Amazon Sale: ಅಮೆಜಾನ್​ ಸ್ಮಾರ್ಟ್​ಫೋನ್​ ಅಪ್​ಗ್ರೇಡ್ ಡೇಸ್ ಸೇಲ್​ ಆರಂಭ; ಕೇವಲ 699 ರೂಪಾಯಿ ರೆಡ್​ಮಿ ಸ್ಮಾರ್ಟ್​ಫೋನ್ ಲಭ್ಯ

ಇಕಾಮರ್ಸ್​ ದೈತ್ಯ ಅಮೆಜಾನ್ ಮತ್ತೊಮ್ಮೆ ಸ್ಮಾರ್ಟ್‌ಫೋನ್ ಅಪ್‌ಗ್ರೇಡ್ ಡೇಸ್ ಸೇಲ್‌ನೊಂದಿಗೆ ಬಂದಿದೆ. ಈ ಮಾರಾಟವು ಜನವರಿ 21 ರಂದು ಪ್ರಾರಂಭವಾಗಿದ್ದು, ಜನವರಿ 31 ರವರೆಗೆ ಮುಂದುವರಿಯುತ್ತದೆ. ಅಮೆಜಾನ್​ನ ಈ ಸೇಲ್​ನಲ್ಲಿ  40% ವರೆಗಿನ ರಿಯಾಯಿತಿಯೊಂದಿಗೆ ಸ್ಮಾರ್ಟ್​​ಫೋನ್​ಗಳನ್ನು ಖರೀದಿ ಮಾಡಬಹುದು..

 ಅಮೆಜಾನ್​ನ ಈ ಮಾರಾಟದಲ್ಲಿನ ಅತ್ಯುತ್ತಮ ಡೀಲ್‌ಗಳ ಅಡಿಯಲ್ಲಿ, ರೆಡ್​ಮಿ 10 ಪವರ್ ಸ್ಮಾರ್ಟ್​​ಫೋನ್ ಅನ್ನು ಕಡಿಮೆ ಬೆಲೆಗೆ ಖರೀದಿಸಬಹುದು. ರಿಯಾಯಿತಿ ಬೆಲೆಯಲ್ಲಿ ಈ ಫೋನ್ ಅನ್ನು ಕೇವಲ ರೂ.11,999 ಗೆ ಖರೀದಿಸಬಹುದು. ಇದಲ್ಲದೆ ಅಮೆಜಾನ್ ಎಕ್ಸ್ ಚೇಂಜ್ ಆಫರ್ ಅಡಿಯಲ್ಲಿ ಇದರ ಮೇಲೆ ರೂ.11,300 ರಿಯಾಯಿತಿಯನ್ನು ಘೋಷಿಸಿದೆ.

ಅಂದರೆ ಎಕ್ಸ್​ಚೇಂಜ್​ ಆಫರ್​ ಮೂಲಕ ರೂ.699ಕ್ಕೆ ಈ ಫೋನ್ ಅನ್ನು ಹೊಂದಬಹುದು. ಅದರೆ ಈ ಎಕ್ಸ್​ಚೇಂಜ್​ ಆಫರ್​ ನಿಮ್ಮ ಹಳೆಯ ಸ್ಮಾರ್ಟ್‌ಫೋನ್‌ನ ಮಾದರಿ ಮತ್ತು ಗುಣಮಟ್ಟದ ಆಧಾರದ ಮೇಲೆ ನಿರ್ಧರಿಸಲಾಗುತ್ತದೆ. ಈ ಫೋನ್‌ನ ಅತ್ಯಂತ ವಿಶೇಷ ಫೀಚರ್​ ಎಂದರೆ ಇದು 6000mAh ಸಾಮರ್ಥ್ಯದ ಬೃಹತ್ ಬ್ಯಾಟರಿಯನ್ನು ಒಳಗೊಂಡಿದೆ.

