BSNL ನ್ಯೂ ಇಯರ್ ಆಫರ್: ಅತೀ ಕಡಿಮೆ ಮೊತ್ತಕ್ಕೆ 3 ತಿಂಗಳ ವಾಲಿಡಿಟಿ, ಅನಿಯಮಿತ ಕರೆ ಸೌಲಭ್ಯ

ಇತ್ತೀಚೆಗಷ್ಟೇ ಬಿಎಸ್​ಎನ್​ಎಲ್​ ಹೊಸ ವರ್ಷದ ಆಫರ್ ಅಡಿಯಲ್ಲಿ  1999 ರೂ. ಮತ್ತು 1,699 ರೂ. ಪ್ರೀಪೇಯ್ಡ್ ರಿಚಾರ್ಜ್​ ಪ್ಲ್ಯಾನ್​ವೊಂದನ್ನು ಪ್ರಸ್ತುತಪಡಿಸಿತ್ತು.

ಇದೀಗ ಮತ್ತೊಮ್ಮೆ ಸಾಮಾನ್ಯ ಗ್ರಾಹಕರಿಗೆ ಅನುಕೂಲವಾಗುವಂತೆ BSNL ಕಡಿಮೆ ಮೊತ್ತ ರಿಚಾರ್ಜ್​ ಪ್ಯಾಕ್​ವೊಂದನ್ನು ಪರಿಚಯಿಸಿದೆ.

ಈ ಹಿಂದೆ ಬಿಎಸ್​ಎನ್​ಎಲ್​ ಬಳಕೆದಾರರಿಗೆ ಲಭ್ಯವಿದ್ದ ವಸಂತಂ ರಿಚಾರ್ಜ್​ ಪ್ಲ್ಯಾನ್​ನ್ನು ಇದೀಗ ಮತ್ತೊಮ್ಮೆ ಬಿಡುಗಡೆ ಮಾಡಿದೆ.

ಈ ಪ್ಯಾಕ್​ನಲ್ಲಿ ಗ್ರಾಹಕರು ಕೇವಲ 96 ರೂ.ನಲ್ಲಿ ರಿಚಾರ್ಜ್ ಮಾಡಿಕೊಳ್ಳಬಹುದು. ಈ ಪ್ಲ್ಯಾನ್​ನಲ್ಲಿ 3 ತಿಂಗಳ ವಾಲಿಡಿಟಿ ಕೂಡ ಲಭ್ಯವಿರಲಿದೆ.

ಇದಲ್ಲದೆ 21 ದಿನಗಳ ಕಾಲ ಅನಿಯಮಿತ ಕರೆಗಳ ಸೌಲಭ್ಯವನ್ನು ಒದಗಿಸಲಾಗಿದೆ. ಅಂದರೆ ಪ್ರತಿದಿನ ಗ್ರಾಹಕರು 250 ನಿಮಿಷಗಳವರೆಗೂ ಯಾವುದೇ ನೆಟ್​ವರ್ಕ್​ಗೆ ಉಚಿತ ಕರೆ ಮಾಡಬಹುದು.

ಹಾಗೆಯೇ ದಿನಕ್ಕೆ 100 ಎಸ್‌ಎಂಎಸ್ ಸಹ ಉಚಿತವಾಗಿ ದೊರೆಯಲಿದೆ ಎಂದು ಟೆಲಿಕಾಂ ವರದಿ ತಿಳಿಸಿದೆ. ಆದರೆ ಈ ಪ್ಲ್ಯಾನ್​ನಲ್ಲಿ ಉಚಿತ ಇಂಟರ್​ನೆಟ್ ಡೇಟಾವನ್ನು ನೀಡಲಾಗುತ್ತಿಲ್ಲ.

