New Budget Smartwatch: ಭಾರತದ ಮಾರುಕಟ್ಟೆಗೆ ಮತ್ತೊಂದು ಬಜೆಟ್​ ಸ್ಮಾರ್ಟ್​​ವಾಚ್ ಬಿಡುಗಡೆ! ಕೇವಲ 1999 ರೂಪಾಯಿ

ಭಾರತದಲ್ಲಿ ಸ್ಮಾರ್ಟ್ ವಾಚ್‌ಗಳ ಬಳಕೆ ಮತ್ತು ಮಾರಾಟವು ವ್ಯಾಪಕವಾಗಿ ಬೆಳೆಯುತ್ತಿದೆ. ಇತ್ತೀಚೆಗೆ ಹೆಚ್ಚು ಜನರು ಈ ಸ್ಮಾರ್ಟ್ ವಾಚ್‌ಗಳನ್ನು ಬಳಸಲು ಆಸಕ್ತಿ ತೋರಿಸುತ್ತಿದ್ದಾರೆ. ಇದರೊಂದಿಗೆ ಈಗ ಹಲವು ಕಂಪನಿಗಳು ಸಹ ಹೊಸ ಸ್ಮಾರ್ಟ್ ವಾಚ್ ಗಳನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡುತ್ತಿವೆ.

ಇತ್ತೀಚೆಗೆ,ಪೆಬಲ್ ಫ್ರಾಸ್ಟ್ ಬ್ಲೂಟೂತ್ ಕಾಲಿಂಗ್ ಸ್ಮಾರ್ಟ್ ವಾಚ್ ಅನ್ನು ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಿದೆ. ಸೂಪರ್ ಲುಕ್‌ನೊಂದಿಗೆ ಬಿಡುಗಡೆಯಾಗಿರುವ ಈ ಸ್ಮಾರ್ಟ್ ವಾಚ್ ವಾಟರ್​ ಪ್ರೂಫ್​ ಫೀಚರ್​ ಅನ್ನು ಹೊಂದಿದೆ.

ಪೆಬಲ್​ ಫ್ರಾಸ್ಟ್ ಸ್ಮಾರ್ಟ್ ವಾಚ್ 1.87-ಇಂಚಿನ ಐಪಿಎಸ್ 2.5D ಡಿಸ್‌ಪ್ಲೇಯನ್ನು ಹೊಂದಿದೆ. ಇದು ಬಲಭಾಗದಲ್ಲಿರುವ ಕ್ರೌನ್ ಬಟನ್ ಆಯ್ಕೆಯೊಂದಿಗೆ ವಾಚ್‌ಗೆ ಹೆಚ್ಚಿನ ಆಕರ್ಷಣೆಯನ್ನು ನೀಡುತ್ತದೆ. ಇದಲ್ಲದೆ ಈ ಸ್ಮಾರ್ಟ್​ವಾಚ್​ 100 ಕ್ಕೂ ಹೆಚ್ಚು ವಾಚ್ ಫೇಸ್​ಗಳನ್ನು ಹೊಂದಿದೆ. ಈ ಆಯ್ಕೆಯಲ್ಲಿ ನಿಮ್ಮ ಆಯ್ಕೆಯ ವಾಚ್ ಫೇಸ್ ಅನ್ನು ನೀವು ಸೆಟ್​ ಮಾಡಿ ಇಟ್ಟುಕೊಳ್ಳಬಹುದು.

ಪೆಬಲ್ ಫ್ರಾಸ್ಟ್ ಸ್ಮಾರ್ಟ್ ವಾಚ್ ಆ್ಯಪಲ್ ಸ್ಮಾರ್ಟ್ ವಾಚ್ ನ ವಿನ್ಯಾಸ ಮತ್ತು ವೈಶಿಷ್ಟ್ಯಗಳನ್ನು ಹೊಂದಿದೆ. ಇದು ಆ್ಯಪಲ್ ವಾಚ್‌ನಂತೆಯೇ ಇರುವುದರಿಂದ, ಇದು SPO2, 24X7 ಹೃದಯ ಬಡಿತ ಮಾನಿಟರಿಂಗ್ ಆಯ್ಕೆಯನ್ನು ಹೊಂದಿದೆ. ಇದು ಸ್ಟೆಪ್ ಪೆಡೋಮೀಟರ್, ಸ್ಲೀಪ್ ಮಾನಿಟರ್, ಕ್ಯಾಲೋರಿ ಮಾನಿಟರ್, ಸ್ಟಾಪ್‌ವಾಚ್, ಪಾಸ್‌ವರ್ಡ್ ಲಾಕ್ ಆಯ್ಕೆಗಳನ್ನು ಸಹ ಒಳಗೊಂಡಿದೆ.

