Smartphone Hang: ಸ್ಮಾರ್ಟ್​​​ಫೋನ್​ಗಳು ಹ್ಯಾಂಗ್​ ಆಗ್ತಿದ್ಯಾ? ಇಲ್ಲಿದೆ 5 ಟ್ರಿಕ್ಸ್​

ಸ್ಮಾರ್ಟ್​ಫೋನ್​ಗಳು ಹಳೆಯದಾದಂತೆ ಅದರ ಕಾರ್ಯವೈಖರಿ ಸಹ ನಿಧಾನವಾಗುತ್ತದೆ. ಫೋನ್ ಹ್ಯಾಂಗಿಂಗ್ ಬಳಕೆದಾರರಿಗೆ ತುಂಬಾ ತೊಂದರೆಯನ್ನುಂಟು ಮಾಡುತ್ತದೆ. ಇದರಿಂದ ಫೋನ್ ನಿಧಾನವಾಗಿ ಕಾರ್ಯನಿರ್ವಹಿಸಲು ಪ್ರಾರಂಭಿಸಿದಾಗ, ನಂತರ ಸ್ಮಾರ್ಟ್​​ಫೋನ್​ ಅನ್ನು ಸರಿಯಾಗಿ ಬಳಕೆ ಮಾಡಲು ಸಾಧ್ಯವಾಗುವುದಿಲ್ಲ.

ಕೆಲವೊಮ್ಮೆ ಅತಿಯಾಗಿ ಫೋನ್​ಗಳು ಹ್ಯಾಂಗ್​ ಆದಾಗ ಹಳೆಯ ಫೋನ್​ ಅನ್ನು ಎಸೆದು ಹೊಸ ಸ್ಮಾರ್ಟ್​​ಫೋನ್​ ಖರೀದಿ ಮಾಡುವ ಎಂದಾಗುತ್ತದೆ. ಆದರೆ ಈ ಕೆಳಗೆ ನೀಡಿರುವ ಟ್ರಿಕ್ಸ್​ ಮೂಲಕ ನಿಮ್ಮ ಮೊಬೈಲ್​ನ ಹ್ಯಾಂಗಿಂಗ್​ ಸಮಸ್ಯೆಯನ್ನು ಬಗೆಹರಿಸಬಹುದು.

ಕ್ಯಾಶೆ ಕ್ಲಿಯರ್​: ಕ್ಯಾಶೆ ಡೇಟಾ ಕ್ಲಿಯರ್ ಮಾಡುವುದರಿಂದ ಫೋನ್ ನ ವೇಗ ಹೆಚ್ಚಾಗುತ್ತದೆ. ಕ್ಯಾಶೆಗಳು ನಿಷ್ಪ್ರಯೋಜಕ ಫೈಲ್‌ಗಳಾಗಿವೆ, ಅವು ನಮ್ಮ ಫೋನ್‌ನಲ್ಲಿ ಯಾವುದೇ ಉಪಯೋಗವಿಲ್ಲ.ಜೊತೆಗೆ ಇದು ಮೊಬೈಲ್​ನ ಸ್ಟೋರೇಜ್​ ಸಾಮರ್ಥ್ಯವನ್ನೂ ತುಂಬಿಸುತ್ತದೆ.

ಕ್ಯಾಶೆ ಕ್ಲಿಯರ್​ ಮಾಡಲು ವಿಧಾನ: ಮೊದಲು ನೀವು ಫೋನ್‌ನ ಸೆಟ್ಟಿಂಗ್‌ಗಳಿಗೆ ಹೋಗಬೇಕು, ಅಲ್ಲಿ ಸ್ಟೋರೇಜ್​ ಅನ್ನು ಟ್ಯಾಪ್ ಮಾಡಿ. ಇಲ್ಲಿ ನೀವು ಕ್ಯಾಶೆ ಡೇಟಾ ಮೇಲೆ ಟ್ಯಾಪ್ ಮಾಡಿ. ಇಲ್ಲಿ ನಿಮಗೆ ಕ್ಯಾಶೆ ಕ್ಲಿಯರ್​ ಮಾಡಲು ಆಯ್ಕೆ ಸಿಗುತ್ತದೆ.

