Apple Watch: ಜೀವನ್ಮರಣ ಹೋರಾಟದಲ್ಲಿದ್ದವನ ಜೀವ ಉಳಿಸಿದ ಆ್ಯಪಲ್ ವಾಚ್! ಅಷ್ಟಕ್ಕೂ ಅಲ್ಲಿ ಆಗಿದ್ದೇನು ಗೊತ್ತಾ?

ಟಾಪ್ ಟೆಕ್ ಬ್ರ್ಯಾಂಡ್‌ಗಳು ತಯಾರಿಸಿದ ಫಿಟ್ ಬ್ಯಾಂಡ್‌ಗಳು ಮತ್ತು ಸ್ಮಾರ್ಟ್ ವಾಚ್‌ಗಳು ಆರೋಗ್ಯ ಟ್ರ್ಯಾಕರ್‌ಗಳಾಗಿ ಉತ್ತಮ ಫಲಿತಾಂಶಗಳನ್ನು ನೀಡುತ್ತಿವೆ. ಅದಕ್ಕಾಗಿಯೇ ಉತ್ತಮ ಸೆನ್ಸಾರ್​​​ಗಳೊಂದಿಗೆ ಆರೋಗ್ಯವನ್ನು ಮೇಲ್ವಿಚಾರಣೆ ಮಾಡುವ ಆ್ಯಪಲ್​ ಸ್ಮಾರ್ಟ್ ವಾಚ್‌ಗಳು ಜನಪ್ರಿಯವಾಗುತ್ತಿವೆ. ಈಗಾಗಲೇ ಹಲವರ ಜೀವ ಉಳಿಸಿ ಸುದ್ದಿಯಲ್ಲಿರುವ ಆ್ಯಪಲ್ ವಾಚ್ ಇದೀಗ ಅಮೆರಿಕದ ಮತ್ತೊಬ್ಬ ವ್ಯಕ್ತಿಯ ಜೀವ ಉಳಿಸಿ ಭಾರೀ  ಸದ್ದಿನಲ್ಲಿದೆ.

ಆ್ಯಪಲ್ ಕಂಪೆನಿ ಈ ಹಿಂದೆಯೂ ಹಲವಾರು ಜನರು ವಿವಿಧ ರೀತಿಯಲ್ಲಿ ಜೀವವನ್ನು ಉಳಿಸಿದೆ. ಸ್ಮಾರ್ಟ್​ವಾಚ್​ ಹೊಂದಿರುವಂತಹ ಫೀಚರ್​​ಗಳೇ ಇದಕ್ಕೆ ಕಾರಣವಾಗಿದೆ.

ಓಹಿಯೋದ ಕ್ಲೀವ್ ಲ್ಯಾಂಡ್ ನಗರದಲ್ಲಿ ವಾಸಿಸುತ್ತಿರುವ ಕೆನ್ ಕೌನಿಹಾನ್ ಅವರು ಈ ಹಿಂದೆ ಆ್ಯಪಲ್ ವಾಚ್ ಖರೀದಿಸಿದರು. ಅಂದಿನಿಂದ,ಅವರು ವ್ಯಾಯಾಮ ಮಾಡುವಾಗ, ನಿದ್ರೆ ಮಾಡೋವಾಗಲೆಲ್ಲಾ ಬಳಸುತ್ತಿದ್ದರು.

ಆ್ಯಪಲ್ ವಾಚ್ ಒಂದು ದಿನ ಇದಕ್ಕಿದ್ದಂತೆಯೇ ಉಸಿರಾಟದ ಪ್ರಮಾಣ ಹೆಚ್ಚಾಗಿದೆ ಎಂದು ತೋರಿಸಿದೆ. ಈ ದರವು ಪ್ರತಿ ನಿಮಿಷಕ್ಕೆ ತೆಗೆದುಕೊಳ್ಳುವ ಉಸಿರಾಟದ ಸಂಖ್ಯೆ ಮತ್ತು ಇದು ಅಸಹಜವಾಗಿ ಹೆಚ್ಚಾದರೆ ಅಥವಾ ಕಡಿಮೆಯಾದರೆ ಅದು ಅನಾರೋಗ್ಯದ ಸೂಚನೆಯಾಗಿರಬಹುದು. ಸಾಮಾನ್ಯ ವಯಸ್ಕರ ಉಸಿರಾಟದ ಪ್ರಮಾಣ ನಿಮಿಷಕ್ಕೆ 12 ರಿಂದ 16 ಆಗಿರಬೇಕು. ಆದರೆ ಇದು ಉಲ್ಬಣಗೊಂಡಾಗ ಕೌನಿಹಾನ್ ಎಚ್ಚರಿಕೆಯಾದರು.

