Realme Offer: ರಿಯಲ್​ಮಿ ಕಂಪೆನಿಯ ಈ ಸ್ಮಾರ್ಟ್​​ಫೋನ್​ ಅನ್ನು ಕೇವಲ 999 ರೂಪಾಯಿಗೆ ಖರೀದಿಸಿ! ಬಂಪರ್ ಆಫರ್

ಇತ್ತೀಚೆಗೆ ರಿಯಲ್​ಮಿ ಇಂಡಿಯಾದಿಂದ 10 ಸೀರಿಸ್​ನಲ್ಲಿ ಮತ್ತೊಂದು ಸ್ಮಾರ್ಟ್‌ಫೋನ್ ಬಿಡುಗಡೆಯಾಗಿದೆ ಎಂದು ತಿಳಿದಿದೆ. ರಿಯಲ್​ಮಿ 10 ಸೀರಿಸ್​ನಲ್ಲಿ ತನ್ನ ಎರಡು ಮೊಬೈಲ್‌ಗಳನ್ನು ಒಂದು ತಿಂಗಳ ಹಿಂದೆ ಬಿಡುಗಡೆ ಮಾಡಲಾಗಿದೆ.ರಿಯಲ್​ಮಿ 10 ಪ್ರೋ, ರಿಯಲ್​ಮಿ 10 ಪ್ರೋ ಪ್ಲಸ್​ ಎಂಬ ಸ್ಮಾರ್ಟ್​ಫೋನ್​ಗಳು ಬಿಡುಗಡೆಯಾಗಿದೆ. ಈ ಎರಡು 5ಜಿ ಸ್ಮಾರ್ಟ್‌ಫೋನ್‌ಗಳು ಎಂಬುದು ಗಮನಾರ್ಹ.

ಇತ್ತೀಚೆಗೆ ಕಂಪೆನಿ ರಿಯಲ್​ಮಿ 10 4ಜಿ ಎಂಬ ಮೊಬೈಲ್ ಅನ್ನು ಅದೇ ಸರಣಿಯಲ್ಲಿ ಬಿಡುಗಡೆ ಮಾಡಲಾಗಿದೆ. ಈ ಸ್ಮಾರ್ಟ್​​ಫೋನ್ ರೂ. 15,000ಕ್ಕಿಂತ ಕಡಿಮೆ ಬಜೆಟ್ ನಲ್ಲಿ ಬಿಡುಗಡೆಯಾಗಿದೆ. ಇದು 4ಜಿ ಮೊಬೈಲ್ ಆಗಿದೆ. ಈ ಸ್ಮಾರ್ಟ್​​ಫೋನ್​ ಎರಡು ರೂಪಾಂತರಗಳಲ್ಲಿ ಬಿಡುಗಡೆಯಾಗಿದೆ. ಇದರ ಆರಂಭಿಕ ಬೆಲೆ ರೂ.13,999 ಆಗಿದೆ. ಇದು ಅಮೋಲ್ಡ್​ ಡಿಸ್ಪ್ಲೇ, 50ಎಮ್​ಪಿ ಎಐ ಕ್ಯಾಮೆರಾ ಸೆಟಪ್, RAM ವಿಸ್ತರಣೆ ವೈಶಿಷ್ಟ್ಯ, ಮೀಡಿಯಾಟೆಕ್​ ಹೆಲಿಯೋ ಜಿ99 ಪ್ರೊಸೆಸರ್, 5,000mAh ಬ್ಯಾಟರಿಯಂತಹ ವೈಶಿಷ್ಟ್ಯಗಳನ್ನು ಹೊಂದಿದೆ.

ರಿಯಲ್​ಮಿ 10 4ಜಿ ಸ್ಮಾರ್ಟ್‌ಫೋನ್ ಎರಡು ರೂಪಾಂತರಗಳಲ್ಲಿ ಲಭ್ಯವಿದೆ. 4ಜಿಬಿ ರ್‍ಯಾಮ್ + 64ಜಿ ಸ್ಟೋರೇಜ್ ರೂಪಾಂತರದ ಬೆಲೆ ರೂ 13,999 ಆಗಿದ್ದರೆ, 8ಜಿಬಿ ರ್‍ಯಾಮ್ + 128jಇಬಿ ಸ್ಟೋರೇಜ್ ರೂಪಾಂತರದ ಬೆಲೆ ರೂ 16,999 ಆಗಿದೆ. 

ಐಸಿಐಸಿಐ ಬ್ಯಾಂಕ್ ಕ್ರೆಡಿಟ್ ಕಾರ್ಡ್ ಅಥವಾ ಡೆಬಿಟ್ ಕಾರ್ಡ್‌ನೊಂದಿಗೆ ಖರೀದಿಸಿದರೆ ರೂ.1,000 ತ್ವರಿತ ರಿಯಾಯಿತಿಯನ್ನು ಪಡೆಯಬಹುದಾಗಿದೆ. ಇದೀಗ ಈ ಸ್ಮಾರ್ಟ್​​ಫೋನ್​​ ಫ್ಲಿಪ್‌ಕಾರ್ಟ್‌ನಲ್ಲಿ ಮಾರಾಟ ಆರಂಭಿಸಿದೆ. ಇನ್ನು ಇದು ರಶ್ ಬ್ಲ್ಯಾಕ್ ಮತ್ತು ಕ್ಲಾಷ್ ವೈಟ್ ಬಣ್ಣಗಳಲ್ಲಿ ಲಭ್ಯವಿದೆ

