WhatsApp: ಆನ್​​ಲೈನ್​ ಸ್ಟೇಟಸ್​​ ಬೇರೆಯವ್ರಿಗೆ ಕಾಣ್ಬಾರ್ದಾ? ತಕ್ಷಣ ಈ ಟ್ರಿಕ್ಸ್ ಬಳಸಿ

ವೇಗದ ಮೆಸೇಜ್​ ಕಳುಹಿಸುವ ಅಪ್ಲಿಕೇಶನ್ ವಾಟ್ಸಾಪ್​ ಕಳೆದ ವರ್ಷ ಬಳಕೆದಾರರಿಗೆ ಹಲವು ವೈಶಿಷ್ಟ್ಯಗಳನ್ನು ಬಿಡುಗಡೆ ಮಾಡಿದೆ. ಇದಲ್ಲದೆ ಆಗಲೇ 2023ರಲ್ಲಿ ಇನ್ನೂ ಕೆಲವು ಅಪ್ಡೇಟ್ಸ್​ಗಳು ಬರಲಿವೆ ಎಂದು ವರದಿಯಾಗಿತ್ತು. ಇದುವರೆಗೆ ವಾಟ್ಸಾಪ್​ ನೀಡಿದಂತಹ ಎಲ್ಲಾ ಫೀಚರ್ಸ್​ಗಳು ಬಳಕೆದಾರರಿಗೆ ಬಹಳಷ್ಟು ಪ್ರಯೋಜನವನ್ನು ನೀಡಿದೆ. ಇದೀಗ ವಾಟ್ಸಾಪ್​​ನಲ್ಲಿ ಮತ್ತೊಂದು ಫೀಚರ್ಸ್​ ಬಿಡುಗಡೆಯಾಗಿದೆ.

ಇದೀಗ ವಾಟ್ಸಾಪ್​  ಹೊಸ ಅಪ್ಡೇಟ್ಸ್​ ಅನ್ನು ಪರಿಚಯಿಸಿದೆ. ಇದು ಬಳಕೆದಾರರ ಆನ್​ಲೈನ್ ಅನ್ನು ತೋರಿಸುವ ಸ್ಟೇಟಸ್​ ಅನ್ನು ಹೈಡ್​ ಮಾಡುವಂತಹ ಅಪ್ಡೇಟ್​​ ಆಗಿದೆ. ಈ ಫೀಚರ್ಸ್​ ಹೆಚ್ಚಾಗಿ ಬಳಕೆದಾರರ ಸೆಕ್ಯುರಿಟಿಗಾಗಿ ಉತ್ತಮವಾಗಿದೆ.. ಇನ್ನು ಈ ಫೀಚರ್​ ಈಗ ಐಓಎಸ್​ ಮತ್ತು ಆಂಡ್ರಾಯ್ಡ್​ ಎರಡರಲ್ಲೂ ಬಳಕೆಮಾಡಬಹುದಾಗಿದೆ. ಹಾಗಿದ್ರೆ ಇದನ್ನು ಹೇಗೆ ಬಳಸೋದು ಎಂಬುದನ್ನು ಈ ಲೇಖನದಲ್ಲಿ ತಿಳಿಯೋಣ.

ವಾಟ್ಸಾಪ್​ ಆನ್‌ಲೈನ್ ಸ್ಥಿತಿ ಹೈಡ್​: ಈ ಫೀಚರ್ಸ್​ ಮೂಲಕ ಬಳಕೆದಾರರು ತಮ್ಮ ಆನ್‌ಲೈನ್ ಸ್ಥಿತಿಯನ್ನು ವಾಟ್ಸಾಪ್​​ನಲ್ಲಿ ಹೈಡ್​ ಮಾಡಬಹುದಾಗಿದೆ. ನೀವು ಆನ್‌ಲೈನ್‌ನಲ್ಲಿದ್ದೀರಿ ಎಂದು ಯಾರಿಗೂ ತಿಳಿಯಬಾರದು ಎಂದು ನೀವು ಬಯಸಿದರೆ, ಈ ಫೀಚರ್ಸ್​​ ಮೂಲಕ ನಿಮ್ಮ ವಾಟ್ಸಪ್​ ಆನ್​ಲೈನ್ ಅನ್ನು ಹೈಡ್ ಮಾಡಬಹುದು. ಈ ಆಯ್ಕೆಯನ್ನು ಯಾವುದೇ ಸಮಯದಲ್ಲಿ ಬೇಕಾದರು ಸುಲಭವಾಗಿ ಸಕ್ರಿಯಗೊಳಿಸಬಹುದು ಅಥವಾ ಮತ್ತೆ ಅದೇ ಸ್ಥಿತಿಗೆ ತರಬಹುದು.

