು ಎಚ್‌ಡಿಎಫ್‌ಸಿ ಬ್ಯಾಂಕ್ ಕ್ರೆಡಿಟ್ ಮತ್ತು ಡೆಬಿಟ್ ಕಾರ್ಡ್‌ಗಳನ್ನು ಬಳಸಿದರೆ 2,000 ರೂ.ಗಳವರೆಗೆ ತ್ವರಿತ ರಿಯಾಯಿತಿ ಪಡೆಯುತ್ತಾರೆ. ಇದಲ್ಲದೆ, ಐಸಿಐಸಿಐ ಬ್ಯಾಂಕ್ ಗ್ರಾಹಕರು ತಮ್ಮ ಐಸಿಐಸಿಐ ಬ್ಯಾಂಕ್ ಕ್ರೆಡಿಟ್ ಮತ್ತು ಡೆಬಿಟ್ ಕಾರ್ಡ್‌ಗಳೊಂದಿಗೆ 1,000 ರೂಪಾಯಿ ರಿಯಾಯಿತಿ ಪಡೆಯುತ್ತಾರೆ.

Realme Pad ಎರಡು ಬಣ್ಣದ ಆಯ್ಕೆಗಳಲ್ಲಿ ಬಿಡುಗಡೆ ಮಾಡಲಾಗಿದೆ - ರಿಯಲ್ ಗ್ರೇ ಮತ್ತು ರಿಯಲ್ ಗೋಲ್ಡ್. ಇದು 10.4-ಇಂಚಿನ WUXGA+ ಡಿಸ್​​ಪ್ಲೇಯೊಂದಿಗೆ 2000 × 1200 ರೆಸಲ್ಯೂಶನ್ ಮತ್ತು ಶೇ 82.5 ಸ್ಕ್ರೀನ್-ಟು-ಬಾಡಿ ಅನುಪಾತದೊಂದಿಗೆ ಬರುತ್ತದೆ. ರಿಯಲ್​ಮಿ ಪ್ಯಾಡ್ ಮೀಡಿಯಾ ಟೆಕ್ ಹೆಲಿಯೊ ಜಿ 80 ಪ್ರೊಸೆಸರ್‌ನಿಂದ ಕಾರ್ಯನಿರ್ವಹಿಸುತ್ತಿದೆ.

ರಿಯಲ್ಮಿ ಪ್ಯಾಡ್ 7,100mAh ಬ್ಯಾಟರಿಯನ್ನು ಹೊಂದಿದ್ದು, 18W ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ. ರಿಯಲ್ಮಿ ಪ್ಯಾಡ್ನ ಹಿಂದಿನ ಪ್ಯಾನೆಲ್ನಲ್ಲಿ 8 ಮೆಗಾಪಿಕ್ಸೆಲ್ ಸಿಂಗಲ್ ಕ್ಯಾಮೆರಾ ಮತ್ತು ಮುಂಭಾಗದಲ್ಲಿ 8 ಮೆಗಾಪಿಕ್ಸೆಲ್ ಕ್ಯಾಮೆರಾ ನೀಡಲಾಗಿದೆ. ಇದರ ಹೊರತಾಗಿ, ರಿಯಲ್ಮಿ ಪ್ಯಾಡ್ ರಿಯಲ್ಮಿ ಸ್ಮಾರ್ಟ್ ಕನೆಕ್ಟ್ ಬೆಂಬಲದಂತಹ ಹಲವಾರು ವೈಶಿಷ್ಟ್ಯಗಳೊಂದಿಗೆ ಬರುತ್ತದೆ, ಇದು ಬಳಕೆದಾರರಿಗೆ ತಮ್ಮ ಐಒಟಿ ಉತ್ಪನ್ನಗಳು, ರೀಡಿಂಗ್ ಮೋಡ್ ಮತ್ತು ಹೆಚ್ಚಿನವುಗಳೊಂದಿಗೆ ಟ್ಯಾಬ್ಲೆಟ್ ಅನ್ನು ಸಂಪರ್ಕಿಸಲು ಅನುವು ಮಾಡಿಕೊಡುತ್ತದೆ.