Flipkart Offers: ಐಫೋನ್​ 14 ಮೇಲೆ ಫ್ಲಿಪ್​ಕಾರ್ಟ್​ನಲ್ಲಿ ಬಂಪರ್ ಆಫರ್​! ಈ ಸೇಲ್​ ಮುಂದೆಂದೂ ಬರಲಿಕ್ಕಿಲ್ಲ

ಆ್ಯಪಲ್ ಕಂಪನಿಯ ಇತ್ತೀಚಿನ ಐಫೋನ್ 14 (iPhone 14) ಸರಣಿಯು ಜಾಗತಿಕ ಮಾರುಕಟ್ಟೆಗಳಲ್ಲಿ ಭಾರಿ ಮಾರಾಟವನ್ನು ಪಡೆಯುತ್ತಿದೆ. ಹಲವು ಹೈ ಎಂಡ್ ಫೀಚರ್ ಗಳೊಂದಿಗೆ ಬರುವ ಈ ಸರಣಿಯ ಫೋನ್ ಗಳ ಬೆಲೆಯೂ ಇದೇ ಶ್ರೇಣಿಯಲ್ಲಿದೆ.

ಆದರೆ ಈಗ ಜನಪ್ರಿಯ ಇ-ಕಾಮರ್ಸ್ ಕಂಪೆನಿ ಫ್ಲಿಪ್‌ಕಾರ್ಟ್ ಅತಿ ಕಡಿಮೆ ಬೆಲೆಯಲ್ಲಿ ಐಫೋನ್ 14 ಅನ್ನು ಹೊಂದುವ ಅವಕಾಶವನ್ನು ನೀಡುತ್ತಿದೆ. ಈ ಕಂಪೆನಿಯು ಮಾರ್ಚ್ 11 ರಿಂದ ಮಾರ್ಚ್ 15 ರವರೆಗೆ 'ಬಿಗ್ ಸೇವಿಂಗ್ ಡೇಸ್' ಎಂಬ ವಿಶೇಷ ಸೇಲ್​ ಅನ್ನು ನಡೆಸುತ್ತಿದೆ. ಈ ಕೊಡುಗೆಗಳಲ್ಲಿ, ಐಫೋನ್ 14 ಬೆಲೆಯನ್ನು ತೀವ್ರವಾಗಿ ಕಡಿಮೆ ಮಾಡಲಾಗಿದೆ.

ಫ್ಲಿಪ್‌ಕಾರ್ಟ್ ನಡೆಸುತ್ತಿರುವ ಬಿಗ್ ಸೇವಿಂಗ್ ಡೇಸ್ ಸೇಲ್‌ನಲ್ಲಿ ಸ್ಯಾಮ್‌ಸಂಗ್, ಪೋಕೋ, ವಿವೋ ಮತ್ತು ರಿಯಲ್‌ಮಿ ಕಂಪೆನಿಗಳ ವಿವಿಧ ಸ್ಮಾರ್ಟ್‌ಫೋನ್‌ಗಳಲ್ಲಿ ಭಾರಿ ಕೊಡುಗೆಗಳಿವೆ. ಆದರೆ ಆ್ಯಪಲ್​ ಐಫೋನ್ 14 ಇದುವರೆಗೆ ಭಾರೀ ಬೇಡಿಕೆಯಲ್ಲಿದೆ. ಇದರ 128GB ಸ್ಟೋರೇಜ್ ಹೊಂದಿರುವ ಬೇಸ್ ಮಾಡೆಲ್ ಐಫೋನ್ 14 ಮೂಲ ಬೆಲೆ 79,900 ರೂ ಆಗಿತ್ತು, ಆದರೆ ಈಗ ಫ್ಲಿಪ್‌ಕಾರ್ಟ್‌ನಲ್ಲಿ ಕೇವಲ 65,999 ರೂ.ಗೆ ಲಭ್ಯವಿದೆ.

ಈ ಆಫರ್ ಬೆಲೆ ಮಿಡ್‌ನೈಟ್, ಪರ್ಪಲ್, ಸ್ಟಾರ್‌ಲೈಟ್, ಕೆಂಪು ಮತ್ತು ನೀಲಿ ಬಣ್ಣದ ರೂಪಾಂತರಗಳಲ್ಲಿ ಅನ್ವಯಿಸುತ್ತದೆ. ಆ್ಯಪಲ್ ಇತ್ತೀಚೆಗೆ ಐಫೋನ್ 14 ಹಳದಿ ಬಣ್ಣದ ರೂಪಾಂತರವನ್ನು ಪರಿಚಯಿಸಿತು. ಇದರ 128GB ಸ್ಟೋರೇಜ್ ಮಾದರಿಯು ಪ್ರಸ್ತುತ ಫ್ಲಿಪ್‌ಕಾರ್ಟ್‌ನಲ್ಲಿ 72,999 ರೂಪಾಯಿಯಾಗಿದೆ.