ಕೌನಿಹಾನ್ ಪ್ರತಿ ರಾತ್ರಿಯೂ ಆ್ಯಪಲ್​ ವಾಚ್ ಅನ್ನು ಧರಿಸುತ್ತಾರೆ. ಅವನು ನಿದ್ರಿಸುವಾಗ ಅವನ ಉಸಿರಾಟದ ಪ್ರಮಾಣವನ್ನು ಮೇಲ್ವಿಚಾರಣೆ ಮಾಡಿಯೇ ಮಲಗುತ್ತಿದ್ದರು. ಅದೇ ರೀತಿ ಅಪ್ಲಿಕೇಶನ್​​ಗೆ ಓಪನ್ ಮಾಡಿ ಉಸಿರಾಟದ ಡೇಟಾವನ್ನು ಚೆಕ್ ಮಾಡುತ್ತಿದ್ದರು. ಈ ಸಂದರ್ಭದಲ್ಲಿ ಅವರ ಉಸಿರಾಟದಲ್ಲಿ ಏರಿಳಿತವಾದ ಸಂದರ್ಭದಲ್ಲಿ ಆ್ಯಪಲ್​ ವಾಚ್​ ಎಚ್ಚರಿಕೆ ನೀಡಿದೆ.

ಇನ್ನು ಪ್ರತಿ ನಿಮಿಷಕ್ಕೆ ಅವರ ಉಸಿರು 14 ರಿಂದ 17-18 ಕ್ಕೆ ಹೆಚ್ಚಾಯಿತು. ಇದು ಚಿಕ್ಕ ಸಮಸ್ಯೆ ಎಂದು ಭಾವಿಸಿದ ಕೌನಿಹಾನ್ ಮೊದಲಿಗೆ ಅದರ ಬಗ್ಗೆ ಹೆಚ್ಚು ಯೋಚಿಸಲಿಲ್ಲ. ನಂತರ ಮನೆಗೆ ಹೋಗಿ ವಿಶ್ರಾಂತಿ ಪಡೆದರು.

ಈ ವಿಷಯ ತಿಳಿದ ಕುಟುಂಬಸ್ಥರು ಕೌನಿಹಾನ್‌ಗೆ ಆಸ್ಪತ್ರೆಗೆ ಹೋಗುವಂತೆ ಸೂಚಿಸಿದ್ದಾರೆ. ಎಕ್ಸ್​​ ರೇಗಳನ್ನು ಮಾಡಿದ ನಂತರ ಮತ್ತು ಔಷಧಿಗಳನ್ನು ತೆಗೆದುಕೊಂಡ ನಂತರವೂ, ಆ್ಯಪಲ್ ವಾಚ್ ಅವರಿಗೆ ಮತ್ತೆ ಮತ್ತೆ ಆರೋಗ್ಯದ ಎಚ್ಚರಿಕೆಗಳನ್ನು ಕಳುಹಿಸಿತು. ಈ ಹಿನ್ನೆಲೆಯಲ್ಲಿ ಕೌನಿಹಾನ್ ಅವರ ರಕ್ತದ ಆಮ್ಲಜನಕದ ಮಟ್ಟವು 90-95 ರಿಂದ 80-85 ಕ್ಕೆ ಇಳಿಯಲಾರಂಭಿಸಿತು.

ನಂತರ ಮತ್ತೆ ಆಸ್ಪತ್ರೆಗೆ ಹೋದ ನಂತರ, ಕೆಲವು ಸ್ಕ್ಯಾನ್​​ಗಳನ್ನು ಮಾಡಲಾಯಿತು. ಆಗ ವೈದ್ಯರು ಕೌನಿಹಾನ್ ಅವರ ಶ್ವಾಸಕೋಶದಲ್ಲಿ ರಕ್ತ ಹೆಪ್ಪುಗಟ್ಟಿರುವುದನ್ನು ಕಂಡುಹಿಡಿದರು. ಈ ಸಂದರ್ಭದಲ್ಲಿ ಕ್ಲೀವ್ ಲ್ಯಾಂಡ್ ಕ್ಲಿನಿಕ್ ನಲ್ಲಿ ಕಾರ್ಯನಿರ್ವಹಿಸುತ್ತಿರುವ ಡಾ.ಲೂಸಿ ಫ್ರಾಂಝಿಕ್ ಮಾತನಾಡಿ, ರಕ್ತ ಹೆಪ್ಪುಗಟ್ಟುವಿಕೆಯ ಬಗ್ಗೆ ಇಷ್ಟು ಬೇಗ ತಿಳಿದುಕೊಂಡರೆ ಒಳ್ಳೆಯದು, ಇಲ್ಲದಿದ್ದರೆ ಅದು ಜೀವಕ್ಕೆ ಅಪಾಯ ತಂದೊಡ್ಡಬಹುದು. ಆದ್ದರಿಂದ ಆ್ಯಪಲ್ ವಾಚ್​ ಬಹಳಷ್ಟು ಸಹಕಾರಿಯಾಗಿದೆ ಎಂದಿದ್ದಾರೆ.