ಆ್ಯಪ್​ ಬಳಕೆ ಕ್ಲಿಯರ್​ ಮಾಡಿ: ಫೋನ್ ಬಳಸುವಾಗ, ನಾವು ಒಂದರ ನಂತರ ಒಂದು ಅಪ್ಲಿಕೇಶನ್ ಅನ್ನು ತೆರೆಯುತ್ತೇವೆ. ಆದರೆ ಅಪ್ಲಿಕೇಶನ್‌ಗಳು ಹಿನ್ನೆಲೆಯಲ್ಲಿ ರನ್ ಆಗುತ್ತಲೇ ಇರುತ್ತವೆ ಮತ್ತು ಅದರ ಕಾರಣದಿಂದಾಗಿ ಫೋನ್ ಹ್ಯಾಂಗ್ ಆಗಲು ಪ್ರಾರಂಭಿಸುತ್ತದೆ. ಇನ್ನು ಈ ಕಾರಣದಿಂದಾಗಿ, ಬ್ಯಾಟರಿಯು ಬೇಗನೆ ಖಾಲಿಯಾಗಬಹುದು. ಆದ್ದರಿಮದ ಆ್ಯಪ್​ಗಳನ್ನು ಬಳಕೆ ಮಾಡಿದ ನಂತರ ತಕ್ಷಣವೇ ಕ್ಲಿಯರ್ ಮಾಡ್ಬೇಕು.

ಆ್ಯಪ್‌ ಅಪ್ಡೇಟ್​: ಆ್ಯಪ್‌ಗಳ ಸಮಸ್ಯೆಯಿಂದ ಹಲವು ಬಾರಿ ಫೋನ್‌ ಹ್ಯಾಂಗ್ ಆಗಲು ಕಾರಣವಾಗುತ್ತದೆ. ಅಪ್ಡೇಟ್​ಗಳಿಗಾಗಿ ನಾವು ನಾಟಿಫಿಕೇಶನ್​ಗಳನ್ನು ಪಡೆದರೂ, ಆದರೆ ನೀವು ಚೆಕ್​ ಮಾಡಲು ಬಯಸಿದರೆ, ಇದಕ್ಕಾಗಿ ನೀವು Google Play Store ಗೆ ಹೋಗಬೇಕು ಮತ್ತು ಅಲ್ಲಿಂದ ನೀವು ಅಪ್ಲಿಕೇಶನ್ ಅನ್ನು ಅಪ್ಡೇಟ್​ ಮಾಡ್ಬಹುದು.

ರ್‍ಯಾಮ್: ಸ್ಮಾರ್ಟ್​​ಫೋನ್​ಗಳು ಹೆಚ್ಚಾಗಿ ಹ್ಯಾಂಗ್​ ಆಗಲು ಕಾರಣ ಅದು ಹೊಂದಿರುವಂತಹ ರ್‍ಯಾಮ್​ಗಳೇ ಕಾರಣ ಎಂದು ಹೇಳ್ಬಹುದು. ಈ ರ್‍ಯಾಮ್​ಗಳು ಸಾಮಾನ್ಯವಾಗಿ 4ಜಿಬಿ ಗಿಂತ ಹೆಚ್ಚಿದ್ದರೆ ಒಳ್ಳೆಯದು. ಇದಕ್ಕಿಂತ ಕಡಿಮೆ ಇದ್ದ ಸ್ಮಾರ್ಟ್​​ಫೋನ್​ಗಳೆಲ್ಲವೂ ಹ್ಯಾಂಗ್ ಆಗುತ್ತದೆ.

ಸ್ಟೋರೇಜ್​ ಕ್ಲಿಯರ್​ ಮಾಡಿ: ನಿಮ್ಮ ಸ್ಮಾರ್ಟ್​​ಫೋನ್​ಗಳಲ್ಲಿ ತನ್ನಷ್ಟಕ್ಕೆ ಕೆಲವು ಆ್ಯಪ್​ಗಳಿಂದ ಸ್ಟೊರೇಜ್ ಫುಲ್​ ಆಗುತ್ತದೆ ಮತ್ತು ಅನಗತ್ಯ ಫೋಟೋ, ವಿಡಿಯೋಗಳನ್ನು ಇಟ್ಟುಕೊಂಡಿರುವುದರಿಂದ ಸ್ಟೋರೇಜ್​ ಫುಲ್​ ಆಗುತ್ತದೆ. ಈ ಸಂದರ್ಭದಲ್ಲಿ ಮೊಬೈಲ್​ಗಳು ಹ್ಯಾಂಗ್​ ಆಗುತ್ತದೆ.