BMW ಅಭಿವೃದ್ಧಿ ಪಡಿಸುತ್ತಿದೆ ಆಕರ್ಷಕ ವಿನ್ಯಾಸದ ಎಲೆಕ್ಟ್ರಿಕ್​ ಸ್ಕೂಟರ್​; ಯಾವಾಗ ಮಾರುಕಟ್ಟೆಗೆ?

ವಾಹನ ಉತ್ಪಾದಕ ಕಂಪನಿಗಳು ಪೆಟ್ರೋಲ್, ಡಿಸೇಲ್ ವಾಹನಗಳ ಜೊತೆಗೆ ಎಲೆಕ್ಟ್ರಿಕ್ ವಾಹನಗಳನ್ನು ಉತ್ಪಾದಿಸಿ ಮಾರುಕಟ್ಟೆಗೆ ಬಿಡುಗಡೆ ಮಾಡುತ್ತಿದೆ. ವಾಯು ಮಾಲಿನ್ಯ ತಡೆಗಟ್ಟುವ ನಿಟ್ಟಿನಲ್ಲಿ ಎಲೆಕ್ಟ್ರಿಕ್ ವಾಹನಗಳನ್ನು ತಯಾರಿಸಲಾಗುತ್ತಿದೆ.

ಈಗಾಗಲೇ ಹಲವು ಕಂಪನಿಗಳ ಎಲೆಕ್ಟ್ರಿಕ್ ಸ್ಕೂಟರ್, ಬೈಕ್, ಕಾರುಗಳು ಮಾರುಕಟ್ಟೆಗೆ ಬಂದಿದೆ. ಅಧಿಕ ಮೈಲೇಜ್ ನೀಡುವ ಮತ್ತು ಹೆಚ್ಚು ದಿನಗಳ ಕಾಲ ಬಳಸಬಹುದಾದ ಮತ್ತು ವಿಶೇಷ ವಿನ್ಯಾಸದ ಎಲೆಕ್ಟ್ರಿಕ್ ವಾಹನಗಳು ಬಂದಿವೆ.

ಅದಂತೆ ಇದೀಗ ಬಿಎಮ್​ಡಬ್ಲು ಸಂಸ್ಥೆ ಹೊಸ ವಿನ್ಯಾಸದ ಎಲೆಕ್ಟ್ರಿಕ್ ಸ್ಕೂಟರ್​ವೊಂನ್ನು ಅಭಿವೃದ್ಧಿ ಪಡಿಸಿದೆ. ನೂತನ ಸ್ಕೂಟರ್ ಈವರೆಗೆ ಬಂದ ಎಲೆಕ್ಟ್ರಿಕ್ ಸ್ಕೂಟರ್​ಗಿಂತ ವಿಭಿನ್ನವಾಗಿದೆ.

ಡೆಫಿನಿಷನ್ ಸಿಇ 04 ಹೆಸರಿನ ಎಲೆಕ್ಟ್ರಿಕ್ ಸ್ಕೂಟರ್ ಅನ್ನು ಬಿಎಮ್​ಡಬ್ಲು ಅಭಿವೃದ್ಧಿ ಪಡಿಸಿದೆ. ಉದ್ದವಾದ ಬಾಕ್ಸ್ ರೀತಿಯ ವಿನ್ಯಾಸ ಹೊಂದಿರುವ ಈ ಸ್ಕೂಟರ್ ವಾಹನ ಪ್ರೇಮಿಗಳನ್ನು ತನ್ನತ್ತ ಸೆಳೆಯುವಂತೆ ಮಾಡಿದೆ.

ನೂತನ ಸ್ಕೂಟರ್ ಅಗಲವಾದ ಚಕ್ರ, ಉದ್ದವಾದ ಆಸನವನ್ನು ಹೊಂದಿದೆ. ಆದರೆ ಕಂಪನಿ ಮಾತ್ರ ನೂತನ ಎಲೆಕ್ಟ್ರಿಕ್ ಸ್ಕೂಟರ್ ಬಗ್ಗೆ ಯಾವುದೇ ಮಾಹಿತಿ ಹೊರಹಾಕಿಲ್ಲ.

ಇತ್ತೀಚೆಗೆ ಬಿಎಮ್​ಡಬ್ಲು ಎಲೆಕ್ಟ್ರಿಕ್ ವಿಂಗ್​ಸೂಟ್ ಅಭಿವೃದ್ಧಿ ಪಡಿಸಿ ಅದನ್ನು ಹಾರಾಟ ಮಾಡಿ ಯಶಸ್ವಿಯಾಗಿತ್ತು. ಮಾತ್ರವಲ್ಲದೆ, ಅದರ ವಿಡಿಯೋವನ್ನು ತನ್ನ ಯ್ಯೂಟೂಬ್ ಖಾತೆಯಲ್ಲಿ ಹಂಚಿಕೊಂಡಿತ್ತು.

ಇದೀಗ ಆಕರ್ಷಕ ವಿನ್ಯಾಸದ ಎಲೆಕ್ಟ್ರಿಕ್ ಸ್ಕೂಟರ್ ಅನ್ನು ಅಭಿವೃದ್ಧಿ ಪಡಿಸಿದೆ. ಮುಂದಿನ ದಿನಗಳಲ್ಲಿ ಮಾರುಕಟ್ಟೆಗೆ ತರುವ ಮುನ್ಸೂಚನೆ ಕಾಣುತ್ತಿದೆ.

ಡೆಫಿನಿಷನ್ ಸಿಇ 04ಎಲೆಕ್ಟ್ರಿಕ್ ಸ್ಕೂಟರ್

ಡೆಫಿನಿಷನ್ ಸಿಇ 04ಎಲೆಕ್ಟ್ರಿಕ್ ಸ್ಕೂಟರ್

ಡೆಫಿನಿಷನ್ ಸಿಇ 04ಎಲೆಕ್ಟ್ರಿಕ್ ಸ್ಕೂಟರ್