ಆನ್​ಲೈನ್​ನಲ್ಲಿ ಮೂರು ಕೋಟಿ ಡೆಬಿಟ್-ಕ್ರೆಡಿಟ್ ಕಾರ್ಡ್ ಮಾಹಿತಿಗೆ ಕನ್ನ!; ಇದರಲ್ಲಿ ನಿಮ್ಮದೂ ಇರಬಹುದು ಎಚ್ಚರ

ಇದು ಆನ್ಲೈನ್ ಯುಗ. ವಿಶ್ವದ ಯಾವುದೋ ಮೂಲೆಯಲ್ಲಿ ಕೂತು ಮತ್ತಾವುದೋ ಮೂಲೆಯಲ್ಲಿರುವ ಬ್ಯಾಂಕ್ಗೆ ಸುಲಭವಾಗಿ ಕನ್ನ ಹಾಕಬಹುದು.

ನಿತ್ಯ ಈ ರೀತಿಯ ನೂರಾರು ಪ್ರಕರಣಗಳು ನಡೆಯುತ್ತಲೇ ಇರುತ್ತವೆ.

ಕೆಲ ವರ್ಷಗಳ ಹಿಂದೆ ಬಾಂಗ್ಲಾದೇಶದ ಬ್ಯಾಂಕ್ಅನ್ನು ಆನ್​ಲೈನ್ ಮೂಲಕ ದೋಚಿದ್ದ ವಿಚಾರ ಭಾರೀ ಸುದ್ದಿಯಾಗಿತ್ತು.

ಈಗ ಮತ್ತೊಂದು ದೊಡ್ಡ ಪ್ರಮಾಣದ ಹ್ಯಾಕಿಂಗ್ ನಡೆದಿದೆ.

ವಾವಾ (Wawa) ಗ್ಯಾಸ್ ಸಂಸ್ಥೆಯ ಸರ್ವರ್ ಗೆ ಕನ್ನ ಹಾಕಲಾಗಿದ್ದು, ಸುಮಾರು 3 ಕೋಟಿ ಡೆಬಿಟ್ ಹಾಗೂ ಕ್ರೆಡಿಟ್ ಕಾರ್ಡ್​ಗಳ ಮಾಹಿತಿಗೆ ಕನ್ನ ಹಾಕಲಾಗಿದೆ.

ಸುಮಾರು 850 ಸ್ಟೋರ್ಗಳ ಮೇಲೆ ಹ್ಯಾಕರ್ ಗಳು ತಮ್ಮ ಕೈಚಳಕ ತೋರಿದ್ದು, ಭಾರೀ ಪ್ರಮಾಣದ ಮಾಹಿತಿ ಕದ್ದಿದ್ದಾರೆ.

ಇದರಲ್ಲಿ ವಿವಿಧ ದೇಶಗಳ ಮಾಹಿತಿ ಇದೆ ಎನ್ನಲಾಗಿದೆ.

ಅಂದಹಾಗೆ, ಏಷಿಯನ್ ದೇಶಗಳ ಗ್ರಾಹಕರ ಮಾಹಿತಿಯೂ ಸೋರಿಕೆ ಆಗಿದೆ.

ಹೀಗೆ ಕದಿಯಲಾದ ಮಾಹಿತಿಯನ್ನು ಈಗಾಗಲೇ ಮಾರಾಟ ಮಾಡಲಾಗಿದೆಯಂತೆ.

ಹೀಗಾಗಿ ಕದಿಯಲ್ಪಟ್ಟ ಮಾಹಿತಿ ಬಳಕೆ ಮಾಡಿಕೊಂಡು ಯಾವುದೆ ಕ್ಷಣದಲ್ಲಿ ಬೇಕಿದ್ದರೂ ನಿಮ್ಮ ಬ್ಯಾಂಕ್​ ಖಾತೆಯಿಂದ ಹಣವನ್ನು ಮಾಯಮಾಡಬಹುದು.

ಇದು ಈ ವರೆಗೆ ನಡೆದ ಅತಿ ದೊಡ್ಡ ಡಾಟಾ ಕಳ್ಳತನ ಪ್ರಕರಣ ಎನ್ನಲಾಗಿದೆ.