SBI ಬ್ಯಾಂಕ್​ನಲ್ಲಿ ಅಕೌಂಟ್ ಇದ್ಯಾ? ಈ ಹೊಸ ಸೇವೆಯ ಬಗ್ಗೆ ತಿಳಿದುಕೊಳ್ಳಿ!

ಜನಪ್ರಿಯ ಮೆಸೇಜಿಂಗ್​ ಅಪ್ಲಿಕೇಶನ್​ಗಳಲ್ಲಿ ಒಂದಾಗಿರುವ ವಾಟ್ಸಾಪ್​ ಇತ್ತೀಚೆಗೆ ತನ್ನ ಗ್ರಾಹಕರಿಗಾಗಿ ಹೊಸ ಫೀಚರ್​​ಗಳನ್ನು ಪರಿಚಯಿಸುವ ಮೂಲಕ ಬಹಳಷ್ಟು ಅಭಿವೃದ್ಧಿಯನ್ನು ಕಾಣುತ್ತಿದೆ.

ಇನ್ನೂ ಅನೇಕ ಹಲವಾರು ಹೊಸ ಫೀಚರ್​​ಗಳು ಪರೀಕ್ಷಾ ಹಂತದಲ್ಲಿದ್ದು, ಸದ್ಯದಲ್ಲೇ ವಾಟ್ಸಾಪ್​ ವಿನೂತನ ಅಪ್ಡೇಟ್ ನೀಡಲು ಮುಂದಾಗುತ್ತಿದೆ. ಇದರ ನಡುವೆ ವಾಟ್ಸಾಪ್​ ಭಾರತೀಯ ಸ್ಟೇಟ್ ಬ್ಯಾಂಕ್ (SBI) ತನ್ನ ಬಳಕೆದಾರರು ವಿಶೇಷ ಆಯ್ಕೆಯನ್ನು ಪಡೆಯಬಹುದು. ಎಸ್​​ಬಿಐ ವಾಟ್ಸಾಪ್​ ಸೇರಿಕೊಂಡು ವಾಟ್ಸಾಪ್​ ಬ್ಯಾಂಕಿಂಗ್ ಸರ್ವೀಸ್​ ಅನ್ನು ಪ್ರಾರಂಭಿಸಿದೆ.

ಇನ್ನು ಈ ಹೊಸ ಫೀಚರ್ ಬಗ್ಗೆ ಎಸ್​ಬಿಐ ಟ್ವಿಟರ್​ನಲ್ಲಿ ಟ್ವೀಟ್​ ಮಾಡಿದ್ದು, ಇದರಲ್ಲಿ “ನಿಮ್ಮ ಬ್ಯಾಂಕ್ ಈಗ ವಾಟ್ಸ್​ಆ್ಯಪ್​ನಲ್ಲಿ ಲಭ್ಯವಿದೆ. ಇದೀಗ ವಾಟ್ಸ್​ಆ್ಯಪ್ ಮೂಲಕ ನಿಮ್ಮ ಖಾತೆಯ ಹಣ ಮತ್ತು ಮಿನಿ ಸ್ಟೇಟ್​ಮೆಂಟ್ ಅನ್ನು ಪಡೆಯಬಹುದು" ಎಂದು ಹೇಳಿದೆ.

ವಾಟ್ಸಾಪ್​ನಲ್ಲಿ ಹಣ ಚೆಕ್ ಮಾಡುವುದು ಹೇಗೆ?: ಎಸ್​ಬಿಐ ವಾಟ್ಸಾಪ್​​ ಬ್ಯಾಂಕಿಂಗ್ ಸೇವೆಗಳಿಗಾಗಿ ಮೊದಲಿಗೆ ನೀವು ನಿಮ್ಮ ಖಾತೆಯನ್ನು ನೋಂದಾಯಿಸಿಕೊಳ್ಳಬೇಕು. ನೋಂದಾಯಿಸಲು, ನೀವು ಬ್ಯಾಂಕ್‌ನಲ್ಲಿ ಕೊಟ್ಟಿರುವ 10 ಅಂಕಿಯ ಮೊಬೈಲ್ ಸಂಖ್ಯೆಯಿಂದ 917208933148 ಗೆ “SMS WAREG A/c No” ಹೀಗೆ ಟೈಪ್ ಮಾಡಿ ಕಳುಹಿಸಬೇಕು.

