Vespa SXL 150: ಬಿಎಸ್6 ಮಾದರಿಯ ಸ್ಕೂಟರ್ ಪರಿಚಯಿಸಿದ ವೆಸ್ಪಾ; ಇದರ ಬೆಲೆಯೆಷ್ಟು ಗೊತ್ತಾ?

ಇಟಲಿಯ ದ್ವೀಚಕ್ರ ವಾಹನ ತಯಾರಕ ಕಂಪೆನಿ ವೆಸ್ಪಾ ಹೊಸ ಎಸ್ಎಕ್ಸ್ಎಲ್ 150 ಸ್ಕೂಟರ್ ಅನ್ನು ಭಾರತದಲ ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ.

ಗ್ರಾಹಕರಿಗಾಗಿ ನೂತನ ಸ್ಕೂಟರಿನ ವಿನ್ಯಾಸದಲ್ಲಿ ಕೊಂಚ ಬದಲಾವಣೆ ಮಾಡಲಾಗಿದ್ದು, ಈ ಸ್ಕೂಟರ್​ ಬಿಎಸ್6 ಮಾದರಿಯಾಗಿದೆ.

ವೆಸ್ಪಾವು ಇಟಲಿಯ ಬ್ರ್ಯಾಂಡ್ ಸ್ಕೂಟರ್ ಆಗಿದ್ದು, ಇದನ್ನು ಪಿಯಾಜ್ಜಿಯೋ ಕಂಪೆನಿ ಉತ್ಪಾದಿಸುತ್ತದೆ.

ವೆಸ್ಪಾವು 1946 ರಿಂದ ಸ್ಕೂಟರ್ ಅನ್ನು ಮಾರುಕಟ್ಟೆಗೆ ಪರಿಚಯಿಸಲು ಆರಂಭಿಸಿದೆ.

ಭಾರತಕ್ಕೆ ಬಿಎಸ್6 ಮಾದರಿ ಅಳವಡಿಸಿ ಬಿಡುಗಡೆ ಮಾಡಿದ ವೆಸ್ಪಾದ ಮೊದಲ ಸ್ಕೂಟರ್ ಇದಾಗಿದೆ.

ಎಸ್ಎಕ್ಸ್ಎಲ್ 150 ಸ್ಕೂಟರಿನ ಬಿಎಸ್6ನಲ್ಲಿ ಸಣ್ಣದೊಂದು ಬದಲಾವಣೆ ಮಾಡಲಾಗಿದ್ದು, ಇದರ ಸ್ಪೀಡೋಮೀಟರ್ ಭಾಗವು ಕಪ್ಪು ಬಣ್ಣದ ಬದಲಾಗಿ ಬಿಳಿ ಬಣ್ಣದಿಂದ ಕೂಡಿದೆ.

ಹೊಸ ರೂಪಾಂತರದಲ್ಲಿ ಬಿಡುಗಡೆಗೊಂಡ ವೆಸ್ಪಾ ಎಸ್ಎಕ್ಸ್ಎಲ್ 150 ಸ್ಕೂಟರಿನ ಬೆಲೆಯಲ್ಲಿ ಸ್ಪಲ್ಪ ವ್ಯತ್ಯಾಸವಿದ್ದು, ಮಾಡೆಲ್ ಆಧಾರದಲ್ಲಿ 15 ಸಾವಿರದಿಂದ 19 ಸಾವಿರವರೆಗೆ ಹೆಚ್ಚಾಗಬಹುದೆಂಬ ನಿರೀಕ್ಷೆಯಿದೆ.

ನೂತನ ಸ್ಕೂಟರ್​  1.08 ಲಕ್ಷದಿಂದ 1.25 ಲಕ್ಷ ರೂಪಾಯಿ ಮೌಲ್ಯವನ್ನು ಹೊಂದಿದ ಬಿಎಸ್‌4ಗಿಂತ  ಹೆಚ್ಚು ಬೆಲೆಯನ್ನು ಇರಲಿದೆ ಎಂದು ಅಂದಾಜಿಸಲಾಗಿದೆ.  2020ರ ಮೊದಲ ತಿಂಗಳಿನಲ್ಲಿ ಈ ಸ್ಕೂಟರ್ ಭಾರತದಲ್ಲಿ ಮಾರಾಟ ಆರಂಭವಾಗಲಿದೆ.