Ambrane Smart Watch: ಕಡಿಮೆ ಬೆಲೆಗೆ ಸಿಗುತ್ತದೆ ಈ ಸ್ಮಾರ್ಟ್​ವಾಚ್​! ಏನಿದರ ವಿಶೇಷತೆ ನೋಡಿ

ಅಂಬ್ರೇನ್ ತನ್ನ ವೈಸ್ ಗ್ಲೇಜ್ ಸ್ಮಾರ್ಟ್ ವಾಚ್ ಅನ್ನು ಬಿಡುಗಡೆ ಮಾಡಿದೆ. ಸ್ಮಾರ್ಟ್ ವಾಚ್ ಯುನಿಪೇರ್ ತಂತ್ರಜ್ಞಾನವನ್ನು ಹೊಂದಿದೆ. ಈ ಸ್ಮಾರ್ಟ್‌ನ (MRP) ಬೆಲೆ ರೂ.5,990 ಆಗಿದೆ.

ನೀವು ಅದನ್ನು 50% ರಿಯಾಯಿತಿಯೊಂದಿಗೆ ಖರೀದಿಸಬಹುದು. ಕಂಪನಿಯು ಈ ವಾಚ್‌ಗೆ 365 ದಿನಗಳ ವಾರಂಟಿಯನ್ನು ಸಹ ನೀಡುತ್ತಿದೆ. ವೈಸ್ ಗ್ಲೇಜ್ ನಾಲ್ಕು ಬಣ್ಣ ಆಯ್ಕೆಗಳಲ್ಲಿ ಲಭ್ಯವಿದೆ. ಆಸಕ್ತರು ಇದನ್ನು ಖರೀದಿಸಬಹುದು.

ಸ್ಮಾರ್ಟ್ ವಾಚ್ 1.78-ಇಂಚಿನಲ್ಲಿದೆ. ಇದು ಕಪ್ಪು, ನೀಲಿ, ಹಸಿರು ಮತ್ತು ಬೂದು ಬಣ್ಣಗಳಲ್ಲಿ ಲಭ್ಯವಿದೆ. ವಿಷೇಶವೆಂದರೆ ಕಂಪನಿಯು ಬಿಡುಗಡೆಯಾದ ಮೊದಲ ದಿನವೇ 15,000 ಕ್ಕೂ ಹೆಚ್ಚು ಸ್ಮಾರ್ಟ್ ವಾಚ್‌ಗಳನ್ನು ಮಾರಾಟವಾಗಿದೆ.

ವೈಸ್ ಗ್ಲೇಜ್ ಸ್ಮಾರ್ಟ್ ವಾಚ್ 280 mAh ಬ್ಯಾಟರಿಯನ್ನು ಹೊಂದಿದೆ. ಇದು 7 ದಿನಗಳ ಬ್ಯಾಟರಿ ಅವಧಿಯನ್ನು ಒದಗಿಸುತ್ತದೆ ಎಂದು ಕಂಪನಿ ತಿಳಿಸಿದೆ. ವಾಚ್‌ನಲ್ಲಿ 100+ ಸ್ಪೋರ್ಟ್ಸ್​ ಫೀಚರ್ಸ್​ ಹೊಂದಿದೆ.

ವೈಸ್ ಗ್ಲೇಜ್‌ನ AMOLED ಡಿಸ್​ಪ್ಲೇ ತುಂಬಾ ಪ್ರಕಾಶಮಾನವಾಗಿದೆ ಆದ್ದರಿಂದ ಬಿಸಿನಲ್ಲಿಯೂ ನೀವು ಸ್ಪಷ್ಟವಾಗಿ ಸ್ಕ್ರೀನ್​ ನೋಡಬಹುದು. ಬ್ಲೂಟೂತ್ ಕರೆ ವೈಶಿಷ್ಟ್ಯತೆ ಹೊಂದಿದೆ.

ಇದರಲ್ಲಿ ಮೈಕ್ ಮತ್ತು ಸ್ಪೀಕರ್​ ಇದೆ. ಅಲ್ಲದೆ, ಯುನಿಪೇರ್ ತಂತ್ರಜ್ಞಾನವನ್ನು ಸ್ಮಾರ್ಟ್ ವಾಚ್‌ನಲ್ಲಿ ಒದಗಿಸಲಾಗಿದ್ದು, ನೀವು ಅದನ್ನು ಒಮ್ಮೆ ಮಾತ್ರ ಜೋಡಿಸಿದರೆ ಸಾಕು.

ಇದಲ್ಲದೆ, ಹೃದಯ ಬಡಿತ ಮಾನಿಟರಿಂಗ್ ಮಾಡುತ್ತದೆ, ಹೃದಯ ಬಡಿತ ಲೆಕ್ಕಾಚಾರ, ನಿದ್ರೆ ಸಮಯ, ದೇಹದ ತಾಪಮಾನ ಪತ್ತೆ ಹಚ್ಚುವುದು ಹೀಗೆ ಹಲವು ಉತ್ತಮ ಫೀಚರ್ಸ್​ ಹೊಂದಿದೆ.

ಸ್ಮಾರ್ಟ್ ವಾಚ್ ಮೂಲಕ ಫೋನ್‌ನಲ್ಲಿ ಬರುವ ಸಂಗೀತವನ್ನು ನಿಯಂತ್ರಿಸಬಹುದು. ವಾಚ್‌ನಲ್ಲಿ ವಾಯ್ಸ್ ಅಸಿಸ್ಟೆಂಟ್‌ನಂತಹ ವೈಶಿಷ್ಟ್ಯಗಳನ್ನು ಸಹ ನೀಡಲಾಗಿದೆ. 365 ದಿನಗಳ ವಾರಂಟಿಯನ್ನು ನೀಡುತ್ತಿದೆ.