Blue Tick: ಟ್ವಿಟರ್, ಫೇಸ್​ಬುಕ್ ಆಯ್ತು ಈಗ ಜೀಮೇಲ್‌ಗೂ ಬಂತು ಬ್ಲೂಟಿಕ್! ಯಾರಿಗೆ ಸಿಗುತ್ತೆ ಈ ಸೌಲಭ್ಯ?

ಜನಪ್ರಿಯ ಸೋಶಿಯಲ್ ಮೀಡಿಯಾ ಅಪ್ಲಿಕೇಶನ್​​ಗಳಾದ ಟ್ವಿಟರ್​, ಫೇಸ್​​ಬುಕ್​, ಇನ್​ಸ್ಟಾಗ್ರಾಮ್​​ ಬ್ಲೂಟಿಕ್​ ಸೇವೆಯನ್ನು ನೀಡುತ್ತಾ ಬಂದಿದೆ. ಆದರೆ ಇತ್ತೀಚೆಗೆ ಸೋಶಿಯಲ್​ ಮೀಡಿಯಾ ಅಪ್ಲಿಕೇಶನ್​​ಗಳಲ್ಲಿ ಹೊಸ ಹೊಸ ಬದಲಾವಣೆಗಳು ಆಗುತ್ತಲೇ ಇದೆ.

ಇನ್​ಸ್ಟಾಗ್ರಾಮ್​ ಮತ್ತು ಫೇಸ್​​ಬುಕ್​ನಲ್ಲಿ ಸೆಲೆಬ್ರಿಟಿಗಳಿಗೆ, ಬ್ಯುಸಿನೆಸ್​ ಅಕೌಂಟ್​​ಗಳಿಗೆ ಮಾತ್ರ ಬ್ಲೂಟಿಕ್ ಅನ್ನು ನೀಡಲಾಗಿತ್ತು. ಆದರೆ ಇದೀಗ ಜನಪ್ರಿಯ ಗೂಗಲ್ ಅಪ್ಲಿಕೇಶನ್​ ಆಗಿರುವ ಜಿಮೇಲ್​ ಅಹ ಬ್ಲೂಟಿಕ್​ ಫೀಚರ್​ ಅನ್ನು ಆರಂಭಿಸಿದೆ.

ಗೂಗಲ್ ಜಿಮೇಲ್ ಬಳಕೆದಾರರಿಗೆ ಬ್ಲೂ ಟಿಕ್ ಸೇವೆಯನ್ನು ಒದಗಿಸುವುದಾಗಿ ಘೋಷಿಸಿದೆ. ಬ್ಲೂ ಟಿಕ್‌ನಿಂದ ಇಮೇಲ್ ಕಳುಹಿಸುವವರನ್ನು ಸರಿಯಾಗಿ ಗುರುತಿಸಲಾಗುವುದು ಮತ್ತು ವಂಚನೆಯ ಇಮೇಲ್ ಐಡಿಯಿಂದ ಕಳುಹಿಸಲಾದ ಸಂದೇಶವನ್ನು ಬಳಕೆದಾರರು ಸುಲಭವಾಗಿ ಗುರುತಿಸಲು ಸಾಧ್ಯವಾಗುತ್ತದೆ ಎಂದು ಗೂಗಲ್ ಹೇಳುತ್ತದೆ.

ಆದ್ದರಿಂದ ಇನ್ಮುಂದೆ ಈ ಬ್ಲೂ ಟಿಕ್‌ನೊಂದಿಗೆ, ಬಳಕೆದಾರರು ವಂಚನೆಗೆ ಬಲಿಯಾಗದಂತೆ ಉಳಿಸಬಹುದು. ಅದಕ್ಕಾಗಿಯೇ ಈ ವೈಶಿಷ್ಟ್ಯವನ್ನು ಗೂಗಲ್ ಹೊರತಂದಿದೆ. ಇದು Google Workspace, G Suite Basic ಮತ್ತು Business ನ ಎಲ್ಲಾ ಗ್ರಾಹಕರಿಗೆ ಲಭ್ಯವಾಗಿದೆ.

ಈ ಸೇವೆಯನ್ನು ಶೀಘ್ರದಲ್ಲೇ ವೈಯಕ್ತಿಕ Google ಖಾತೆದಾರರಿಗೂ ನೀಡಲಾಗುವುದು. ಒಳ್ಳೆಯ ವಿಷಯವೆಂದರೆ ಪ್ರಸ್ತುತ ಗೂಗಲ್ ತನ್ನ ಬ್ಲೂ ಟಿಕ್ ಸೇವೆಯನ್ನು ಉಚಿತವಾಗಿ ಇರಿಸಿದೆ.ಟ್ವಿಟರ್‌ನಂತೆ, ಗೂಗಲ್​ ಈ ಸೇವೆಗಾಗಿ ಯಾವುದೇ ಹಣವನ್ನು ತೆಗೆದುಕೊಳ್ಳುತ್ತಿಲ್ಲ.

ಸದ್ಯ ಗೂಗಲ್ ಬ್ಲೂಟಿಕ್​ ಸೇವೆಯನ್ನು ಕೆಲವೊಂದು ಪ್ರತಿಷ್ಠಿತ ಕಂಪನಿಗಳ ಜಿಮೇಲ್ ಅಕೌಂಟ್​ಗಳಿಗೆ ಮಾತ್ರ ನೀಡಲಾಗುತ್ತದೆ. ನಂತರದ ದಿನಗಳಲ್ಲಿ ವೈಯಕ್ತಿಕ ಅಕೌಂಟ್​ಗಳಿಗೆ ಬ್ಲೂಟಿಕ್ ಸೇವೆಯನ್ನು ನೀಡುವುದಾಗಿ ಗೂಗಲ್ ಹೆಳಿದೆ.

ಸೆಲೆಬ್ರಿಟಿಗಳಿಗೂ ಬ್ಲೂ ಟಿಕ್ ಸಿಗಲಿದೆ: ಗೂಗಲ್ ಹಂತ ಹಂತವಾಗಿ ಬ್ಲೂ ಟಿಕ್ ಸೇವೆಯನ್ನು ಜಾರಿಗೆ ತರಲಿದೆ. ಕಂಪನಿಗಳ ನಂತರ, ಮುಂದಿನ ಹಂತದಲ್ಲಿ, ಪ್ರಸಿದ್ಧ ಸೆಲೆಬ್ರಿಟಿಗಳು, ಮಾಧ್ಯಮದವರು ಮತ್ತು ಇತರರಿಗೆ ಬ್ಲೂ ಟಿಕ್ ನೀಡಲಾಗುವುದು. ಈ ಬ್ಲೂ ಟಿಕ್‌ಗಾಗಿ, ಬಳಕೆದಾರರು ತಮ್ಮ ಖಾತೆಯನ್ನು ಪರಿಶೀಲಿಸಬೇಕಾಗುತ್ತದೆ. ಈ ಬ್ಲೂ ಟಿಕ್ ಸೇವೆಯು ಟ್ವಿಟರ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಮ್‌ನಂತೆಯೇ ಇರುತ್ತದೆ.