Mobile Theft: ಹುಡುಗಿಯರು ರೀಲ್ಸ್ ಮಾಡೋ ವೇಳೆ ಮೊಬೈಲ್ ಕಳ್ಳರ ಎಂಟ್ರಿ, ಮುಂದೇನಾಯ್ತು ಗೊತ್ತಾ?

ಸ್ಮಾರ್ಟ್​​ಫೋನ್​ಗಳನ್ನು ಬಳಸುವವರ ಸಂಖ್ಯೆ ದಿನ ಹೋದಂತೆ ಹೆಚ್ಚುತ್ತಲೇ ಇದೆ. ಇದರ ಜೊತೆಗೆ ಯಾರೆಲ್ಲಾ ಸ್ಮಾರ್ಟ್​ಫೋನ್​ ಅನ್ನು ಹೊಂದಿದ್ದಾರೋ ಅವರೆಲ್ಲರೂ ಒಂದಾದರು ಸೋಶಿಯಲ್​ ಮೀಡಿಯಾ ಅಪ್ಲಿಕೇಶನ್​ ಉಪಯೋಗಿಸುತ್ತಾರೆ. ಆದರೆ ಇತ್ತೀಚೆಗೆ ಕೆಲವರು ಈ ಸೋಶಿಯಲ್ ಮೀಡಿಯಾಗಳನ್ನು ಸಹ ದುರುಪಯೋಗ ಮಾಡುತ್ತಿದ್ದಾರೆ.

ಇನ್ನು ಟಿಕ್​ಟಾಕ್ ಬ್ಯಾನ್​ ಆದ ನಂತರವಂತೂ ಇನ್​ಸ್ಟಾಗ್ರಾಮ್​​ ಬಳಕೆ ಸಹ ಹೆಚ್ಚಾಗಿದೆ. ಇದರಲ್ಲಿರುವಂತಹ ರೀಲ್ಸ್​ ಫೀಚರ್​ ಎಲ್ಲಾ ಯುವಕರನ್ನು ಆಕರ್ಷಿಸಿದೆ. ಆದ್ದರಿಂದ ಎಲ್ಲಿ ಹೋದರು ಯುವಕ, ಯುವತಿಯರು ರೀಲ್ಸ್ ಮಾಡಲು ಆರಂಭಿಸ=ಸುತ್ತಾರೆ. ಕಾಮಿಡಿ, ಡ್ಯಾನ್ಸ್​, ಹಾಡು ಇವುಗಳನ್ನೆಲ್ಲಾ ರೀಲ್ಸ್ ಮಾಡುವ ಮೂಲಕ ಅಪ್​​ಲೋಡ್​ ಮಾಡುತ್ತಾರೆ.

ಆದ್ದರಿಂದ ಇದೀಗ ಬೆಂಗಳೂರು ಪೊಲೀಸರು ಮೊಬೈಲ್​ ಬಳಕೆದಾರರಿಗೆ ಎಚ್ಚರಿಕೆ ನೀಡಿದ್ದಾರೆ. ಈ ಮೂಲಕ ಎಲ್ಲೆಂದರಲ್ಲಿ ಮೊಬೈಲ್​​ ತೆಗೆದು ರೀಲ್ಸ್​ ಮಾಡೋರಿಗೆ ಎಚ್ಚರಿಕೆ ನೀಡಿದ್ದಾರೆ.

ಹೆಚ್ಚಿನವರು ಯಾವುದಾದ್ರು ಒಂದು ಉತ್ತಮ ಪ್ಲೇಸ್​ ಸಿಕ್ರೆ ಸಾಕು ಅಲ್ಲಿ ರೀಲ್ಸ್, ಫೋಟೋ ತೆಗೆಯಲು ರೆಡಿಯಾಗ್ತಾರೆ. ಆದ್ರೆ ಇನ್ಮುಂದೆ ಸಿಕ್ಕಲ್ಲೆಲ್ಲಾ ರೀಲ್ಸ್ ಮಾಡೋ ಮುನ್ನ ಹುಷಾರಾಗಿರ್ಬೇಕು. ಇಲ್ಲವಾದಲ್ಲಿ ಮತ್ತೆ ನಿಮ್ಮ ಕೈಯಲ್ಲಿ ಫೋನೇ ಇರಲ್ಲ .

ಇಂತಹದೇ ಘಟನೆಯೊಂದು ಇದೀಗ ಬೆಂಗಳೂರಿನ ಗುಫಾ ರೆಸ್ಟೋರೆಂಟ್ ಬಳಿ ನಡೆದಿದ್ದು, ಮೊಬೈಲ್​ ತೆಗೆದು ವಿಡಿಯೋ ಮಾಡ್ತಿದ್ದ ವೇಳೆ ಕಳ್ಳರು ಬಂದು ಮೊಬೈಲ್ ಕದಿಯಲು ಯತ್ನಿಸಿದ್ದಾರೆ.

ಈ ಘಟನೆಯಲ್ಲಿ ನಾಲ್ಕು ಯುವತಿಯರು ರೆಸ್ಟೋರೆಂಟ್ ಬಗ್ಗೆ ಎದುರು ನಿಂತು ವಿಡಿಯೋ ಮಾಡ್ತಿದ್ದಾಗ ಬೈಕ್​ನಲ್ಲಿ ಬಂದ ಇಬ್ಬರು ಯುವಕರು ಮೊಬೈಲ್​ ಕಳ್ಳತನ ಮಾಡಲು ಯತ್ನಿಸಿದ್ದಾರೆ.

ಹೆಚ್ಚಿನವರಿಗೆ ಸಿಕ್ಕಲೆಲ್ಲಾ ಫೋಟೋ, ರೀಲ್ಸ್ ಮಾಡೋ ಅಭ್ಯಾಸವಿರುತ್ತದೆ. ಆದರೆ ಕೆಲವೊಮ್ಮೆ ಏನಾಗುತ್ತದೆ ಎಂದು ನಮಗೇ ಗೊತ್ತಿರಲ್ಲ. ಅದಕ್ಕಾಗಿ ಎಲ್ಲಿಯಾದ್ರೂ ಹೋದಾಗ ಸ್ಮಾರ್ಟ್​​ಫೋನ್​ಗಳ ಬಳಕೆ ಕಡಿಮೆ ಮಾಡ್ಬೇಕು. ಇಲ್ಲದಿದ್ದರೆ ಈ ರೀತಿಯ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. ಇನ್ನು ಈ ಬಗ್ಗೆ ನಟ್ಟಿಗರು ಸೋಶಿಯಲ್​ ಮೀಡಿಯಾದಲ್ಲಿ ಹಾಸ್ಯಕ್ಕಾಗಿ, ವೀವ್ಸ್​ಗೋಸ್ಕರ ಮಾಡಿರಬಹುದೆಂದು ಚರ್ಚೆ ಮಾಡುತ್ತಿದ್ದಾರೆ.