Amazon: ಶಾಕ್​ ಆಗ್ಬೇಡಿ! ಈ ಬಕೆಟ್​ ಬೆಲೆ 26 ಸಾವಿರ ರೂಪಾಯಿ, EMI ಆಯ್ಕೆಯಲ್ಲೂ ಖರೀದಿಗೆ ಲಭ್ಯ!

ಸದ್ಯ ಆನ್​ಲೈನ್ ಶಾಪಿಂಗ್ ಪ್ಲಾಟ್​ಫಾರ್ಮ್​ಗಳು ನಾಯಿಕೊಡೆಯಂತೆಯೇ ತಲೆ ಎತ್ತಿವೆ. ಒಂದಕ್ಕಿಂತ ಒಂದು ವಿಭಿನ್ನವಾಗಿ ಗ್ರಾಹಕರನ್ನು ಸೆಳೆಯಲು ಪ್ರಯ್ನನಿಸುತ್ತಿವೆ. ಬಹುತೇಕರು ಶಾಪಿಂಗ್ ಮಳಿಗೆ ತೆರಳುವ ಬದಲಿದೆ ಮತ್ತು ಬಿಡುವಿಲ್ಲ ಸಮಯದಲ್ಲಿ ಆನ್​ಲೈನ್ ಶಾಪಿಂಗ್​ಗೆ ತೆರಳುತ್ತಾರೆ. ಅದರ ಮೂಲಕ ಬಟ್ಟೆ, ಬೇಕಾದ ವಸ್ತುಗಳನ್ನು ಖರೀದಿಸುತ್ತಾರೆ.

ಇ-ಕಾಮರ್ಸ್​​ನ ಸಾಮಾನ್ಯ ಸಮಸ್ಯೆ ಎಂದರೆ ನೆಚ್ಚಿನ ವಸ್ತುಗಳಿಗೆ ಬೇಡಿಕೆ ಹೆಚ್ಚಾದಾಗ, ಸ್ಟಾಕ್ ಖಾಲಿಯಾಗುತ್ತದೆ ಮತ್ತು ಜನರು ಅದಕ್ಕಾಗಿ ಕಾಯಬೇಕಾಗುತ್ತದೆ. ಕೆಲವೊಮ್ಮೆ ಬೇಡಿಕೆ ಹೆಚ್ಚಾದಾಗ ಬೆಲೆಯೂ ಹೆಚ್ಚುತ್ತದೆ. ಆನ್​ಲೈನ್ ಶಾಪಿಂಗ್​​ ಬೆಲೆಯಲ್ಲಿ ಏರಿಳಿತಗಳು ಸಾಮಾನ್ಯವಾಗಿದೆ. ಆದರೆ ಕೆಲವೊಮ್ಮೆ ಜನರು ಊಹಿಸಲೂ ಸಾಧ್ಯವಾಗದಷ್ಟು ಬೆಲೆ ಹೆಚ್ಚಾಗುತ್ತದೆ.

ಅಮೆಜಾನ್ ಇಂಡಿಯಾದಲ್ಲಿ ಇತ್ತೀಚೆಗೆ ಇದೇ ರೀತಿಯ ಘಟನೆ ನಡೆದಿದೆ. ನೆಟಿಜನ್​ಗಳು ಈಗ ಆನ್​ಲೈನ್​ನಲ್ಲಿ ದುಬಾರಿ ಐಷಾರಾಮಿ ಉತ್ಪನ್ನಗಳನ್ನು ನೋಡುವ ಅಭ್ಯಾಸವನ್ನು ಹೊಂದಿದ್ದು, ಅಮೆಜಾನ್​ನಲ್ಲಿ ಪ್ಲಾಸ್ಟಿಕ್ ಬಕೆಟ್ ಅನ್ನು 25,900 ರೂ.ಗೆ ಮಾರಾಟ ಮಾಡುತ್ತಿರುವ ಬಗ್ಗೆ ಹೇಳಿದ್ದಾರೆ. ಇದನ್ನು ಕಂಡು ಬಹುತೇಕರು ಅಚ್ಚರಿಗೊಂಡಿದ್ದಾರೆ.

EMI ನಲ್ಲಿಯೂ ಬಕೆಟ್: ಕೆಂಪು ಬಣ್ಣದ ಬಕೆಟ್ ಅನ್ನು 25,999 ರೂ.ಗೆ ಮಾರಾಟ ಮಾಡಲಾಗುತ್ತಿದೆ. ಅತ್ಯಂತ ಆಶ್ಚರ್ಯಕರ ಸಂಗತಿಯೆಂದರೆ, ಈ ಬಕೆಟ್​ನ ವಾಸ್ತವಿಕ ಬೆಲೆ 35,900 ರೂಪಾಯಿಗಳು. ಇದನ್ನು ಶೇಕಡಾ 28 ರಷ್ಟು ರಿಯಾಯಿತಿಯೊಂದಿಗೆ ಮಾರಾಟ ಮಾಡಲಾಗುತ್ತಿದೆ.