ಇದಲ್ಲದೆ ಈ ಹಿಂದೆ ಪ್ರಸ್ತುತಪಡಿಸಿದ 1999 ರೂ. ಮತ್ತು 1,699 ರೂ. ಪ್ರೀಪೇಯ್ಡ್ ರಿಚಾರ್ಜ್​ ಪ್ಲ್ಯಾನ್​ಗಳ ಮೂಲಕ  ಗ್ರಾಹಕರು ವಾರ್ಷಿಕ ವಾಲಿಡಿಟಿ ಪಡೆದುಕೊಳ್ಳಬಹುದು.

BSNL 1699 ರೂ. ರಿಚಾರ್ಜ್​ ಪ್ಲ್ಯಾನ್​: ಸರ್ಕಾರಿ ಸೌಮ್ಯದ ಬಿಎಸ್‌ಎನ್‌ಎಲ್ ಕಂಪನಿ 1,699 ರೂ. ಯೋಜನೆಯನ್ನೂ ಕೂಡ ಪರಿಚಯಿಸಿದೆ. ಈ ಪ್ಯಾಕ್​ನಲ್ಲಿ ಬಳಕೆದಾರರಿಗೆ ಪ್ರತಿದಿನ 2 ಜಿಬಿ ಡೇಟಾ ದೊರೆಯಲಿದೆ.

ಹಾಗೆಯೇ ಯಾವುದೇ ನೆಟ್​ವರ್ಕ್​ಗೂ ಅನಿಯಮಿತ ಕರೆ ಪ್ಲ್ಯಾನ್ ಇದಾಗಿದ್ದರೂ, ಪ್ರತಿದಿನ   250  (4 ಗಂಟೆ  16 ನಿಮಿಷ) ನಿಮಿಷಗಳವರೆಗೆ ಮಾತ್ರ ಉಚಿತವಾಗಿ ಕರೆ ಮಾಡಬಹುದು ಎಂದು ತಿಳಿಸಿದೆ. ಇದರೊಂದಿಗೆ ಪ್ರತಿದಿನ 100 ಎಸ್​ಎಂಎಸ್ ಕೂಡ ಸಿಗಲಿದೆ. ಇದರ ವಾಲಿಡಿಟಿ ಕೂಡ ಒಂದು ವರ್ಷ.

BSNL 1999 ರೂ. ರಿಚಾರ್ಜ್​ ಪ್ಲ್ಯಾನ್​: ಬಿಎಸ್‌ಎನ್‌ಎಲ್‌ 1,999 ರೂ ಯೋಜನೆಯಲ್ಲಿ ಪ್ರತಿದಿನ 3 ಜಿಬಿ ಡೇಟಾವನ್ನು ನೀಡಲಾಗುತ್ತಿದೆ. ಈ ಪ್ಲ್ಯಾನ್​ ಮೂಲಕ ಗ್ರಾಹಕರಿಗೆ ಯಾವುದೇ ನೆಟ್​ವರ್ಕ್​ಗೆ ಅನಿಯಮಿತ ಕರೆಗಳನ್ನು ಮಾಡಬಹುದು.

ಇದರೊಂದಿಗೆ ಪ್ರತಿದಿನ 100 ಉಚಿತ ಎಸ್​ಎಂಎಸ್​ ಕಳಿಸಬಹುದು. ಈ ಪ್ಯಾಕ್​ನ ವಾಲಿಡಿಟಿ 365 ದಿನಗಳು. ಅಲ್ಲದೆ ಆಫರ್ ಸಮಯದಲ್ಲಿ ರಿಚಾರ್ಜ್ ಮಾಡಿದರೆ 60 ದಿನಗಳ ಎಕ್ಸ್​ಟ್ರಾ ವಾಲಿಡಿಟಿ ಕೂಡ ಸಿಗಲಿದೆ. ಅಂದರೆ ಈ ಪ್ಯಾಕ್​ ಮೂಲಕ ಬಿಎಸ್​ಎನ್​ಎಲ್ ಗ್ರಾಹಕರಿಗೆ 425 ದಿನಗಳ ವಾಲಿಡಿಟಿಯನ್ನು ಒದಗಿಸುತ್ತಿದೆ.