Galaxy S22 Price: ಹೊಸ ಮೊಬೈಲ್​ ಬಿಡುಗಡೆಯಾಗ್ತಿದ್ದ ಹಾಗೆ ಈ ಸ್ಮಾರ್ಟ್​​ಫೋನ್​ ಬೆಲೆ ಭರ್ಜರಿ ಇಳಿಕೆ!

ಭಾರೀ ಮುಂಚೂಣಿಯಲ್ಲಿರುವ ಎಲೆಕ್ಟ್ರಾನಿಕ್ಸ್ ತಯಾರಿಕಾ ಕಂಪನಿ ಸ್ಯಾಮ್‌ಸಂಗ್ ತನ್ನ ಗ್ರಾಹಕರಿಗೆ ಇತ್ತೀಚೆಗಷ್ಟೇ ಸ್ಮಾರ್ಟ್​​ಫೋನ್ ಅನ್ನು ಲಾಂಚ್ ಮಾಡುವ ಮೂಲಕ ಸಿಹಿ ಸುದ್ದಿಯೊಂದನ್ನು ನೀಡಿದೆ. ಇದೀಗ ಮತ್ತೆ ಸೂಪರ್ ಸುದ್ದಿ ತಂದಿದ್ದಾರೆ. ಈ ಕಂಪೆನಿಯ ಸ್ಮಾರ್ಟ್ ಫೋನ್ ಬೆಲೆಯನ್ನು ಭಾರೀ ಪ್ರಮಾಣದಲ್ಲಿ ಕಡಿತಗೊಳಿಸುವುದಾಗಿ ಘೋಷಿಸಿದೆ. ಹೊಸ ಫೋನ್ ಖರೀದಿಸುವ ಆಲೋಚನೆಯಲ್ಲಿರುವವರಿಗೆ ಇದು  ಉತ್ತಮ ಆಯ್ಕೆಯಾಗಿದೆ.

ಸ್ಯಾಮ್‌ಸಂಗ್ ಇತ್ತೀಚೆಗೆ ಗ್ಯಾಲಕ್ಸಿ ಎಸ್​23 ಸರಣಿಯ ಸ್ಮಾರ್ಟ್‌ಫೋನ್‌ಗಳನ್ನು ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಿದೆ. ಈ ಕ್ರಮದಲ್ಲಿ, ಸ್ಯಾಮ್‌ಸಂಗ್ ಕಂಪನಿಯು ತನ್ನ ಗ್ಯಾಲಕ್ಸಿ ಎಸ್ 22 ಸರಣಿಯ ಸ್ಮಾರ್ಟ್‌ಫೋನ್‌ಗಳ ಬೆಲೆಯನ್ನು ಕಡಿಮೆ ಮಾಡಿದೆ.

ಪ್ರಸ್ತುತ, ಸ್ಯಾಮ್​​ಸಂಗ್ ಗ್ಯಾಲಕ್ಸಿ ಎಸ್​22 ಮಾದರಿಯು ರೂ. 57,999 ಬೆಲೆಯನ್ನು ಹೊಂದಿದೆ. ಅಂದರೆ ಸ್ಯಾಮ್ಸಂಗ್ ಕಂಪನಿಯು ಈ ಫೋನ್ ಬೆಲೆ ರೂ. 15 ಸಾವಿರ ಕಡಿಮೆಯಾಗಿದೆ ಎನ್ನಬಹುದು. ಸ್ಯಾಮ್​ಸಂಗ್ ಗ್ಯಾಲಕ್ಸಿ ಎಸ್​22 ಅನ್ನು ದೇಶೀಯ ಮಾರುಕಟ್ಟೆಯಲ್ಲಿ ರೂ. 72,999 ಬೆಲೆ ನಿಗದಿ ಮಾಡಲಾಗಿದೆ. ಈ ದರವು 8 GB RAM, 128 GB ಸ್ಟೋರೇಜ್​ ಹೊಂದಿದ ರೂಪಾಂತರಕ್ಕೆ ಅನ್ವಯಿಸುತ್ತದೆ.

ಆದರೆ ಈಗ ಈ ಸ್ಯಾಮ್ ಸಂಗ್ ಫೋನ್ ಬೆಲೆ ಕಡಿಮೆಯಾಗಿದೆ. Galaxy S22 ಬೆಲೆ ರೂ. 53,490 ರೂ.ನಿಂದ ಪ್ರಾರಂಭವಾಗಿದೆ. ಈ ಫೋನ್ ಗ್ರಾಹಕರಿಗೆ ಬಿಳಿ, ಹಸಿರು, ಕಪ್ಪು, ಗುಲಾಬಿ ಚಿನ್ನ, ನೇರಳೆ ಬಣ್ಣಗಳಲ್ಲಿ ಲಭ್ಯವಿದೆ.