ಅಲ್ಲದೆ, ಈ ಸ್ಮಾರ್ಟ್ ವಾಚ್ ಸ್ಪೋರ್ಟ್ಸ್ ಮೋಡ್ ಆಯ್ಕೆಯನ್ನು ಹೊಂದಿದದೆ ಇ ಮೂಲಕ ನಿಮಗೆ ಪ್ರತಿ ಆಟಕ್ಕೂ ಸಿದ್ಧವಾಗಲು ನಾಟಿಫಿಕೇಶನ್​ ಅನ್ನು ನೀಡುತ್ತದೆ. ಜೊತೆಗೆ ಇದು ನಿಮ್ಮ ಫಿಟ್​​ನೆಸ್​ ಬಗ್ಗೆ ಕಾಳಜಿಯನ್ನು ವಹಿಸುತ್ತದೆ. ಹಾಗೂ ಇದು ಹವಾಮಾನ ವರದಿಯನ್ನು ಮಾಡುತ್ತದೆ.

ಈ ಸ್ಮಾರ್ಟ್ ವಾಚ್‌ನ ಬ್ಯಾಟರಿ ಸಾಮರ್ಥ್ಯದ ಬಗ್ಗೆ ಹೇಳುವುದಾದರೆ, ಇದನ್ನು ಒಮ್ಮೆ ಫುಲ್ ಚಾರ್ಜ್ ಮಾಡಿದ್ರೆ 5 ದಿನಗಳವರೆಗೆ ಕಾರ್ಯನಿರ್ವಹಿಸುತ್ತದೆ ಎಂದು ಕಂಪೆನಿ ಹೇಳಿದೆ. ಮತ್ತು ಇದು ಸ್ಟ್ಯಾಂಡ್‌ಬೈ ಮೋಡ್‌ನಲ್ಲಿ 7 ದಿನಗಳವರೆಗೆ ಕಾರ್ಯನಿರ್ವಹಿಸುತ್ತದೆ ಎಂದು ಕಂಪನಿ ಸ್ಪಷ್ಟಪಡಿಸಿದೆ.

ಭಾರತದಲ್ಲಿ ಈ ಸ್ಮಾರ್ಟ್ ವಾಚ್ ಬೆಲೆ ಕೇವಲ ರೂ. 1,999 ಎಂದು ನಿಗದಿ ಪಡಿಸಲಾಗಿದೆ.  ಇನ್ನು ಈ ಸ್ಮಾರ್ಟ್​ವಾಚ್​ ವಿಂಟರ್ ಫೈರ್, ವಿಂಟರ್ ಬ್ಲೂ, ಕ್ಲಾಸಿಕ್ ಮಿಡ್ನೈಟ್ ಬ್ಲ್ಯಾಕ್ ಮತ್ತು ಮಿಸ್ಟಿ ಗ್ರೇ ಎಂಬ 4 ಬಣ್ಣಗಳಲ್ಲಿ ಮಾರೆಉಕಟ್ಟೆಯಲ್ಲಿ ಲಭ್ಯವಿದೆ.

ಈ ಪೆಬಲ್ ಫ್ರಾಸ್ಟ್ ಸ್ಮಾರ್ಟ್ ವಾಚ್ ಅನ್ನು ವಿಶೇಷ ಕೊಡುಗೆಯೊಂದಿಗೆ ಫ್ಲಿಪ್‌ಕಾರ್ಟ್‌ನಲ್ಲಿ ಖರೀದಿಸಬಹುದು. ಜೊತೆಗೆ ಇದನ್ನು ಕಂಪೆನಿಯ ಅಧಿಕೃತ ವೆಬ್‌ಸೈಟ್ ಮೂಲಕವೂ ಖರೀದಿಸಬಹುದಾಗಿದೆ.