ಮಹೀಂದ್ರಾ ಹೊಸ ಕಾರು: ಮೈಲೇಜ್ ಬರೋಬ್ಬರಿ 520 ಕಿ.ಮೀ

ದೇಶದ ಅತಿದೊಡ್ಡ ವಾಹನ ತಯಾರಕ ಕಂಪೆನಿ ಮಹೀಂದ್ರಾ ಅ್ಯಂಡ್ ಮಹೀಂದ್ರಾ ತನ್ನ ನೂತನ ಕಾರಿನ ಕಾನ್ಸೆಪ್ಟ್​ನ್ನು ಅನಾವರಣಗೊಳಿಸಿದೆ.

ಗ್ರೇಟರ್ ನೋಯ್ಡಾದಲ್ಲಿ ಪ್ರಾರಂಭವಾಗಿರುವ ಆಟೋ ಎಕ್ಸ್‌ಪೋ 2020 ನಲ್ಲಿ ತನ್ನ ಹೊಸ ವಾಹನಗಳ ಮಾಡೆಲ್​ಗಳನ್ನು ಪರಿಚಯಿಸಿದೆ.

ಈಗಾಗಲೇ ಬಿಡುಗಡೆ ಮಾಡಿರುವ ದೇಶದ ಅಗ್ಗದ ಎಲೆಕ್ಟ್ರಿಕ್ ಕಾರು e-KUV100 ಬಳಿಕ ಇದೀಗ ಮತ್ತೊಮ್ಮೆ ಹಲವು ಎಲೆಕ್ಟ್ರಿಕ್ ಕಾರುಗಳ ಮಾದರಿಗಳನ್ನು ಪ್ರದರ್ಶನಕ್ಕಿಡಲಾಗಿದೆ.

ಹಲವು ಕಂಪೆನಿಗಳ ನೂತನ ಕಾನ್ಸೆಪ್ಟ್​ ಕಾರುಗಳ ಮಧ್ಯೆ ಎಲ್ಲರ ಗಮನ ಸೆಳೆದಿರುವುದು ಮಹೀಂದ್ರಾ ಕಂಪೆನಿಯ ಫನ್‌ಸ್ಟರ್.

ಹೌದು, ಮಹೀಂದ್ರಾ ಶೀಘ್ರದಲ್ಲೇ ಫನ್​ಸ್ಟರ್ ಎಂಬ ನೂತನ ಎಲೆಕ್ಟ್ರಿಕ್ ಸ್ಪೋರ್ಟ್ಸ್​ ಕಾರೊಂದನ್ನು ಪರಿಚಯಿಸಲಿದೆ. ಇದೊಂದು ಕನ್ವರ್ಟೇಬಲ್ ರೋಡ್​ಸ್ಟರ್ ಎಲೆಕ್ಟ್ರಿಕ್ ಕಾನ್ಸೆಪ್ಟ್ ಕಾರ್ ಆಗಿದ್ದು, ಮೊದಲ ನೋಟದಲ್ಲೇ ವಾಹನ ಪ್ರಿಯರನ್ನು ಸೆಳೆದಿದೆ. ಇದರ ವಿಶೇಷತೆಗಳೇನು?

ಫನ್​ಸ್ಟರ್ ಸ್ಪೋರ್ಟ್ಸ್ ಎಲೆಕ್ಟ್ರಿಕ್ ಕಾರ್ ಆಗಿರುವುದರಿಂದ ಇದನ್ನು ಹೈಸ್ಪೀಡ್ ಕಾರ್ ಎಂದು ಕರೆದರೆ ತಪ್ಪಾಗಲಾರದು. ಇದರಲ್ಲಿ ಡ್ಯುಯಲ್ ಎಲೆಕ್ಟ್ರಿಕ್ ಮೋಟರ್ ಮತ್ತು ಎಡಬ್ಲ್ಯೂಡಿ (ಆಲ್ ವೀಲ್ ಡ್ರೈವ್) ವ್ಯವಸ್ಥೆಯನ್ನು ನೀಡಲಾಗಿದೆ.

ಫನ್​ಸ್ಟರ್ ಕಾನ್ಸೆಪ್ಟ್​ ಕಾರ್ಯಕ್ಷಮತೆಯನ್ನು ಗಣನೆಗೆ ತೆಗೆದುಕೊಂಡರೆ ಸದ್ಯಕ್ಕಿರುವ ವಾಹನಗಳಲ್ಲಿ ಮುಂಚೂಣಿಯಲ್ಲಿ ನಿಲ್ಲುತ್ತದೆ. ಏಕೆಂದರೆ ಇದು 313 ಅಶ್ವ ಶಕ್ತಿಯನ್ನು ಉತ್ಪಾದಿಸಲಿದೆ.

ಇನ್ನು ವೇಗವು ಗಂಟೆಗೆ 200 ಕಿಲೋಮೀಟರ್. ಹಾಗೆಯೇ ಕೇವಲ ಐದು ಸೆಕೆಂಡುಗಳಲ್ಲಿ ಗಂಟೆಗೆ 0 ರಿಂದ 100 ಕಿಲೋಮೀಟರ್ ವೇಗವನ್ನು ಪಡೆಯಬಹುದು. ಸ್ಪೋರ್ಟಿ ಇಂಟೀರಿಯರ್‌ಸ್ಪೀಡ್ ಜೊತೆಗೆ, ವೇಗವಾಗಿ ಚಲಿಸುವ ಸಾಮರ್ಥ್ಯ ಹೊಂದಿರುವ ಕಾರುಗಳಲ್ಲಿ ಫನ್​ಸ್ಟರ್ ಗುರುತಿಸಿಕೊಳ್ಳಲಿದೆ.

ಅದೇ ರೀತಿ ಫನ್​ಸ್ಟರ್​ನಲ್ಲಿ ನಾಲ್ಕು ಜನರು ಆರಾಮಾಗಿ ಕುಳಿತುಕೊಳ್ಳಬಹುದು. ಇನ್ನು ಕಾರಿನ ಮುಂಭಾಗದಲ್ಲಿ ಫಾಲೋಟಿಂಗ್ ಟೈಲ್ ಲ್ಯಾಂಪ್‌ಗಳು, ಸ್ಪೋರ್ಟ್ಸ್ ಶೂ ಇನ್ಸ್​ಪೇರ್ಡ್ ವೀಲ್ ಆರ್ಕ್‌ಗಳು ಮತ್ತು ಸ್ಪೋರ್ಟಿ ಇಂಟೀರಿಯರ್ ಲುಕ್​ನಲ್ಲಿ ಇದನ್ನು ವಿನ್ಯಾಸಗೊಳಿಸಲಾಗಿದೆ.

ಹಾಗೆಯೇ ಈ ಕಾರನ್ನು ಒಂದು ಬಾರಿ ಸಂಪೂರ್ಣ ಚಾರ್ಜ್ ಮಾಡಿದರೆ ಬರೋಬ್ಬರಿ 520 ಕಿಲೋಮೀಟರ್​ವರೆಗೆ ಪ್ರಯಾಣಿಸಬಹುದು.

ಆದರೆ ನೂತನ ಕಾರಿನ ಬೆಲೆಯನ್ನು ಮಹೀಂದ್ರಾ ಕಂಪೆನಿ ಎಲ್ಲೂ ಬಹಿರಂಗಪಡಿಸಿಲ್ಲ.

ಫನ್​ಸ್ಟರ್