ಇತರ ಆಫರ್ಸ್: ಫ್ಲಿಪ್‌ಕಾರ್ಟ್‌ನಲ್ಲಿ ಐಫೋನ್ 14 ಅನ್ನು ಖರೀದಿಸುವ ಐಸಿಐಸಿಐ ಗ್ರಾಹಕರು 10 ಪ್ರತಿಶತದಷ್ಟು (ರೂ. 1,000 ವರೆಗೆ) ರಿಯಾಯಿತಿಯನ್ನು ಪಡೆಯಬಹುದು. ಇದೇ ರೀತಿಯ ಕೊಡುಗೆಯು ಅಮೆರಿಕನ್ ಎಕ್ಸ್‌ಪ್ರೆಸ್ ಕ್ರೆಡಿಟ್ ಕಾರ್ಡ್ ವಹಿವಾಟುಗಳಲ್ಲಿ ಲಭ್ಯವಿದೆ. ಇವುಗಳ ಹೊರತಾಗಿ ಹಳೆ ಸ್ಮಾರ್ಟ್ ಫೋನ್ ಎಕ್ಸ್ ಚೇಂಜ್ ಮಾಡಿಕೊಳ್ಳುವ ಮೂಲಕ ರೂ.20 ಸಾವಿರದವರೆಗೂ ಬೆಲೆ ಕಡಿಮೆ ಮಾಡಬಹುದು. ಆದರೆ ಈ ವಿನಿಮಯ ಮೌಲ್ಯವು ನೀವು ಎಕ್ಸ್​ಚೇಂಜ್ ಮಾಡುವ ಫೋನ್ ಮಾದರಿ ಮತ್ತು ಗುಣಮಟ್ಟದ ಆಧಾರದ ಮೇಲೆ ಅವಲಂಬಿಸಿರುತ್ತದೆ.

iPhone 14 ಫೀಚರ್ಸ್: ಐಫೋನ್ 14 ಸೆರಾಮಿಕ್ ಶೀಲ್ಡ್ ಡಿಸ್​ಪ್ಲೇನೊಂದಿಗೆ ಬರುತ್ತದೆ. ಇದು 6.1 ಇಂಚಿನ ಸೂಪರ್ ರೆಟಿನಾ XDR ಡಿಸ್ಪ್ಲೇ ಹೊಂದಿದೆ. ಈ ಡಿಸ್​ಪ್ಲೇಯು  2532x1170 ಪಿಕ್ಸೆಲ್‌ಗಳ ರೆಸಲ್ಯೂಶನ್‌ನೊಂದಿಗೆ ಅತ್ಯುತ್ತಮ ವೀಕ್ಷಣೆಯ ಅನುಭವವನ್ನು ನೀಡುತ್ತದೆ. ಐಫೋನ್ 14 A15 ಬಯೋನಿಕ್ ಚಿಪ್‌ಸೆಟ್ ಅನ್ನು ಹೊಂದಿರುತ್ತದೆ. ಇದು ಗುಣಮಟ್ಟದ ಪ್ರೊಸೆಸರ್​ನೊಂದಿಗೆ ಗ್ರಾಹಕರಿಗೆ ಉತ್ತಮ ಅನುಭವವನ್ನು ನೀಡುತ್ತದೆ. ಫೋನ್ iOS 16 ಆಪರೇಟಿಂಗ್ ಸಿಸ್ಟಂನಲ್ಲಿ ಕಾರ್ಯನಿರ್ವಹಿಸುತ್ತದೆ.

ಕ್ಯಾಮೆರಾ ಫೀಚರ್ಸ್: ಇನ್ನು ಈ ಸ್ಮಾರ್ಟ್​​ಫೋನ್​ನ ಹಿಂಭಾಗದಲ್ಲಿ 12MP ಪ್ರಾಥಮಿಕ ಕ್ಯಾಮೆರಾ ಮತ್ತು 12MP ಅಲ್ಟ್ರಾ ವೈಡ್ ಕ್ಯಾಮೆರಾದೊಂದಿಗೆ ಡ್ಯುಯಲ್ ರಿಯರ್ ಕ್ಯಾಮೆರಾ ಸೆಟಪ್ ಇದೆ. ಇನ್ನು ಸೆಲ್ಫಿಗಾಗಿ 12MP ಕ್ಯಾಮೆರಾವನ್ನು ನೀಡಲಾಗಿದೆ.