ಆ್ಯಂಡ್ರಾಯ್ಡ್ ಬಳಕೆದಾರರೆ ಎಚ್ಚರ! ನಿಮ್ಮ ಫೋನ್​ ಕ್ಯಾಮೆರಾವನ್ನೇ ಬಳಸಿ ನಿಮ್ಮ ಖಾಸಗಿತನ ಕದಿಯುತ್ತಿದ್ದಾರೆ ಹುಷಾರ್​!

ತಂತ್ರಜ್ಞಾನ ಬೆಳೆದಂತೆ ಹ್ಯಾಕರ್ಸ್​​​ಗಳ ಹಾವಳಿ ಹೆಚ್ಚಾಗುತ್ತಿದೆ. ಇತ್ತೀಚೆಗೆ ವಾಟ್ಸ್ಆ್ಯಪ್​ನಲ್ಲಿ ಮಾಲ್​ವೇರ್​ಗಳು ಪತ್ತೆಯಾಗಿದ್ದವು. ಇದೀಗ ಆ್ಯಂಡ್ರಾಯ್ಡ್ ಸ್ಮಾರ್ಟ್​ಫೋನಿನ ಕ್ಯಾಮೆರಾದಲ್ಲಿ ಬಗ್ ಕಾಣಿಸಿಕೊಂಡಿದೆ.

ಗೂಗಲ್ ಪ್ರತಿ ಬಾರಿ ಆ್ಯಂಡ್ರಾಯ್ಡ್ ಆಪರೇಟಿಂಗ್ ಸಿಸ್ಟಂ ಅನ್ನು ಅಪ್ಡೇಡ್ ಮಾಡುತ್ತಿರುತ್ತದೆ. ಆದರೂ ಹ್ಯಾಕರ್ಸ್​ಗಳು ಕಳ್ಳ ದಾರಿಯನ್ನು ಹುಡುಕಿಕೊಂಡು ಬಳಕೆದಾರರ ಮಾಹಿತಿಯನ್ನು ಕದಿಯಲು ಹೊಂಚು ಹಾಕುತ್ತಿರುತ್ತಾರೆ.

ಸೈಬರ್ ಸೆಕ್ಯೂರಿಟಿ ಸಂಸ್ಥೆ ಚೆಕ್​ಮಾರ್ಕ್​ ನೀಡಿರುವ ಮಾಹಿತಿಗಳ ಪ್ರಕಾರ ಆ್ಯಂಡ್ರಾಯ್ಡ್ ಸ್ಯಾಮ್​​ಸಂಗ್ ಫೋನಿ ಕ್ಯಾಮೆರಾದಲ್ಲಿ ಮತ್ತು ಗೂಗಲ್​ ಕ್ಯಾಮೆರಾ ಆ್ಯಪ್​ನಲ್ಲಿ ಬಗ್ ಕಾಣಿಸಿಕೊಂಡಿದೆ.

ಈ ಬಗ್ಗೆ ಎಚ್ಚರಿಕೆ ನೀಡಿರುವ ಚೆಕ್​ಮಾರ್ಕ್​ ಸಂಸ್ಥೆ ಸ್ಯಾಮ್​​ಸಂಗ್​ ಫೋನ್​ ಬಳಕೆದಾರರು ಫೋಟೋ ಕ್ಲಿಕ್ಕಿಸಿದರೆ, ವಿಡಿಯೋ ಚಿತ್ರಿಕರಿಸಿದಂತೆ ಲೊಕೇಶನ್ ಮೂಲಕ ಬಳಕೆದಾರರ ಮಾಹಿತಿ ಲೀಕ್ ಆಗುತ್ತದೆ ಎಂದು ಹೇಳಿದೆ.

ಇನ್ನು ಗೂಗಲ್ ಪ್ಲೇ ಸ್ಟೋರ್​​ನಲ್ಲಿ ನಕಲಿ ಆ್ಯಪ್​ಗಳು ಮತ್ತು ಮಾಲ್ವೇರ್ ಗಳು ಆಗ್ಗಾಗೆ ಪತ್ತೆಯಾಗುತ್ತಲೇ ಇರುತ್ತದೆ. ಈ ಆ್ಯಪ್​​ಗಳನ್ನು ಬಳಕೆದಾರ ತನ್ನ ಸ್ಮಾರ್ಟ್​ಫೋನಿನಲ್ಲಿ ಬಳಸಿಕೊಂಡತೆ ಅದರಲ್ಲಿರುವ ಖಾಸಗಿ ಮಾಹಿತಿಯನ್ನು ಕದಿಯುತ್ತದೆ.

ಹ್ಯಾಕರರ್ಸ್​ಗಳು ಬಳಕೆದಾರರ ಮಾಹಿತಿಯನ್ನು ಎಗರಿಸಲು ಒಂದಲ್ಲಾ ಒಂದು ಕಳ್ಳದಾರಿಯನ್ನು ಹುಡುಕುತ್ತಿರುತ್ತಾರೆ. ನಕಲಿ ಆ್ಯಪ್​​ಗಳ ಮೂಲಕ ಅಥವಾ ಸಂದೇಶಗಳ ಲಿಂಕ್ ಅಳವಡಿಸಿಕೊಂಡು, ಜಾಹೀರಾತುಗಳ ಮೂಲಕ ಖಾಸಗಿ ಮಾಹಿತಿಯನ್ನು ಕದಿಯುತ್ತಾರೆ.

ಆದರೀಗ ಹ್ಯಾಕರ್ಸ್​​ಗಳು ಫೋನಿನ ಕ್ಯಾಮೆರಾದ ಮೂಲಕ ಬಳಕೆದಾರನ ಚಟುವಟಿಕೆಯನ್ನುಗಮನಿಸುತ್ತಿದೆ. ಹಾಗಾಗಿ ಆ್ಯಂಡ್ರಾಯ್ಡ್ ಬಳಕೆದಾರರು ಆ್ಯಪ್​​ಗಳನ್ನು ಡೌನ್ಲೋಡ್ ಮಾಡುವು ಮುನ್ನ, ಸಂದೇಶಗಳು ಬಂದಾಗ ಸರಿಯಾಗಿ ಪರಶೀಲಿಸುವುದು ಒಳಿತು.