Google Doodle: ಗೂಗಲ್ ಡೂಡಲ್​ನಲ್ಲಿ ಬಬಲ್​ ​ ಟೀ ಮಾಡ್ತಿದೆ ನಾಯಿಮರಿ, ಇಲ್ಲಿದೆ ನೋಡಿ ಇಂಟ್ರೆಸ್ಟಿಂಗ್ ಮಾಹಿತಿ

ಸಾಮಾಜಿಕ ಜಾಲತಾಣಗಳಲ್ಲಿ ಒಂದಲ್ಲಾ ಒಂದು ವಿಷಯಗಳು ಟ್ರೆಂಡಿಂಗ್​ ಆಗುತ್ತಲೇ ಇರುತ್ತದೆ. ಅದರಲ್ಲೂ ಈ ತಿಂಡಿ ತಿನುಸುಗಳ ಬಗ್ಗೆ ವಿಚಾರಗಳು ಹರಿದಾಡುತ್ತಾ ಇದ್ರಂತೂ ಕೇಳೋದೇ ಬೇಡ.

ಎಸ್​, ಇದೀಗ ಒಂದು ಡ್ರಿಂಕ್​ ಸಖತ್ ಇಂಟರ್​ನೆಟ್​ನಲ್ಲಿ​ ವೈರಲ್​ ಆಗ್ತಾಇದೆ. ಅದುವೇ ಬಬಲ್​ ಡ್ರಿಂಕ್​. ತುಂಬಾ ಟೇಸ್ಟಿಯಾಗಿದ್ದು, ಇದೊಂದು ಟೀ. ಜನರು ಇದನ್ನು ಸಖತ್​ ಇಷ್ಟ ಪಡ್ತಾರಂತೆ. ಇದರಿಂದ ಹಾಗಾದ್ರೆ ಏನೇಲ್ಲಾ ಉಪಯೋಗಗಳು ಇದೆ ಮತ್ತು ಇದು ಯಾಕೆ ಅಷ್ಟೊಂದು ಫೇಮಸ್​ ಅಂತ ತಿಳಿಯೋಣ ಬನ್ನಿ.

1980 ರ ದಶಕದಲ್ಲಿ ತೈವಾನ್​ನಲ್ಲಿ ಬಬಲ್ ಟೀ ಅನ್ನು ಕಂಡು ಹಿಡಿಯಲಾಗಿದೆ. ಇದು ಪಶ್ಚಿಮ, ಯುರೋಪಿಯನ್ ಮತ್ತು ಏಷ್ಯಾದ ದೇಶಗಳಲ್ಲಿ ಅತ್ಯಂತ ಜನಪ್ರಿಯ ಚಹಾ ಆಗಿದೆ. ಈ ಬಬಲ್ ಚಹಾ ಇದೀಗ ಎಲ್ಲಾ ಕಡೆಯೂ ಸಖತ್​ ಫೇಮಸ್​ ಆಗಿಬಿಟ್ಟಿದೆ.

ಎನಾದ್ರೂ ವಿಶೇಷ ದಿನವಾಗಿದ್ರೆ ಗೋಗಲ್​ ಡೂಡಲ್​ನಲ್ಲಿ ಫೋಟೋ, ಎಮೋಜಿಗಳನ್ನು ಹಂಚಿಕೊಳ್ಳುತ್ತದೆ. ಆದರೆ ಈ ಬಬಲ್​ ಟೀಯನ್ನು ಯಾತಕ್ಕಾಗಿ ಹಂಚಿಕೊಂಡಿದೆ ಎಂದು ಗೊತ್ತಾ?

ಹೆಚ್ಚಾಗಿ ಕೊರಾನಾದ ಸಮಯದಲ್ಲಿ ಸಖತ್​ ಫೇಮಸ್​ ಆಗಿದೆ. ಕೊರೊನಾ ಅವಧಿಯಲ್ಲಿ ಬಬಲ್‌ ಟೀ ಜನಪ್ರಿಯತೆಯು ತುಂಬಾ ಹೆಚ್ಚಾಯಿತು, 2020 ರಲ್ಲಿ ಈ ದಿನದಂದು ಇದನ್ನು ಸೂಪರ್​ ಎಮೋಜಿ ಎಂದು ಘೋಷಿಸಲಾಗಿದೆ.

