Whatsapp Features: ಸ್ನ್ಯಾಪ್​ಚಾಟ್​ ಆಯ್ತು, ಇನ್ಸ್ಟಾಗ್ರಾಮ್​ ಆಯ್ತು ಇದೀಗ ವಾಟ್ಸಪ್​ನಲ್ಲೂ ಬರ್ತಿದೆ 'ಅವತಾರ್'​ ಫೀಚರ್​

ಇದುವರೆಗೆ ನಾವೆಲ್ಲರೂ ಸ್ನ್ಯಾಪ್​ಚಾಟ್​ ಮೂಲಕ ಅವತಾರ್​ ಫೀಚರ್​ ಅನ್ನು ನೋಡಿದ್ದೆವು. ಈ ಅವತಾರ್​ ಮೂಲಕ ಕ್ಯಾರೆಕ್ಟರೈಸೇಷನ್ ಮಾಡಿ ಅವತಾರ್​ನಂತೆ ಮಾಡಿಕೊಳ್ಳಬಹುದಿತ್ತು. ಇದೀಗ ಈ ಫೀಚರ್​​ ವಾಟ್ಸಪ್​ನಲ್ಲೂ ಬರುತ್ತಿದೆ.

ಇದುವರೆ ಸ್ನ್ಯಾಪ್​​ಚಾಟ್​ನಲ್ಲಿದ್ದಂತಹ ಅವತಾರ್​ ಫೀಚರ್​ ಇನ್ನುಮುಂದಿನ ದಿನಗಳಲ್ಲಿ ವಾಟ್ಸಪ್​ ಬಳಕೆದಾರರಿಗೂ ಲಭ್ಯವಾಗುತ್ತದೆ ಎಮದು ಮೆಟಾ ಕಂಪನಿ ತಿಳಿಸಿದೆ. ಅವತಾರ್ ಫೀಚರ್​​ ಬಳಸಿಕೊಂಡು ಬಳಕೆದಾರರು 36 ಕಸ್ಟಮ್ ಸ್ಟಿಕ್ಕರ್​ಗಳನ್ನು ರಚಿಸಬಹುದಾಗಿದೆ.  ಈ ರೀತಿ ರಚಿಸಲಾದಂತಹ ಸ್ಟಿಕ್ಕರ್​​ಗಳನ್ನು ಪ್ರೊಫೈಲ್ ಚಿತ್ರವನ್ನಾಗಿ ಕೂಡ ಹಾಕಿಕೊಳ್ಳಬಹುದು.

ಸದ್ಯಕ್ಕೆ ಐಒಎಸ್ ಮತ್ತು ಆ್ಯಂಡ್ರಾಯ್ಡ್ ಡಿವೈಸ್​ಗಳ ಬೀಟಾ ವರ್ಷನ್​​ನಲ್ಲಿ ಅವತಾರ್ ಫೀಚರ್ ಕೆಲವು ಸಮಯದಲ್ಲಿ ದೊರೆಯಲಿದೆ. ನಂತರದಲ್ಲಿ ಎಲ್ಲಾ ಸ್ಮಾರ್ಟ್​ಫೋನ್​ ಬಳಕೆದಾರರಿಗೂ ಅವತಾರ್ ಫೀಚರ್ ದೊರೆಯುತ್ತದೆ ಎಂದು ಕೆಲವು ವರದಿಗಳು ತಿಳಿಸಿದೆ.

ವಾಬೀಟಾಇನ್ಫೋದ ವರದಿಯ ಪ್ರಕಾರ, ವಾಟ್ಸಪ್​ನಲ್ಲಿ ಮೆಸೇಜ್ ಮಾಡಲು ಅವತಾರ್ ಉತ್ತಮ ಆಯ್ಕೆಯಾಗಿರಲಿದೆ. ಇದೀಗ ಮೊದಲ ಬಾರಿಗೆ ವಾಟ್ಸಪ್​ನಲ್ಲಿ ಪ್ರಾರಂಭವಾಗುವುದರಿಂದ ಮೊದಲಿಗೆ ಕೆಲವು ತೊಂದರೆಗಳು ಬರಬಹುದು ತದನಂತರದಲ್ಲಿ ಸರಿಹೋಗಬಹುದು ಎಂದಿದ್ದಾರೆ. ಇನ್ನು ಕೆಲವು ಮಂದಿಗೆ ಈ ಫೀಚರ್ಸ್​ ವಾಟ್ಸಪ್​ ಅಪ್​ಡೇಟ್​ ಮಾಡಿದ ನಂತರ ಬರುತ್ತದೆ.