ಇನ್ನು ಈ ಸ್ಮಾರ್ಟ್‌ಫೋನ್ 50 MP ವೈಡ್ ಆ್ಯಂಗಲ್ ಕ್ಯಾಮೆರಾ, 12 MP ಅಲ್ಟ್ರಾ ವೈಡ್ ಸೆನ್ಸಾರ್ ಮತ್ತು 10 MP ಟೆಲಿಫೋಟೋ ಕ್ಯಾಮೆರಾದಂತಹ ಟ್ರಿಪಲ್ ರಿಯರ್ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದೆ. ಅಲ್ಲದೆ, ಮುಂಭಾಗದಲ್ಲಿ ಈ ಫೋನ್ 10 MP ಸೆಲ್ಫಿ ಕ್ಯಾಮೆರಾವನ್ನು ಹೊಂದಿದೆ.

ಅಲ್ಲದೆ, ಈ ಸ್ಮಾರ್ಟ್​​​ಫೋನ್​ ಡ್ಯುಯಲ್ ಸಿಮ್ ಫೀಚರ್​ ಅನ್ನು ಹೊಂದಿದೆ. ಇದು 120 Hz ರಿಫ್ರೆಶ್ ದರವನ್ನು ಹೊಂದಿದೆ. ಇದು ಡೈನಾಮಿಕ್ ಅಮೋಲ್ಡ್​ 2ಕೆ ಡಿಸ್ಪ್ಲೇ ಹೊಂದಿದೆ. ಅಲ್ಲದೆ, ಈ ಫೋನ್ 4nm ಪ್ರೊಸೆಸರ್​ನೊಂದಿಗೆ ಬರುತ್ತದೆ. ಇದು ಕಂಪನಿಯ ಅತ್ಯಂತ ವೇಗದ ಚಿಪ್ ಎಂದು  ಸ್ಯಾಮ್​ಸಂಗ್​ ಹೇಳಿಕೊಂಡಿದೆ.

ಇನ್ನು ಈ ಸ್ಮಾರ್ಟ್​​ಫೋನ್​ನಲ್ಲಿ ಬೆಲೆ ಕಡಿತದ ಜೊತೆಗೆ, ಕಂಪನಿಯು ಮತ್ತೊಂದು ಕೊಡುಗೆಯನ್ನು ಲಭ್ಯಗೊಳಿಸಿದೆ. ಈ ಮೂಲಕ ಟ್ರೇಡ್-ಇನ್ ಡೀಲ್ ಅನ್ನು ನೀಡುತ್ತಿದೆ. ಇದರಿಂದ ಹೆಚ್ಚುವರಿಯಾಗಿ ರೂ. 31 ಸಾವಿರ ರಿಯಾಯಿತಿ ಪಡೆಯಬಹುದು. ಈ ಆಫರ್ ಅನ್ನು ಪಡೆಯಬೇಕಾದರೆ ನಿಮ್ಮ ಹಳೆಯ ಸ್ಮಾರ್ಟ್​​ಫೋನ್ ಅನ್ನು ವಿನಿಮಯ ಮಾಡಿಕೊಳ್ಳಬೇಕು.

ಫೆಬ್ರವರಿ 1 ರಂದು ಸ್ಯಾಮ್‌ಸಂಗ್ ಮೂರು ಸ್ಮಾರ್ಟ್‌ಫೋನ್‌ಗಳನ್ನು ಬಿಡುಗಡೆ ಮಾಡಿತು ಅವುಗಳೆಂದರೆ  ಗ್ಯಾಲಕ್ಸಿ ಎಸ್​23 ಅಲ್ಟ್ರಾ, ಗ್ಯಾಲಕ್ಸಿ ಎಸ್​23 ಪ್ಲಸ್​ ಮತ್ತು ಗ್ಯಾಲಕ್ಸಿ ಎಸ್​23. ಇದು ನಾಲ್ಕು ಬಣ್ಣಗಳಲ್ಲಿ ಗ್ರಾಹಕರಿಗೆ ಲಭ್ಯವಾಗಲಿದೆ. ಈ ಸ್ಮಾರ್ಟ್‌ಫೋನ್‌ಗಳು 200 MP ಕ್ಯಾಮೆರಾದಂತಹ ವೈಶಿಷ್ಟ್ಯಗಳನ್ನು ಹೊಂದಿವೆ. ಇದನ್ನು ಪ್ರೀ ಬುಕಿಂಗ್ ಮೂಲಕವೂ ಖರೀದಿ ಮಾಡಬಹುದು.