BSNL 4G Data Pack: 96 ರೂ. ರಿಚಾರ್ಜ್​ ಮಾಡಿದರೆ ದೈನಂದಿನ ಬಳಕೆಗೆ 10ಜಿಬಿ ಡೇಟಾ ಉಚಿತ!

ಖಾಸಗಿ ಟೆಲಿಕಾಂ ಸಂಸ್ಥೆಗಳ ಹೊಡೆತಕ್ಕೆ ಸಿಲುಕಿ ನಷ್ಟದಂಚಿನಲ್ಲಿದ್ದ ಬಿಎಸ್ಎನ್ಎಲ್ ಕಡೆಗೂ ಎಚ್ಚೆತ್ತುಕೊಂಡಿದ್ದು, 4G ಸೇವೆಯನ್ನು ಆರಂಭಿಸಿದೆ. ಇದರ ಜೊತೆಗೆ ಹೊಸ ಪ್ರಿಪೇಯ್ಡ್​​ ಪ್ಲಾನ್ ಅನ್ನು ಪರಿಚಯಿಸಿದೆ.

ಜಿಯೋ, ಏರ್​ಟೆಲ್​​, ವೊಡಾಫೋನ್ ಐಡಿಯಾ ಸಂಸ್ಥೆ ಈಗಾಗಲೇ 4G ಸೇವೆಯನ್ನು ಒದಗಿಸುತ್ತಿದೆ. ಇದೀಗ ಬಿಎಸ್ಎನ್ಎಲ್ ಕೂಡ ಈ ಸೇವೆಯನ್ನು ಆರಂಭಿಸಿದೆ.

ಖಾಸಗಿ ಟೆಲಿಕಾಂ ಸಂಸ್ಥೆಗಳು 4G ಸೇವೆ ಪ್ರಾರಂಭಿಸಿ ಒಂದು ವರ್ಷಗಳು ಉರುಳಿದರೂ ಬಿಎಸ್ಎನ್ಎಲ್ ಸಂಸ್ಥೆ ಮಾತ್ರ 3Gಯಲ್ಲೇ ಉಳಿದಿತ್ತು. ಇದೀಗ 4G ಸೇವೆಯ ಪ್ರಾರಂಭದ ಜೊತೆಗೆ ಹೊಸ ಪ್ರಿಪೇಯ್ಡ್ ಯೋಜನೆಗಳನ್ನು ಪರಿಚಯಿಸಿದೆ.

ಮಾಹಿತಿಗಳ ಪ್ರಕಾರ 2020ರ ಮಾರ್ಚ್​​​​ ವೇಳೆಗೆ ದೇಶದ ಎಲ್ಲಾ ಭಾಗಗಳಲ್ಲೂ 4G ಸೇವೆ ಬರಲಿದೆ. ಈಗಾಗಲೇ ಕೊಲ್ಕತ್ತಾದ ಬಾರಾ ಬಜಾರ್, ಹೋಲಿ ಬ್ರಿಡ್ಜ್ ಸೇರಿದಂತೆ ಕೆಲವು ಭಾಗಗಳಲ್ಲಿ 4Gಸೇವೆ ಒದಗಿಸುತ್ತಿದೆ. ಇನ್ನು ಕೆಲವು ಭಾಗಗಳಲ್ಲಿ ಟೆಸ್ಟಿಂಗ್ ನಡೆಯುತ್ತಿದ್ದು, ಡಿಸೆಂಬರ್ ಅಂತ್ಯದ ವೇಳೆ ಎಲ್ಲಾ ಪ್ರದೇಶಗಳಿಗೆ ಈ ಸೇವೆ ದೊರಕಲಿದೆ.

ಕೊಲ್ಕತ್ತಾದಲ್ಲಿ ಬಿಎಸ್ಎನ್ಎಲ್ 4G ಸೇವೆಯು 17.9 Mbps ವೇಗದಲ್ಲಿ ದೊರಕುತ್ತಿದೆ.

4G ಸೇವೆಗಾಗಿ ಪ್ರಿಪೇಯ್ಡ್ ಪ್ಲಾನ್​​ಗಳನ್ನು ಬಿಡುಗಡೆ ಮಾಡಿದೆ. ಆರಂಭಿಕ 4G ಪ್ಲಾನ್ ಬೆಲೆಯು 96 ರೂ. ಆಗಿದ್ದು, ಈ ಪ್ಲಾನ್​ನಲ್ಲಿ ದೈನಂದಿನ ಬಳಕೆಗಾಗಿ 10ಜಿಬಿ ಡೇಟಾ ನೀಡುತ್ತಿದೆ.  28 ದಿನಗಳ ವ್ಯಾಲಿಡಿಟಿಯನ್ನು ಹೊಂದಿದೆ.

ಮತ್ತೊಂದು 236 ರೂ. ಬೆಲೆಯ ಪ್ಲಾನ್ ಬಿಡುಗಡೆ ಮಾಡಿದ್ದು, 84 ದಿನಗಳ ವ್ಯಾಲಿಡಿಟಿ ಹೊಂದಿದೆ.  ಗ್ರಾಹಕರು ಇವೆರಡು ಪ್ಲಾನ್​ಗಳ ನ್ನು ಒಮ್ಮೆ ಅಳವಡಿಸಿದರೆ ಪೂರ್ಣ ವ್ಯಾಲಿಡಿಟಿ ಜೊತೆಗೆ  10GB ಡೇಟಾ ಸಿಗಲಿದೆ.