Cyber Spy: ಸ್ಮಾರ್ಟ್​​ಫೋನ್ ಹ್ಯಾಕ್​​ ಆಗಿದ್ಯಾ, ಇಲ್ಲವೋ ಎಂಬ ಡೌಟಾ? ಈ ಟಿಪ್ಸ್ ಮೂಲಕ ಕ್ಲಿಯರ್ ಮಾಡ್ಕೊಳ್ಳಿ

ಇಂದಿನ ದಿನಗಳಲ್ಲಿ ಸ್ಮಾರ್ಟ್‌ಫೋನ್ ಇಲ್ಲದೆ ಹೆಚ್ಚಿನ ಕೆಲಸಗಳನ್ನು ಮಾಡಲು ಸಾಧ್ಯವಿಲ್ಲ. ಈ ಸಾಧನಗಳಿಂದ ಯಾವುದೇ ಕೆಲಸವನ್ನೂ ಕ್ಷಣಮಾತ್ರದಲ್ಲಿ ಮಾಡಿಮುಗಿಸಬಹುದಾಗಿದೆ. ಆದರೆ ಡಿಜಿಟಲ್ ಯುಗದಲ್ಲಿ ಡೇಟಾ ಗೌಪ್ಯತೆಯ ಪ್ರಶ್ನೆಯೂ ಇದೀಗ ಎದುರಾಗಿದೆ. ಸೈಬರ್​ ಕ್ರೈಮ್​ ವಂಚನೆಗಳು ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿವೆ. ಇದೇ ಕಾರಣಕಲ್ಕೆ ಕೆಲವೊಮ್ಮೆ ನಿಮ್ಮ ಸ್ಮಾರ್ಟ್​ಫೋನ್​ಗಳು ಸರಿಯಾಗಿ ಕಾರ್ಯನಿರ್ವಹಿಸುವುದಿಲ್ಲ, ಮತ್ತು ಅಪ್ಲಿಕೇಶನ್​ಗಳು ಆಟೋಮ್ಯಾಟಿಕ್​ ಆಗಿ ಡೌನ್ ಲೋಡ್ ಆಗುತ್ತಿರುತ್ತದೆ. ಈ ಸಂದರ್ಭಲ್ಲಿ ನಿಮ್ಮ ಸ್ಮಾರ್ಟ್​​ಫೋನ್​ ಅನ್ನು ಸರಿಯಾಗಿ ಚೆಕ್ ಮಾಡುವುದು ಉತ್ತಮ.

ಅಗತ್ಯವಿಲ್ಲದ ಅಪ್ಲಿಕೇಶನ್‌ಗಳು: ಬಳಕೆದಾರರು ಫೋನ್‌ನಲ್ಲಿ ಅಗತ್ಯವಿರುವ ಅಪ್ಲಿಕೇಶನ್‌ಗಳನ್ನು ಮಾತ್ರ ಡೌನ್‌ಲೋಡ್ ಮಾಡುತ್ತಾರೆ. ಆದರೆ ಕೆಲವೊಮ್ಮೆ ಫೋನ್‌ನಲ್ಲಿ ಅಪರಿಚಿತ ಅಪ್ಲಿಕೇಶನ್‌ಗಳು ಸಹ ಕಾಣಿಸಿಕೊಳ್ಳುತ್ತವೆ. ಇದು ಆಟೋಮ್ಯಾಟಿಕ್ ಆಗಿ ಡೌನ್​​ಲೋಡ್​ ಆಗಿರುತ್ತದೆ. ಬಳಕೆದಾರರು ಡೌನ್‌ಲೋಡ್ ಮಾಡದ ಫೋನ್‌ನಲ್ಲಿ ಅಂತಹ ಅನಧಿಕೃತ ಅಪ್ಲಿಕೇಶನ್‌ಗಳಿದ್ದರೆ, ಅದನ್ನು ಅನುಮಾನಿಸಬೇಕು. ಸೈಬರ್ ಅಪರಾಧಿಗಳು ಸಾಧನದಲ್ಲಿ ಮಾಲ್‌ವೇರ್ ಅನ್ನು ಸ್ಥಾಪಿಸಲು ಮತ್ತು ಮಾಹಿತಿಯನ್ನು ಕದಿಯಲು ಈ ರೀತಿಯ ಅಪ್ಲಿಕೇಶನ್‌ಗಳನ್ನು ಬಳಸಬಹುದು.