ಫ್ಲಿಪ್‌ಕಾರ್ಟ್​​ನಲ್ಲಿ ಈ ಸ್ಮಾರ್ಟ್​​ಫೋನ್​ ವಿನಿಮಯ ಕೊಡುಗೆಯನ್ನು ಹೊಂದಿದೆ. ನಿಮ್ಮ ಹಳೆಯ ಮೊಬೈಲ್ ಅನ್ನು ಈ ಸ್ಮಾರ್ಟ್​​ಫೋನ್​ ಮೇಲೆ ವಿನಿಮಯ ಮಾಡಿಕೊಳ್ಳಿ ಮತ್ತು ರೂ.13,000 ದವರೆಗೆ ಎಕ್ಸ್ಚೇಂಜ್ ಆಫರ್​ ಅನ್ನು ಪಡೆಯಿರಿ. ನಿಮ್ಮ ಹಳೆಯ ಮೊಬೈಲ್‌ನಲ್ಲಿ ನೀವು ರೂ.13,000 ವಿನಿಮಯ ರಿಯಾಯಿತಿಯನ್ನು ಪಡೆದರೆ, ನೀವು ಈ ಸ್ಮಾರ್ಟ್​​ಫೋನ್ ಅನ್ನು ಕೇವಲ ರೂ.999 ಕ್ಕೆ ಪಡೆಯಬಹುದು. ಇನ್ನು ಇಎಮ್​ಐ ಆಫರ್ ರೂ.486 ರಿಂದ ಪ್ರಾರಂಭವಾಗುತ್ತದೆ.

ರಿಯಲ್​ಮಿ 10 4ಜಿ ಸ್ಮಾರ್ಟ್‌ಫೋನ್‌ನ ಫೀಚರ್ಸ್​ಗಳ ಬಗ್ಗೆ ಹೇಳುವುದಾದರೆ, ಇದು 90Hz ರಿಫ್ರೆಶ್  ರೇಟ್​​ನೊಂದಿಗೆ 6.4-ಇಂಚಿನ ಅಮೋಲ್ಡ್​ ಡಿಸ್ಪ್ಲೇಯನ್ನು ಹೊಂದಿದೆ. ಇನ್ನು ಮೀಡಿಯಾಟೆಕ್ ಹೆಲಿಯೋ ಜಿ99 ಪ್ರೊಸೆಸರ್‌ನಿಂದ ಈ ಸ್ಮಾರ್ಟ್​​ಫೋನ್ ಕಾರ್ಯನಿರ್ವಹಿಸುತ್ತದೆ. ವಿಶೇಷವಾಗಿ ಇದು ರ್‍ಯಾಮ್ ವಿಸ್ತರಣೆ ಮಾಡುವಂತಹ ವೈಶಿಷ್ಟ್ಯವನ್ನು ಹೊಂದಿದೆ. ಈ ವೈಶಿಷ್ಟ್ಯದೊಂದಿಗೆ, ರ್‍ಯಾಮ್ ಅನ್ನು 8ಜಿಬಿವರೆಗೆ ಹೆಚ್ಚಿಸಬಹುದು. 

ರಿಯಲ್​ಮಿ 10 4ಜಿ ಸ್ಮಾರ್ಟ್‌ಫೋನ್ ಕ್ಯಾಮೆರಾ ವೈಶಿಷ್ಟ್ಯಗಳ ಬಗ್ಗೆ ಹೇಳುವುದಾದರೆ, ಇದು 50-ಮೆಗಾಪಿಕ್ಸೆಲ್ AI ಪ್ರಾಥಮಿಕ ಕ್ಯಾಮೆರಾ ಮತ್ತು 2-ಮೆಗಾಪಿಕ್ಸೆಲ್ ಎರಡನೇ ಕ್ಯಾಮೆರಾದೊಂದಿಗೆ ಡ್ಯುಯಲ್ ಕ್ಯಾಮೆರಾ ಸೆಟಪ್ ಅನ್ನು ಒಳಗೊಂಡಿವೆ. ಸೆಲ್ಫಿಗಳು ಮತ್ತು ವಿಡಿಯೋ ಕಾಲ್​ಗಳಿಗಾಗಿ 16-ಮೆಗಾಪಿಕ್ಸೆಲ್ ಮುಂಭಾಗದ ಕ್ಯಾಮೆರಾವನ್ನು ಹೊಂದಿದೆ. 

ರಿಯಲ್​ಮಿ 10 4ಜಿ ಸ್ಮಾರ್ಟ್‌ಫೋನ್ 5,000mAh ಬ್ಯಾಟರಿಯನ್ನು ಹೊಂದಿದೆ. ಈ ಬ್ಯಾಟರಿಯು 33W ಸೂಪರ್​​ವೂಕ್​ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ. ಕಂಪನಿಯು ಕರೆಗಳಿಗೆ 30 ಗಂಟೆಗಳ ಬ್ಯಾಟರಿ ಅವಧಿಯನ್ನು ಮತ್ತು ಮ್ಯೂಸಿಕ್​ಗಾಗಿ 50 ಗಂಟೆಗಳ ಪ್ಲೇಟೈಮ್​ ಫೀಚರ್​ ಅನ್ನು ನೀಡುತ್ತದೆ.