ಈ ಪಾನೀಯಕ್ಕೆ ತುಂಬಾ ಹಳೆಯ ಇತಿಹಾಸವಿದೆ. ಈ ಟೀ ಅನ್ನು ತೈವಾನ್​ನ ಜನರು ಹಲವು ವರ್ಷಗಳಿಂದ ಸೇವಿಸಿಕೊಂಡು ಬರಲಾಗುತ್ತಿದೆ. ಇದನ್ನು ಪರ್ಲ್ ಟೀ, ಬ್ಲ್ಯಾಕ್ ಪರ್ಲ್ ಟೀ, ಬಿಗ್ ಪರ್ಲ್, ಪರ್ಲ್ ಶೇಕ್, ಬೋಬಾ ನೈ ಚಾಯ್ ಎಂಬ ಹೆಸರಿನಿಂದಲೂ ಕರೆಯಲಾಗುತ್ತದೆ.

ಬಬಲ್ ಟೀಯಲ್ಲಿರುವ ಹೆಚ್ಚಿನ ಪ್ರಮಾಣದ ಸಕ್ಕರೆಯು ಶಕ್ತಿ ಬೂಸ್ಟರ್ ಆಗಿ ಕಾರ್ಯನಿರ್ವಹಿಸುತ್ತದೆ. ತೈವಾನ್‌ನ ಈ ಅತ್ಯಂತ ಜನಪ್ರಿಯ ಆರೋಗ್ಯ ಪಾನೀಯದಲ್ಲಿ ಕೆಫೀನ್ ಅನ್ನು ಸಹ ಬಳಸಲಾಗುತ್ತದೆ. ಇದು ದಿನದ ಆಯಾಸವನ್ನು ತೆಗೆದುಹಾಕಿ, ಶಕ್ತಿಯನ್ನು ವೃದ್ಧಿಸುತ್ತದೆ.

ಈ ಚಹಾವು ನಮ್ಮ ರೋಗನಿರೋಧಕ ಶಕ್ತಿಯನ್ನು ಬಲಪಡಿಸುತ್ತದೆ. ಇದರಲ್ಲಿ ಬಳಸುವ ಹಣ್ಣುಗಳಾದ ಬೆರಿಹಣ್ಣುಗಳು, ಸ್ಟ್ರಾಬೆರಿಗಳು ಹೆಚ್ಚಿನ ಪ್ರಮಾಣದಲ್ಲಿ ವಿಟಮಿನ್ ಸಿ ಹೊಂದಿರುತ್ತವೆ. ಇದು ರೋಗನಿರೋಧಕ ಶಕ್ತಿಯನ್ನು ಬಲಪಡಿಸಲು ಸಹಾಯ ಮಾಡುತ್ತದೆ.

ಹೀಗಾಗಿ ಕೊರೊನಾದ ಸಮಯದಲ್ಲಿ ರೋಗನಿರೋಧಕ ಶಕ್ತಿಯನ್ನು ಬಲಪಡಿಸಿಕೊಳ್ಳಲು ಜನರು ಏನೇಲ್ಲಾ ಆಹಾರ ಪದ್ಧತಿಗಳನ್ನು ಸೇವನೆ ಮಾಡುತ್ತಾ ಇದ್ದರು ಅಂತ ಎಲ್ಲರಿಗೂ ತಿಳಿದಿದೆ. ಈ ಸಮಯದಲ್ಲಿ ಕಂಡುಹಿಡಿಯಲಾದ ಈ ಬಬಲ್ ಟೀ ಕೂಡ ಬಹಳ ಮುಖ್ಯ ಪಾತ್ರವನ್ನು ವಹಿಸುತ್ತದೆ. ಹಾಗಾಗಿ ಗೋಗಲ್​ ಡೂಡಲ್​ನಲ್ಲಿ ಈ ಚಿತ್ರವನ್ನು ತೋರಿಸ್ತಾ ಇದೆ.