ಬ್ಯಾಟರಿ ಸಾಮರ್ಥ್ಯ: ಫೋನ್ ಹಿಂದಿನದಕ್ಕಿಂತ ವೇಗವಾಗಿ ಚಾರ್ಜ್ ಆಗುತ್ತಿದೆ ಎಂದು ನೀವು ಭಾವಿಸಿದರೆ ಖಂಡಿತವಾಗಿಯೂ ಅನುಮಾನಾಸ್ಪದವಾಗಿರಬಹುದು. ಇದು ಸೈಬರ್​ ದಾಳಿಯಿಂದ ಕೆಲವೊಮ್ಮೆ ಸಂಭವಿಸುತ್ತದೆ. ಫೋನ್ ಬಳಸುವಾಗ ಸರಿಯಾಗಿ ಬ್ಯಾಟರಿ ಬಾಳಿಕೆ ನೀಡದಿದ್ದರೆ ಅದು ಸೈಬರ್ ಬೆದರಿಕೆಯ ಸಂಕೇತವಾಗಿದೆ. ಆದ್ದರಿಂದ ಫೋನ್‌ನ ಬ್ಯಾಟರಿ ಬ್ಯಾಕಪ್ ಸಾಮರ್ಥ್ಯವನ್ನು ಆಗಾಗ ಚೆಕ್ ಮಾಡುತ್ತಿರಬೇಕು.

ಸ್ಮಾರ್ಟ್​​ಫೋನ್​ ಸ್ಲೋ: ಯಾರಾದರೂ ನಿಮ್ಮ ಫೋನ್ ಹ್ಯಾಕ್ ಮಾಡಿದರೆ, ಡಿವೈಸ್ ನ ಕಾರ್ಯಕ್ಷಮತೆ ಹಾಳಾಗುತ್ತದೆ. ಇದರಿಂದ ಕೆಲವೊಮ್ಮೆ ಸ್ಮಾರ್ಟ್​ಫೋನ್​ಗಳು ಹ್ಯಾಂಗ್​ ಆಗಲು ಪ್ರಾರಂಭವಾಗುತ್ತದೆ. ಈ ಸಂದರ್ಭದಲ್ಲಿ ನೀವು ಸ್ಮಾರ್ಟ್​ಫೋನ್ ಏಕೆ ಹ್ಯಾಂಗ್ ಆಗುತ್ತಿದೆ ಎಂದು ಚೆಕ್ ಮಾಡ್ಬೇಕು ಅಥವಾ ಸರ್ವೀಸ್​ ಸೆಂಟರ್​ಗೆ ನೀಡ್ಬೇಕು.

ಡೇಟಾ ಖಾಲಿಯಾಗುತ್ತಿದೆ: ಇನ್ನು ದೈನಂದಿನ ಮೊಬೈಲ್ ಡೇಟಾವು ವೇಗವಾಗಿ ಖಾಲಿಯಾಗುತ್ತಿದೆ ಎಂದರೂ ಮೊಬೈಲ್​ ಹ್ಯಾಕ್ ಆಗಿರಬಹುದು ಎಂದು ಸಂದೇಹ ಪಡಬಹುದು. ಏಕೆಂದರೆ ಸ್ಮಾರ್ಟ್​ಫೋನ್​ನಲ್ಲಿ ಕೆಲವೊಮ್ಮೆ ಇಂಟರ್ನೆಟ್ ಬಳಸೋದೆ ಇಲ್ಲ. ಆದರೂ ಈ ಸಂದರ್ಭದಲ್ಲಿ ಕೆಲವೊಮ್ಮೆ ತನ್ನಷ್ಟಕ್ಕೆ ಇಂಟರ್ನೆಟ್​ ಮುಗಿಯುತ್ತದೆ. ಇದನ್ನು ಸರಿಯಾಗಿ ಚೆಕ್ ಮಾಡಬಹುದು. ಏಕೆಂದರೆ ಹ್ಯಾಕರ್ಸ್​ಗಳು ನಮ್ಮ ಡೇಟಾವನ್ನು ಬಳಸುತ್ತಿರಬಹುದು. ಇದಕ್ಕಾಗಿ ನೀವು ಮೊಬೈಲ್​ನಲ್ಲಿ ಡೇಟಾ ಸೆಟ್ಟಿಂಗ್ಸ್​ಗೆ ಹೋಗಿ ಚೆಕ್ ಮಾಡಬಹುದು.

