BSNL Cheapest Plan: ಬಿಎಸ್ಎನ್ಎಲ್ ಗ್ರಾಹಕರಿಗೆ ಗುಡ್​​ನ್ಯೂಸ್​: ಜಸ್ಟ್ 49 ರೂ.ಗೆ ಭರ್ಜರಿ ಆಫರ್

ಭಾರತದಲ್ಲಿ ಹಿಂದೆಂದಿಗಿಂಲೂ ಈಗ ಮೊಬೈಲ್ ಫೋನ್ ಬಳಕೆ ಹೆಚ್ಚಾಗಿರುದರಿಂದ ಇಂಟರ್ನೆಟ್ ಬಳಕೆ ಕೂಡ ವೇಗವಾಗಿ ಹೆಚ್ಚುತ್ತಿದೆ. ಈ ಹಿನ್ನೆಲೆಯಲ್ಲಿ ಟೆಲಿಕಾಂ ಕಂಪನಿಗಳು ತಮ್ಮ ಗ್ರಾಹಕರಿಗೆ ಹೊಸ ಯೋಜನೆಗಳನ್ನು ನೀಡುತ್ತವೆ. ಗ್ರಾಹಕರು ಈಗ ಅನುಕೂಲಕ್ಕೆ ಅನುಗುಣವಾಗಿ ರೀಚಾರ್ಜ್ ಮಾಡಬಹುದು.

ಸರ್ಕಾರಿ ಟೆಲಿಕಾಂ ಕಂಪನಿ BSNL ಗ್ರಾಹಕರಿಗೆ ಇಂತಹ ಯೋಜನೆಗಳನ್ನು ನೀಡುತ್ತದೆ. ಈ ಚೀಪ್ & ಬೆಸ್ಟ್ ಯೋಜನೆಯ ಬೆಲೆ ಜಸ್ಟ್ 50 ರೂಪಾಯಿ ಅಂದ್ರೆ ನೀವು ನಂಬಲೇಬೇಕು.

ಭಾರತ್ ಸಂಚಾರ್ ನಿಗಮ್ ಲಿಮಿಟೆಡ್ ಗ್ರಾಹಕರಿಗೆ ಕೇವಲ 49 ರೂಪಾಯಿ ರಿಚಾರ್ಜ್ ಪ್ಲ್ಯಾನ್ ಅನ್ನು ನೀಡುತ್ತದೆ. BSNL ನ ಈ ಪ್ಲ್ಯಾನ್ ನ ಅವಧಿ 20 ದಿನಗಳು. ಈ ಪ್ಲ್ಯಾನ್ ಹಾಕಿಸಿಕೊಂಡ ಗ್ರಾಹಕರು ಉಚಿತ ಕರೆ, ಡೇಟಾ ಸೌಲಭ್ಯಗಳನ್ನು ಪಡೆಯಬಹುದಾಗಿದೆ.

49 ರೂ. ಪ್ಲ್ಯಾನ್ ನಲ್ಲಿ 1GB ಡೇಟಾವನ್ನು ನೀಡಲಾಗಿದೆ. ಇದರೊಂದಿಗೆ 100 ನಿಮಿಷಗಳ ಲೋಕಲ್, ಎಸ್ ಟಿಡಿ ಧ್ವನಿ ಕರೆ ಸೌಲಭ್ಯಗಳನ್ನು ಸಹ ಇದರಲ್ಲಿ ನೀಡಲಾಗುತ್ತಿದೆ.

ಇನ್ನು 29 ರೂ. ಯೋಜನೆಯೂ ಇದೆ. 49 ರ ಹೊರತಾಗಿ BSNL ತನ್ನ ಗ್ರಾಹಕರಿಗೆ 29 ರೂ.ಗೆ ವಿಶೇಷ ಪ್ರಿಪೇಯ್ಡ್ ಪ್ಲ್ಯಾನ್ ಅನ್ನು ನೀಡುತ್ತದೆ. ಈ ಪ್ರಿಪೇಯ್ಡ್ ಪ್ಲ್ಯಾನ್ 5 ದಿನಗಳ ಅವಧಿಯನ್ನು ಹೊಂದಿದೆ. ಇದರಲ್ಲೂ 1 GB ಡೇಟಾ, ಫ್ರೀ ಕಾಲ್ ಸೌಲಭ್ಯ ಇದೆ

ಇನ್ನು BSNL ಕಂಪನಿಯು ತನ್ನ 4G ಸೇವೆಯನ್ನು ಹೊರತರಲು ತಯಾರಿ ನಡೆಸುತ್ತಿದೆ. ಇದು ಜನವರಿಯಿಂದ ಪ್ರಾರಂಭವಾಗಬಹುದು. ಕಂಪನಿಯು 4G ನೆಟ್ವರ್ಕ್ ಸ್ಥಾಪಿಸಲು TCS ಗೆ ಟೆಂಡರ್ ನೀಡಿದೆ ಎಂದು ಮೂಲಗಳಿಂದ ತಿಳಿದು ಬಂದಿದೆ.

ಮುಂದಿನ 2 ರಿಂದ 3 ದಿನಗಳಲ್ಲಿ ಟೆಂಡರ್ ಗೆ ಟಿಸಿಎಸ್ ತನ್ನ ಒಪ್ಪಿಗೆಯನ್ನು ನೀಡಬಹುದು. ಆಗ 1 ಲಕ್ಷ ಟವರ್ಗಳನ್ನು ಸ್ಥಾಪಿಸಲು ಕಂಪನಿಗೆ ಆದೇಶ ಸಿಗಲಿದೆ ಎನ್ನಲಾಗುತ್ತಿದೆ.