ನಂತರ ಅಲ್ಲಿ ನಿಮಗೆ 1. ಅಕೌಂಟ್ ಬ್ಯಾಲೆನ್ಸ್, 2. ಮಿನಿ ಸ್ಟೇಟ್​ಮೆಂಟ್, 3. ವಾಟ್ಸಾಪ್​​ ಬ್ಯಾಂಕಿಂಗ್‌ನಿಂದ ಡಿ–ರಿಜಿಸ್ಟರ್ ಮಾಡಿ ಎಂಬ ಆಯ್ಕೆ ಬರುತ್ತದೆ. ಇದರಲ್ಲಿ ಆಕೌಂಟ್ ಬ್ಯಾಲೆನ್ಸ್ ತಿಳಿಯಬೇಕಾದರೆ ಒಂದನ್ನು ಟೈಪ್​ ಮಾಡಿ ಸೆಂಡ್ ಕೊಡಿ. ಆಗ ನಿಮ್ಮ ಖಾತೆಯಲ್ಲಿ ಎಷ್ಟು ಹಣವಿದೆ ಎಂದು ಸುಲಭದಲ್ಲಿ ತಿಳಿಯಬಹುದಾಗಿದೆ.

ಸ್ಪ್ಲಿಟ್ ವ್ಯೂವ್ ಫೀಚರ್​: ಸ್ಪ್ಲಿಟ್ ವ್ಯೂ ಎಂಬುದು ಸ್ಮಾರ್ಟ್‌ ಡಿವೈಸ್‌ ಬಳಕೆದಾರರಿಗೆ ಅಗತ್ಯವಾಗಿರುವ ಒಂದು ಪ್ರಮುಖ ಫೀಚರ್ಸ್‌ ಆಗಿದ್ದು, ಒಮ್ಮೆಲೆ ಒಂದೇ ಡಿಸ್‌ಪ್ಲೇನಲ್ಲಿ ಎರಡು ಆ್ಯಪ್​​ಗಳನ್ನು ಓಪನ್‌ ಮಾಡಲು ಅವಕಾಶ ನೀಡುತ್ತದೆ. ಅದರಲ್ಲೂ ಈ ಸೌಲಭ್ಯ ಇತ್ತೀಚಿನ ಸ್ಮಾರ್ಟ್‌ಫೋನ್‌ಗಳಲ್ಲಿದ್ದು, ಆಯ್ದ ಆ್ಯಪ್​​ಗಳು ಮಾತ್ರ ಈ ಸೇವೆಗೆ ಬೆಂಬಲ ನೀಡುತ್ತವೆ. ಇದರ ಸಾಲಿಗೆ ಈಗ ವಾಟ್ಸಾಪ್‌ ಸಹ ಸೇರಿಕೊಳ್ಳಲಿದೆ.

ಸ್ಟೇಟಸ್ ರಿಪೋರ್ಟ್ ಮಾಡ್ಬಹುದು:ಇದುವರೆಗೆ ವಾಟ್ಸಾಪ್​ನಲ್ಲಿ ಕೇವಲ ಸ್ಟೇಟಸ್​ ನೋಡ್ಬಹುದಿತ್ತು ಮತ್ತು ಅಪ್ಡೇಟ್​ ಮಾಡ್ಬಹುದಿತ್ತು. ಆದರೆ ಇನ್ಮುಂದೆ ನಾವು ಸ್ಟೇಟಸ್ ಅನ್ನು ರಿಪೋರ್ಟ್​ ಸಹ ಮಾಡಬಹುದಾಗಿದೆ.