ಸ್ಮಾರ್ಟ್​​ಫೋನ್ ಹೀಟ್​: ಸ್ಮಾರ್ಟ್ ಫೋನ್ ಅನ್ನು ಅತಿಯಾಗಿ ಬಳಸಿದಾಗ ಬಿಸಿಯಾಗೋದು ಸಾಮಾನ್ಯ. ಆದರೆ ಕೆಲವೊಮ್ಮೆ ಸ್ವಲ್ಪ ಬಳಸಿದ್ರೂ ಸ್ಮಾರ್ಟ್​ಫೋನ್​ಗಳು ಬಿಸಿಯಾಗುತ್ತದೆ. ಇದು ಮಾಲ್ವೇರ್ ಹಿನ್ನೆಲೆಯಲ್ಲಿ ಚಾಲನೆಯಲ್ಲಿರುವ ಕಾರಣ ಫೋನ್ ಬಳಕೆಯಲ್ಲಿಲ್ಲದಿದ್ದರೂ ಸಹ ಬಿಸಿಯಾಗುವ ಸೂಚನೆಗಳಾಗಿದೆ. ಆದ್ದರಿಂದ ಸ್ಮಾರ್ಟ್​​ಫೋನ್​ ಬಿಸಿಯಾದಾಗ ಸುಮ್ಮನಿರುವುದು ಬಿಟ್ಟು ತಕ್ಷಣ ಚೆಕ್ ಮಾಡುವುದು ಉತ್ತಮ.

ಬ್ರೌಸರ್ ಹಿಸ್ಟರಿ: ನಿಮ್ಮ ಫೋನ್‌ನ ಬ್ರೌಸರ್ ಹಿಸ್ಟರಿಯನ್ನು ಆಗಾಗ ಚೆಕ್ ಮಾಡುತ್ತಿರಬೇಕು. ನೀವು ಹುಡುಕದ ವಿಷಯಗಳನ್ನು ಇದರಲ್ಲಿ ಕೆಲವೊಮ್ಮೆ ಇರಬಹುದು. ವಿಶೇಷವಾಗಿ ಫೋನ್ ಸ್ಪೈವೇರ್ ಡೌನ್‌ಲೋಡ್‌ಗಳ ಇತಿಹಾಸವನ್ನು ಹೊಂದಿದ್ದರೆ? ಆ ವೇಳೆ ಪರಿಶೀಲಿಸಿ. ಏಕೆಂದರೆ ಬ್ರೌಸರ್ ಮೂಲಕ ಫೋನ್‌ನಲ್ಲಿ ಮಾಲ್‌ವೇರ್ ಅನ್ನು ಸ್ಥಾಪಿಸುವ ಸಂದರ್ಭಗಳು ಹೆಚ್ಚಿವೆ.

ಸ್ವಿಚ್ ಆಫ್/ರೀಸ್ಟಾರ್ಟ್ ಸಮಸ್ಯೆಗಳು: ಫೋನ್ ಸ್ವಿಚ್ ಆಫ್ ಮತ್ತು ರೀಸ್ಟಾರ್ಟ್ ಮಾಡುವಾಗ ಸಮಸ್ಯೆಗಳು ಉಂಟಾದರೆ ಬಳಕೆದಾರರು ಈ ಸಮಸ್ಯೆಯ ಬಗ್ಗೆ ತಿಳಿದುಕೊಳ್ಳಬೇಕು. ಹ್ಯಾಕರ್​​ಗಳು ಸ್ಥಾಪಿಸಿದ ಅಪ್ಲಿಕೇಶನ್‌ಗಳು ಕಾರ್ಯನಿರ್ವಹಿಸಲು ಸಾಧನವು ಯಾವಾಗಲೂ ಆನ್ ಆಗಿರುವುದನ್ನು ಸೈಬರ್ ಅಪರಾಧಿಗಳು ಈ ರೀತಿಯ ಸೆಟ್ಟಿಂಗ್ ಮಾಡಿಕೊಳ್ಳುತ್ತಾರೆ. ಅದಕ್ಕಾಗಿ ನಿಮ್ಮ ಮೊಬೈಲ್​ ಸ್ವಿಚ್ಆಫ್ ಅಥವಾ ರೀಸ್ಟಾರ್ಟ್ ಆಗವುದಿಲ್ಲ.

ಎಚ್ಚರಿಕೆ: ಯಾರೇ ಆಗಲಿ ಮೊಬೈಲ್​ ಬಳಸುವಾಗ ಮೊಬೈಲ್​ನಲ್ಲಿ ಬಂದ ಲಿಂಕ್​ಗಳನ್ನು ಸರಿಯಾಗಿ ಚೆಕ್ ಮಾಡದೆ ಕ್ಲಿಕ್ ಮಾಡಬಾರು. ತಮ್ಮ ಪರ್ಸನಲ್​ ಪಾಸ್​ವರ್ಡ್​, ಯಾವುದೇ ವಿಷಯಗಳನ್ನು ಇನ್ನೊಬ್ಬರೊಂದಿಗೆ ಶೇರ್ ಮಾಡಿಕೊಳ್ಳಬಾರದು.ಇನ್ನು ಆಗಾಗ ಫೋನ್ ಅನ್ನು ಅಪ್ಡೇಟ್ ಮಾಡುತ್ತಿರಬೇಕು ಮತ್ತು ಚೆಕ್ ಮಾಡುತ್ತಿರಬೇಕು.