ಇದಲ್ಲದೆ, ಈ ಬಕೆಟ್ ಖರೀದಿಸಲು ಜನರಿಗೆ ಇಎಂಐ ಆಯ್ಕೆಯನ್ನು ಸಹ ನೀಡಲಾಗುತ್ತಿದೆ. ಬಕೆಟ್​ನ ಸ್ಕ್ರೀನ್​ಶಾಟ್ ಅನ್ನು ಟ್ವಿಟ್ಟರ್​ನಲ್ಲಿ ಹಂಚಿಕೊಂಡ ಕೂಡಲೇ, ಕೆಲವು ನೆಟಿಜನ್​ಗಳು ಪಟ್ಟಿಯಲ್ಲಿರುವ ತಾಂತ್ರಿಕ ದೋಷದಿಂದ ಇದು ಸಂಭವಿಸಿದೆ ಎಂದು ತಿಳಿಸಿದ್ದಾರೆ.

ಇನ್ನು ಕೆಲವರು ಇಎಂಐನಲ್ಲಿ ಬಕೆಟ್ ಸಿಕ್ಕಿದ್ದಕ್ಕೆ ಖುಷಿಯಾಗಿದೆ ಎಂದು ತಮಾಷೆ ಮಾಡಿದ್ದಾರೆ. ಆನ್ಲೈನ್ ಫ್ಲಾಟ್​ಫಾರ್ಮ್​ಗಳಲ್ಲಿ ಕಡಿಮೆ ಬೆಲೆಗೆ ವಸ್ತುಗಳನ್ನು ಮಾರಾಟ ಮಾಡುವ ಯೋಚನೆಯನ್ನು ಹೊಂದಿದೆ. ಆದರೆ ಒಂದು ಪ್ಲಾಸ್ಟಿಕ್ ಬಕೆಟ್ ಬೆಲೆ ಸ್ಮಾರ್ಟ್​ಫೋನಿನಷ್ಟಿದೆ ಎಂಬುದೇ ಬಹುತೇಕರಿಗೆ ಕಣ್ಣು ಬೆರಗಾಗಿಸುವಂತೆ ಮಾಡಿದೆ.

ಪ್ರಸ್ತುತ ಉತ್ಪನ್ನವು ಸ್ಟಾಕ್ನಿಂದ ಹೊರಗಿದೆ ಎಂದು ಕೆಲವು ನೆಟಿಜನ್ಗಳು ಹೇಳಿದ್ದಾರೆ. ಉತ್ಪನ್ನದ ಬೆಲೆಯನ್ನು ಇದೀಗ ಪುಟದಿಂದ ತೆಗೆದುಹಾಕಲಾಗಿದೆ. ಆದರೆ ನೆಟಿಜನ್​ಗಳು ಟ್ವಿಟರ್​ನಲ್ಲಿ ಅದಕ್ಕೆ 'ವಿಮರ್ಶೆ'ಗಳನ್ನು ಬರೆದಿದ್ದಾರೆ.

ಕೆಲವು ದಿನಗಳ ಹಿಂದೆ, ಐಷಾರಾಮಿ ಫ್ಯಾಷನ್ ಲೇಬಲ್ ಗುಸ್ಸಿ ಮತ್ತು ಕ್ರೀಡಾ ಉಡುಪುಗಳ ದೈತ್ಯ ಅಡಿಡಾಸ್ ಚೀನಾದಲ್ಲಿ 'ಸನ್ ಅಂಬ್ರೆಲ್ಲಾ' ಹೆಸರಿನಲ್ಲಿ ಕೆಲವು ವಿನ್ಯಾಸಗಳನ್ನು ಮಾರಾಟ ಮಾಡಿದ್ದಕ್ಕಾಗಿ ಟೀಕೆಗೆ ಒಳಗಾಗಿದ್ದವು. ಎರಡೂ ಕಂಪನಿಗಳು ಹೆಚ್ಚು ಟ್ರೋಲ್​ಗೆ ಒಳಗಾಗಿದ್ದವು ಏಕೆಂದರೆ ಛತ್ರಿಗಳು ಜಲನಿರೋಧಕವಲ್ಲ ಮತ್ತು ಒಂದರ ಬೆಲೆ 11,100 ಯುವಾನ್ ಅಂದರೆ ₹ 1.27 ಲಕ್ಷ ಎಂದು ಹೇಳಲಾಗಿದೆ.