Indian Railways: ಸಿಕ್ಕ ಸಿಕ್ಕ ಕಡೆ ವ್ಲಾಗ್‌ ಮಾಡೋಕೆ ಕ್ಯಾಮೆರಾ ತೆಗಿತೀರಾ? ರೈಲಿನಲ್ಲಿದ್ದಾಗ ಈ ಕೆಲ್ಸ ಮಾತ್ರ ಮಾಡ್ಬೇಡಿ!

ಇಂದಿನ ದಿನದಲ್ಲಿ ಮೊಬೈಲ್​ ಬಳಕೆದಾರರ ಸಂಖ್ಯೆ ಹೆಚ್ಚಾಗಿದೆ. ಆದ್ರೆ ಕೆಲವೊಂದು ವಿಷಯದಲ್ಲಿ ಮೊಬೈಲ್​ಗಳು ಅಗತ್ಯವಾದ ಸಾಧನವಾಗಿದ್ದರೆ. ಇನ್ನೂ ಕೆಲವು ಸಂದರ್ಭಗಳಲ್ಲಿ ಈ ಮೊಬೈಲ್​ಗಳು ಹಲವಾರು ಸಮಸ್ಯೆಗಳನ್ನು ತಂದೊಡ್ಡುತ್ತವೆ.

ಇನ್ನು ಸೋಶಿಯಲ್​ ಮೀಡಿಯಾಗಳ ಬಗ್ಗೆ ಹೇಳುವುದೇ ಬೇಡ. ಏಕೆಂದರೆ ಇದು ಸಹ ಒಂದು ರೀತಿಯಲ್ಲಿ ಮನರಂಜನಾ ಮಾಧ್ಯಮವಾಗಿ ಬದಲಾಗಿದೆ. ಇತ್ತೀಚೆಗೆ ಟಿವಿ, ರೇಡಿಯೋಗಳಿಗಿಂತ ಸೋಶಿಯಲ್ ಮೀಡಿಯಾ ನೋಡಿದ್ರೆ ಸಾಕು ಒಮ್ಮೆಗೆ ಮನೋರಂಜನೆ ಸಿಗುತ್ತೆ. ಇನ್ನು ಸೋಶಿಯಲ್​ ಮೀಡಿಯಾಗಳಿಂದಲೇ ಹೆಚ್ಚಿನವರು ಹಣವನ್ನು ಸಹ ಸಂಪಾದಿಸುತ್ತಿದ್ದಾರೆ.

ಸೋಶಿಯಲ್ ಮೀಡಿಯಾಗಳಲ್ಲಿ ಹಣ ಸಂಪಾದಿಸಲಿರುವ ಉತ್ತಮ ವೇದಿಕೆಯೆಂದರೆ ಅದು ಯೂಟ್ಯೂಬ್​. ಅದಕ್ಕಾಗಿ ಹಲವಾರು ಮಂದಿ ಫೂಡ್​ ರಿವೀವ್​, ಸಿನಿಮಾ ರಿವೀವ್ ಅಂತೆಲ್ಲಾ ವ್ಲಾಗ್ ಮಾಡುತ್ತಾರೆ. ಇನ್ನೂ ಕೆಲವರು ಟ್ರಾವೆಲ್ ಬ್ಲಾಗ್ ಸಹ ಮಾಡುತ್ತಾರೆ. ಹೀಗೆ ಮಾಡಿಯೇ ಯೂಟ್ಯೂಬ್​ನಲ್ಲಿ ಹೆಚ್ಚಿನವರು ತಿಂಗಳಿಗೆ ಲಕ್ಷಗಟ್ಟಲೆ ಹಣ ಸಂಪಾದನೆ ಮಾಡ್ತಾ ಇದ್ದಾರೆ.

ಇನ್ನು ಕೆಲವರು ತಮ್ಮದೇ ಆದ ವ್ಲಾಗ್​ ಚಾನೆಲ್​​ಗಳನ್ನು ಮಾಡಿ ಸೆಲೆಬ್ರಿಟಿಗಳು ಸಹ ಆಗಿದ್ದಾರೆ. ಆದ್ರೆ ವ್ಲಾಗ್ ಮಾಡೋದಕ್ಕು ಕೆಲವೊಂದು ನಿಯಮಗಳಿವೆ. ಆದ್ರೆ ಅವುಗಳನ್ನು ತಿಳಿಯದೇ ಒಂದು ವೇಳೆ ಎಲ್ಲೆಂದರಲ್ಲಿ ವ್ಲಾಗ್ ಮಾಡಲು ಹೋದ್ರೆ ಶಿಕ್ಷೆಯಾಗೋದು ಪಕ್ಕಾ.