ಇನ್ನು ಈ ಫೀಚರ್​​ನಲ್ಲಿ ಲೈಟಿಂಗ್, ಹೇರ್​ ಡಿಸೈನ್, ಇತರ ಡಿಸೈನ್​ಗಳು, ಶೇಡಿಂಗ್ ಮತ್ತು ಇತರ ಹಲವು ಆಯ್ಕೆಗಳು ‘ಅವತಾರ್’ನಲ್ಲಿ ಲಭ್ಯವಿವೆ. ಇದನ್ನು ಎಡಿಟ್ ಮಾಡಬಹುದಾಗಿದೆ.

ಐಒಎಸ್​​ನಲ್ಲಿ ವಾಟ್ಸಪ್​​ ಚಾಟ್ ಓಪನ್ ಮಾಡಿ ಸ್ಟಿಕ್ಕರ್ಸ್ ಆಯ್ಕೆಯನ್ನು ಓಪನ್ ಮಾಡಬೇಕು. ಆಂಡ್ರಾಯ್ಡ್​​ ಮೊಬೈಲ್​ನಲ್ಲಾದ್ರೆ ಇಮೋಜಿ ಸಿಂಬಲ್​ ಅನ್ನು ಟ್ಯಾಪ್ ಮಾಡಿದಾಗ ಅಲ್ಲಿ ಜಿಫ್ ಆಯ್ಕೆಯ ನಂತರದಲ್ಲಿ ಸ್ಟಿಕ್ಕರ್ ಆಯ್ಕೆ ಕಾಣಿಸುತ್ತದೆ. ಅಲ್ಲಿ ಕ್ಲಿಕ್ ಮಾಡಿದಾಗ ನಿಮ್ಮ ಮೊಬೈಲ್​ನಲ್ಲಿರುವಂತಹ ‘ಅವತಾರ್’ ಆಯ್ಕೆ ಅಲ್ಲಿ ಕಾಣಿಸುತ್ತದೆ..

ಅಲ್ಲಿ ನಿಮಗೆ ಬೇಕಾದ ಒಂದು ‘ಅವತಾರ್’ ಅನ್ನು ಸೆಲೆಕ್ಟ್​ ಮಾಡಬೇಕು. ಆಗ ಹೊಸ ಪುಟ ಓಪನ್ ಆಗುತ್ತದೆ. ಅಲ್ಲಿ ‘ಗೆಟ್ ಸ್ಟಾರ್ಟೆಡ್’ ಆಯ್ಕೆ ಮಾಡುವ ಮೂಲಕ ‘ಅವತಾರ್’ ಸ್ಟಿಕ್ಕರ್ ರಚಿಸಬಹುದು. ಒಮ್ಮೆ ಸ್ಟಿಕ್ಕರ್ ರಚಿಸಿದ ನಂತರ ಅದನ್ನು ಸೇವ್ ಮಾಡಿ. ಅದನ್ನು ವಾಟ್ಸಪ್​ನಲ್ಲಿ ಆ್ಯಡ್ ಮಾಡ್ಬೇಕು. ಈ ಮೂಲಕ ನಿಮ್ಮ ವಾಟ್ಸಪ್​ ಅಕೌಂಟ್ ಅನ್ನು ಹೊಸದಾಗಿ ಕಾಣುವಂತೆ ಮಾಡಬಹುದು.

ಈ ಫೀಚರ್​ ಮೊದಲಿಗೆ ಕೇವಲ ಸ್ನ್ಯಾಪ್​​ಚಾಟ್​ನಲ್ಲಿ ಮಾತ್ರ ಇತ್ತು. ಅದರ ನಂತರ ಇದು ಇನ್​ಸ್ಟಾಗ್ರಾಮ್​ನಲ್ಲಿ ಬಂತು. ಇದೀಗ ಈ ಫೀಚರ್​ ವಾಟ್ಸಪ್​ನಲ್ಲಿ ಬರುತ್ತಿದೆ ಎಂಬ ಸುದ್ದಿಯಾಗುತ್ತಿದೆ.