ರೆಡ್​​ಮಿ 10 ಪವರ್​ ಸ್ಮಾರ್ಟ್‌ಫೋನ್ ಹೆಚ್​ಡಿ+ ರೆಸಲ್ಯೂಶನ್‌ನೊಂದಿಗೆ 6.7-ಇಂಚಿನ IPS LCD ಡಿಸ್ಪ್ಲೇಯನ್ನು ಹೊಂದಿದೆ. ಇದರ ಡಿಸ್ಪ್ಲೇ 60Hz ರಿಫ್ರೆಶ್ ದರದೊಂದಿಗೆ ಬರುತ್ತದೆ. ಫೋನ್‌ನ ಡಿಸ್ಪ್ಲೇಗೆ ಗೊರಿಲ್ಲಾ ಗ್ಲಾಸ್‌ನ 3 ಲೇಯರ್‌ಗಳನ್ನು ಅಳವಡಿಸಲಾಗಿದೆ. 

ರೆಡ್​​ಮಿ 10 ಪವರ್​ ಸ್ಮಾರ್ಟ್​​ಫೋನ್ ಸ್ನಾಪ್‌ಡ್ರಾಗನ್ 680 ಚಿಪ್‌ಸೆಟ್‌ನಿಂದ ರನ್​ ಆಗಲಿದೆ. ಈ ಫೋನ್ 8ಜಿಬಿ ರ್‍ಯಾಮ್ ಮತ್ತು 128ಜಿಬಿ ವರೆಗಿನ ಇಂಟರ್ನಲ್ ಸ್ಟೋರೇಜ್​ ಆಯ್ಕೆಯನ್ನು ಹೊಂದಿದೆ. ಈ ಸ್ಟೋರೇಜ್​ ಅನ್ನು ಮೈಕ್ರೊ ಎಸ್​​ಡಿ ಕಾರ್ಡ್ ಮೂಲಕ 512ಜಿಬಿ ವರೆಗೆ ವಿಸ್ತರಿಸಬಹುದು. 

ಇನ್ನು ಈ ಫೋನ್ ಡ್ಯುಯಲ್ ರಿಯರ್ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದೆ. ಇದರಲ್ಲಿ 50-ಮೆಗಾಪಿಕ್ಸೆಲ್ ಪ್ರಾಥಮಿಕ ಕ್ಯಾಮೆರಾವನ್ನು ಹೊಂದಿದೆ. ಇದರೊಂದಿಗೆ ನೀವು 2 ಮೆಗಾಪಿಕ್ಸೆಲ್ ಪೋರ್ಟ್ರೇಟ್ ಕ್ಯಾಮೆರಾವನ್ನು ಕಾಣಬಹುದಾಗಿದೆ. 

ಈ ಫೋನ್‌ನ ಹಿಂಭಾಗದಲ್ಲಿ ಫಿಂಗರ್‌ಪ್ರಿಂಟ್ ಸ್ಕ್ಯಾನರ್ ಅನ್ನು ಅಳವಡಿಸಲಾಗಿದೆ. ಇನ್ನು ಈ ಸ್ಮಾರ್ಟ್​​​​ಫೋನ್​ನಲ್ಲಿ ಸೆಲ್ಫಿಗಾಗಿ ಮತ್ತು ವಿಡಿಯೋ ಕಾಲ್​ಗಾಗಿ 5 ಮೆಗಾಪಿಕ್ಸೆಲ್​ ಸೆನ್ಸಾರ್​​ ಸಾಮರ್ಥ್ಯದ ಕ್ಯಾಮೆರಾವನ್ನು ಅಳವಡಿಸಲಾಗಿದೆ.

ವಿಶೇಷವಾಗಿ ರೆಡ್​​ಮಿ 10 ಪವರ್​ ಫೋನ್ ಶಕ್ತಿಯುತ 6000mAh ಬ್ಯಾಟರಿಯನ್ನು ಹೊಂದಿದೆ. ಬಾಕ್ಸ್ ಹೊರಗೆ ಕೇವಲ 10W ಚಾರ್ಜಿಂಗ್ ಬೆಂಬಲದೊಂದಿಗೆ ಫೋನ್ ಬರುತ್ತದೆ. ಇನ್ನು ಕನೆಕ್ಟಿವಿಟಿ ಆಯ್ಕೆಗಳಲ್ಲಿ ಈ ಸ್ಮಾರ್ಟ್​​ಫೋನ್​ ಬ್ಲೂಟೂತ್ 5.0, ಎಫ್​ಎಮ್​ ರೇಡಿಯೋ, ವೈಫೈ 802.11 A / B / G / N / AC, 3.5mm ಹೆಡ್‌ಫೋನ್ ಜ್ಯಾಕ್ ಅನ್ನು ಹೊಂದಿದೆ.