ANI ಸುದ್ದಿ ಸಂಸ್ಥೆಯ ಟ್ವಿಟರ್ ಅಕೌಂಟ್​ ಬ್ಲಾಕ್​! ಕಾರಣವೇನು?

ಜನಪ್ರಿಯ ಸೋಶಿಯಲ್ ಮೀಡಿಯಾ ಅಪ್ಲಿಕೇಶನ್ ಆಗಿರುವ ಟ್ವಿಟರ್​ ಇತ್ತೀಚೆಗೆ ಬಹಳಷ್ಟು ಸುದ್ದಿಯಲ್ಲಿದೆ. ಇದೀಗ ದೇಶದ ಜನಪ್ರಿಯ ಸುದ್ದಿ ಸಂಸ್ಥೆಯಾಗಿರುವ ANI ಟ್ವಿಟರ್ ಖಾತೆಯನ್ನು ಬ್ಲಾಕ್​ ಮಾಡಿದೆ.

ಇನ್ನು ಈ ಎಎನ್ಐ ಸುದ್ದಿ ಸಂಸ್ಥೆಯ ಟ್ವಿಟರ್ ಖಾತೆ ಬ್ಲಾಕ್​ ಆಗಿರುವ ಬಗ್ಗೆ ಕಂಪೆನಿಯ ಎಡಿಟರ್ ಸ್ಮಿತಾ ಪ್ರಕಾಶ್​ ಟ್ವೀಟ್ ಮಾಡಿದ್ದು ಇದರಲ್ಲಿ ನಮ್ಮ ಕಂಪೆನಿಯ ಟ್ವಿಟರ್ ಖಾತೆ ಬ್ಲಾಕ್ ಆಗಿದೆ ಮತ್ತು ನಮ್ಮ 13 ವರ್ಷದ ಜರ್ನಿಯಲ್ಲಿ ಟ್ವಿಟರ್​ಗೆ ನೀಡಿದ್ದ ಗೋಲ್ಡ್​ ಟಿಕ್​ ತೆಗೆದು, ಸದ್ಯ ಬ್ಲೂ ಟಿಕ್ ನೀಡಿದ್ರು. ಆದ್ರೆ ಈ ಬ್ಲಾಕ್ ಮಾಡಿದ್ದಾರೆ ಎಂದು ಟ್ವೀಟ್ ಮಾಡಿದ್ದಾರೆ.

ಇನ್ನು ಕಂಪೆನಿಯ ಎಡಿಟರ್ ಸ್ಮಿತಾ ಪ್ರಕಾಶ್ ಅವರು ತಮ್ಮ ಟ್ವೀಟ್​ ಜೊತೆಗೆ ಬ್ಲಾಕ್ ಆಗಿರುವ ಸ್ಕ್ರೀನ್​ಶಾಟ್​ ಅನ್ನು ಎಲಾನ್ ಮಸ್ಕ್​ಗೆ ಟ್ಯಾಗ್ ಮಾಡಿ ಪೋಸ್ಟ್ ಮಾಡಿದ್ದಾರೆ.

ಇನ್ನು ಎಎನ್‌ಐ ಸಂಸ್ಥೆ ಟ್ವಿಟರ್​ನಲ್ಲಿ ಭಾರತದ ನಂಬರ್ 1 ಸುದ್ದಿ ಸಂಸ್ಥೆ ಎಂದು ಗುರುತಿಸಿಕೊಂಡಿದೆ. ಹಾಗೆಯೇ ಈ ಸಂಸ್ಥೆ ಟ್ವಿಟರ್​ನಲ್ಲಿ 7.6 ಮಿಲಿಯನ್ ಫಾಲೋವರ್ಸ್​ಗಳನ್ನು ಸಹ ಹೊಂದಿತ್ತು.

ಆದರೆ ಈಗ ಟ್ವಿಟರ್​​ ಎಎನ್​ಐ ಸಂಸ್ಥೆಯ ನಿಯಮ ಉಲ್ಲಂಘನೆಯ ಕಾರಣಕ್ಕಾಗಿ ಖಾತೆಯನ್ನು ಬ್ಲಾಕ್ ಮಾಡಿದೆ ಎಂದು ಹೇಳಲಾಗುತ್ತಿದೆ.

ಎಎನ್​ಐ ಸಂಸ್ಥೆ ಬ್ಲಾಕ್​ ಆಗಿರುವ ಬಗ್ಗೆ ಫಾಲೋವರ್ಸ್​ಗಳಿಗೆ ಗೊಂದಲವುಂಟಾಗಿದ್ದು, ಈ ಬಗ್ಗೆ ಸ್ಮಿತಾ ಪ್ರಕಾಶ್​​ ಅವರು ತನ್ನ ಸಂಸ್ಥೆಯ ಟ್ವಿಟರ್​ ಅಕೌಂಟ್​ ಬ್ಲಾಕ್ ಆಗಿರುವುದರ ಬಗ್ಗೆ ಸ್ಪಷ್ಟನೆ ನೀಡಿದ್ದಾರೆ.

ಎಲಾನ್​ ಮಸ್ಕ್​ ಟ್ವಿಟರ್​ ಅನ್ನು ಖರೀದಿಸಿದಾಗಿನಿಂದ ಟ್ವಿಟರ್​ನಲ್ಲಿ ಬಹಳಷ್ಟು ಬದಲಾವಣೆಗಳಾಗಿವೆ. ಹಾಗೆಯೇ ನಿಯಮಗಳಲ್ಲೂ ಹಲವಾರು ಬದಲಾವಣೆಗಳಾಗಿದೆ. ಇತ್ತೀಚೆಗೆ ಸೆಲೆಬ್ರಿಟಿಗಳ ಬ್ಲೂ ಟಿಕ್​ ರದ್ದು ತೆಗೆಯುವ ಮೂಲ ಭಾರೀ ಸುದ್ದಿಯಲ್ಲಿತ್ತು. ಇದೀಗ ಎಎನ್​ಐ ಸಂಸ್ಥೆಯ ಖಾತೆಯನ್ನು ಬ್ಲಾಕ್ ಮಾಡುವ ಮೂಲಕ ಎಲ್ಲರಲ್ಲೂ ಕುತೂಹಲ ಮೂಡಿಸಿದೆ.