ಹೈಡ್​ ಮಾಡುವುದು ಹೇಗೆ?: ಮೊದಲು ಬಳಕೆದಾರರು ಸ್ಮಾರ್ಟ್‌ಫೋನ್‌ನಲ್ಲಿ ವಾಟ್ಸಾಪ್​ ಅನ್ನು ಓಪನ್ ಮಾಡ್ಬೇಕು. ಅದರ ನಂತರ ವಾಟ್ಸಾಪ್​​ನಲ್ಲಿ ಸೆಟ್ಟಿಂಗ್ಸ್ ಟ್ಯಾಬ್ ಅನ್ನು ಕ್ಲಿಕ್ ಮಾಡಿ. ನಂತರ ಪ್ರೈವಸಿಯನ್ನು ಕ್ಲಿಕ್​ ಮಾಡಿದ್ರೆ, ಅದರಲ್ಲಿ ಆನ್‌ಲೈನ್ ಸ್ಥಿತಿ ಆಯ್ಕೆಯನ್ನು ಸೆಲೆಕ್ಟ್​ ಮಾಡಿ. ಇದಾದ ನಂತರ ನಿಮಗೆ ಅಲ್ಲಿ ಪ್ರತಿಯೊಬ್ಬರೂ, ಮೈ ಕಾಂಟ್ಯಾಕ್ಟ್​​,  ಈ ರೀತಿಯ ಹಲವು ಆಯ್ಕೆಗಳಿರುತ್ತದೆ. ಈ ಮೂಳಕ ನಿಮಗೆ ಬೇಕಾದ ಆಯ್ಕೆಯನ್ನು ಸೆಲೆಕ್ಟ್ ಮಾಡಬಹುದಾಗಿದೆ.

ಈ ಆಯ್ಕೆಗಳಲ್ಲಿ ನೋ ಬಡಿ ಎಂಬ ಆಯ್ಕೆಯನ್ನು ಸೆಲೆಕ್ಟ್​ ಮಾಡಿದ್ರೆ,ವಾಟ್ಸಾಪ್​ನ ಆನ್‌ಲೈನ್ ಸ್ಟೇಟಸ್ ಯಾರಿಗೂ ಕಾಣಿಸುವುದಿಲ್ಲ. ಅದೇ ರೀತಿ ಮೈ ಕಾಂಟ್ಯಾಕ್ಟ್ಸ್ ಎಕ್ಸೆಪ್ಟ್ ಆಯ್ಕೆಯನ್ನು ಆಯ್ಕೆ ಮಾಡಿದರೆ ನಿಮಗೆ ಅಲ್ಲಿ ಬೇಕಾದ ಕಾಂಟ್ಯಾಕ್ಟ್​ಗಳನ್ನು ಮಾತ್ರ ಸೆಲೆಕ್ಟ್​ ಮಾಡಿ ಹೈಡ್​ ಮಾಡಬಹುದಾಗಿದೆ.

ಇದುವರೆಗೆ ವಾಟ್ಸಾಪ್​ನಲ್ಲಿ ಯಾವುದೇ ರೀತಿಯಲ್ಲಿ ಕಾಂಟ್ಯಾಕ್ಟ್​​ಗಳನ್ನು ಸೇವ್​ ಮಾಡದೇ ಮೆಸೇಜ್​ ಮಾಡಲು ಅವಕಾಶವಿರಲಿಲ್ಲ. ಆದರೆ ಇನ್ಮುಂದೆ ವಾಟ್ಸಾಪ್​ನಲ್ಲಿ ಆ್ಯಡ್​ ಮಾಡದಿದ್ರೂ ಮೆಸೇಜ್ ಮಾಡಬಹುದಾಗಿದೆ. ಆದರೆ ಇದಕ್ಕೆ ಇತ್ತೀಚಗೆ ಬಂದಂತಹ ಮೆಸೇಜ್​ ಯುವರ್​​ಸೆಲ್ಫ್ ಅಪ್ಡೇಟ್​​ನ ಅಗತ್ಯವಿದೆ.

ಮೊದಲಿಗೆ, ವಾಟ್ಸಾಪ್​ನಲ್ಲಿ ಮೆಸೇಜ್​ ಯುವರ್​​ಸೆಲ್ಫ್​ ಆಯ್ಕೆಯ ಮೂಲಕ ನೀವು ಮೆಸೇಜ್​ ಕಳುಹಿಸಲು ಬಯಸುವ ಸಂಖ್ಯೆಯನ್ನು ನೀವು ಕಳುಹಿಸಬೇಕು. ಈಗ ಕಳುಹಿಸಿದ ಫೋನ್ ಸಂಖ್ಯೆ ನಿಮಗೆ ನೀಲಿ ಬಣ್ಣದಲ್ಲಿ ಕಾಣಿಸುತ್ತದೆ.

ನೀವು ಸ್ವಲ್ಪ ಸಮಯದ ನಂತರ ಆ ಸಂಖ್ಯೆಯನ್ನು ಟ್ಯಾಪ್ ಮಾಡಿದಾಗ, ನೀವು ಮೂರು ಆಯ್ಕೆಗಳನ್ನು ಕಾಣಬಹುದು. ಅವುಗಳೆಂದರೆ ಚಾಟ್ , ವಾಟ್ಸಾಪ್ ಕಾಲ್​ ಮತ್ತು ಕಾಂಟ್ಯಾಕ್ಟ್​ ಸೇವ್​ ಎಂಬ ಆಯ್ಕೆಯಿರುತ್ತದೆ. ಆ ಆಯ್ಕೆಗಳಲ್ಲಿ ಚಾಟ್ ಎಂಬ ಆಯ್ಕೆಯ ಮೇಲೆ ಕ್ಲಿಕ್ ಮಾಡಬೇಕು. ಹೊಸ ಚಾಟ್ ವಿಂಡೋ ತೆರೆಯುತ್ತದೆ. ಈ ವಿಂಡೋದಿಂದ ನೀವು ಸುಲಭವಾಗಿ ಆ್ಯಡ್ ಮಾಡದೆಯೇ ಮೆಸೇಜ್​ ಅನ್ನು ಮಾಡಬಹುದು.