ಹೌದು, ಹೆಚ್ಚಿನವರು ರೈಲು, ವಿಮಾನ ಅಂತೆಲ್ಲಾ ಟ್ರಾವೆಲ್​ ಮಾಡೋ ಸಂದರ್ಭದಲ್ಲಿ ಮೊಬೈಲ್, ಕ್ಯಾಮೆರಾ ತೆಗೆದು ವ್ಲಾಗ್ ಮಾಡಲು ಮುಂದಾಗ್ತಾರೆ. ಆದ್ರೆ ಇನ್ಮುಂದೆ ರೈಲಿನಲ್ಲಿಯೂ ಫುಡ್​, ಟ್ರಾವೆಲ್​ ಅಂತಾ ವ್ಲಾಗ್ ಮಾಡೋ ಮುನ್ನ ಎಚ್ಚರದಿಂದಿರಬೇಕು. ಇಲ್ಲದಿದ್ರೆ ದಂಡ ಅನುಭವಿಸೋದು ಗ್ಯಾರಂಟಿ.

ಮೊದಲೇ ಈ ಬಗ್ಗೆ ಹಲವು ನಿಯಮಗಳಿದ್ದರೂ, ಈಗ ಈ ನಿಯಮ ಬಹಳಷ್ಟು ಕಟ್ಟುನಿಟ್ಟಾಗಿದೆ ಎಂದೇ ಹೇಳಬಹುದು. ನಿಯಮಗಳ ಪ್ರಕಾರ, ವಾಣಿಜ್ಯ ಉದ್ದೇಶಗಳಿಗಾಗಿ ವೃತ್ತಿಪರ ಕ್ಯಾಮೆರಾಗಳೊಂದಿಗೆ ರೈಲಿನೊಳಗೆ ಚಿತ್ರಗಳು ಅಥವಾ ವಿಡಿಯೋಳನ್ನು ತೆಗೆಯಲು ಸಂಬಂಧಪಟ್ಟ ರೈಲ್ವೆ ಘಟಕದ ಮುಖ್ಯ ಸಾರ್ವಜನಿಕ ಸಂಪರ್ಕ ಅಧಿಕಾರಿಯಿಂದ ಅನುಮತಿ ಅಗತ್ಯವಿದೆ.

ವಿದೇಶಿ ರೈಲಿನೊಳಗೆ ಫೋಟೋಗಳು ಅಥವಾ ವಿಡಿಯೋಗಳನ್ನು ತೆಗೆದುಕೊಳ್ಳುವ ಸಂದರ್ಭದಲ್ಲಿ, ರೈಲ್ವೆಯ PRD ಯಿಂದ ಅನುಮತಿಯನ್ನು ಪಡೆಯಬೇಕು. ಹೀಗೆ ಅನುಮತಿ ಇದ್ರೆ ಮಾತ್ರ ನೀವು ರೈಲಿನೊಳಗೆ ವ್ಲಾಗ್​, ಇನ್ನಿತರ ಶೂಟಿಂಗ್ ಮಾಡ್ಬಬಹುದು.

ವಂದೇಭಾರತ್ ಎಕ್ಸ್‌ಪ್ರೆಸ್ ಕೆಲವು ದಿನಗಳ ಹಿಂದೆ ಪುರಿಯಿಂದ ಹೌರಾಗೆ ಹಿಂದಿರುಗುವಾಗ ಅಪಘಾತಕ್ಕೀಡಾಯಿತು. ಆ ಸಮಯದಲ್ಲಿ ರೈಲು ನಿಲ್ದಾಣದಲ್ಲಿ ಬಹಳ ಹೊತ್ತು ನಿಲ್ಲಬೇಕಿತ್ತು. ಆ ರೈಲಿನಲ್ಲಿ ಹಲವಾರು ಬ್ಲಾಗರ್‌ಗಳೂ ಇದ್ದರು. ಆ ಸಮಯದಲ್ಲಿ ಬ್ಲಾಗರ್‌ಗಳು ರೈಲ್ವೇ ಪ್ರಯಾಣಿಕರ ವಿಭಾಗದೊಂದಿಗೆ ಜಗಳವಾಡಿದರು ಎಂದು ಆರೋಪಿಸಲಾಗಿದೆ. ಎರಡೂ ಕಡೆಯವರು ಪರಸ್ಪರ ಆರೋಪದ ಬೆರಳು ತೋರಿಸುತ್ತಾರೆ. ಜೊತೆಗೆ ವಿಡಿಯೋಗಳನ್ನು ಮಾಡಿದ್ದಾರೆ. ಇದಕ್ಕಾಗಿ ಈ ನಿಯಮವನ್ನು ಜಾರಿ ತರಲಾಗಿದೆ.